Dreams way

منتدى طريق الأحلام ..ملتقى الكلمة الطيبة والحلم الراقي .. أهلاً بكم
 
الرئيسيةس .و .جبحـثالتسجيلدخول

شاطر | 
 

 تركوني أهلي ..طلال حيدر

اذهب الى الأسفل 
كاتب الموضوعرسالة
shatha
فريق الأحلام
فريق الأحلام
avatar

عدد المشاركات : 509
تاريخ التسجيل : 01/11/2008

مُساهمةموضوع: تركوني أهلي ..طلال حيدر   28.01.09 0:07

تركوني أهلي
-----------------------------------
تركوني أهلي بهالليل
تركوني وراحو
لا أنا ارتحت بسفر الليل
ولا هن ارتاحو
قلتلن خلوني نهار
أخدوا الارض وراحو ..
تركوني وحدي بهالليل
تركوني وراحو
وسالتون عن اسم اليوم
سكتوا ماباحو
قلتلن عيروني يوم
تركووني وراحو ..
ولمن وعي طيرالنوم
حملني ع جناحه
أنا رح امرق متل خيال
مطرح ماراحو
ع الناس الكانو بهالصيف
ع الصيف وافراحه
واول مابيرحل هالليل
اتعلق برياحه

-------------------------------
هـ الكان عندن بيت
هـ الكان عندن بيت
وصورة
عليها ناس
معلّقين بخيط
وقعوا عن سطوح العمر
وسْتلَقِتّن الحجار
وِقْعوا
متل ما بيوقع المشمش
على ولاد الزغار
وين أهلي؟
وين طاحونة حزن خيي الزغير؟
وين طيارة ورق نومي
على هزّة سرير؟
وين الإيدين؟
الحطّت اْبريق الشتي فوق الحصير
وين شبابيك
الفات منها الصوت
متل الزمهرير
وين رمان السقف
مقطوف ومعلّق
متل عُمْر الكبير
لك.. عنّ يا قلبي
متل هـ النحل
جُوّات القفير
وقع العمر
ما بين إيد
وبين هزّات السرير

---------------------------------
صوتك مرق عالمسافة

صوتك مرق عالمسافة وسلّم عليها
ما صدّقت إنو مرق تا شافت الحِنّة عا إيديها

قال الصوت خليكي ما دام جايي هوى
رح ضلّ ناديكي .. يا ريت نبقى سوى

تركض غزالة حافية بضوّ القمر حتى تمسّيكي
بس تحلم منامات كشّفها الهوى .. نومِك يغطيكي
وصل الخبر عا مصر .. وقفو ملوك النيل يتأهّلو فيكي

صوتك مرق يا طير قلّو يسلّم عليي
ما صدّقت إنّو مرق تا نشفت الدمعة بعينيّي

كنت تقلي غنّيلي .. غنّيت ما في حدا
وينك طِلّ مقابيلي .. صوتك صاير صدى

----------------------------------------
حبّ
---------------------------------------


ياحبّ
خدني معك يا حب، شي مشوار
وع السكت وشوشني، سرار سرار
محّي لي أيامي بايديك الزغار
مدري شو صابو، هالعمر
فتّح وصار قمار

يا ريت هالعمر الهرب
يرجع ونحنا زغار
لا بعود اقرا بها الكتب
ولا بعود عمّر دار
بقشّقش حوالييّ حطب
وبشعّل بها النار


عدل سابقا من قبل شذى في 28.01.09 0:30 عدل 1 مرات
الرجوع الى أعلى الصفحة اذهب الى الأسفل
shatha
فريق الأحلام
فريق الأحلام
avatar

عدد المشاركات : 509
تاريخ التسجيل : 01/11/2008

مُساهمةموضوع: رد: تركوني أهلي ..طلال حيدر   28.01.09 0:07

يسعد مساكم يا أصدقائي ..أحببت أن أهديكم قبل غيابي عنكم في الفترة المقبلة ..ثلاث قصائد من إبداعات الرائع طلال حيدر..والقصيدة الأولى مغناة بصوت ساحر..غادة غانم حاولوا تسمعوها ..وواثقة بانها ستعجبكم ..حاولت نزل الأغنية بالمنتدى ..بس للأسف ما مشي الحال
بحبكم ..وديروا بالكم على المنتدى بغيابي
الرجوع الى أعلى الصفحة اذهب الى الأسفل
وجدي
فريق الأحلام
فريق الأحلام
avatar

عدد المشاركات : 1248
العمر : 32
تاريخ التسجيل : 22/11/2008

مُساهمةموضوع: رد: تركوني أهلي ..طلال حيدر   29.01.09 17:34

مسا الورد خيتي شذى يسلم دياتك على القصائد حلوين وانشالة غيابك يكون بخير وشو منحسن رح نحاول ندير بالنا على الموقع يلا يا غالية ناطرين رجعت الله يكون معك
الرجوع الى أعلى الصفحة اذهب الى الأسفل
http://saydnayatoday.com/
Mohannad
الإدارة
avatar

مكان الإقامة : : لامكان لاوطن
عدد المشاركات : 2982
تاريخ التسجيل : 27/08/2008

مُساهمةموضوع: رد: تركوني أهلي ..طلال حيدر   29.01.09 19:24

بعد غياب اضطراري رايت اسم طلال حيدر يشع في سماء المنتدى فمالي إلا المسارعة في الدخول إلى صفحته
رائع انتقائك كعادتك
أتمنى من القلب أن تكون فترة غيابك فترة اجاز وعمل واجتهاد
وما تطولو الغيبة




في حلمي أقول لهم : أنني أنا البحرُ لانهاية له , وليست العوالمُ كلّها سوى حبّات رمل على ساحلي
الرجوع الى أعلى الصفحة اذهب الى الأسفل
بن الضيعة
فريق الأحلام
فريق الأحلام
avatar

عدد المشاركات : 2627
تاريخ التسجيل : 24/09/2008

مُساهمةموضوع: رد: تركوني أهلي ..طلال حيدر   29.01.09 19:37

شذى ... بشذى هذه الكلمات الرائعة للرائع طلال حير لن ننساكي ستظلين عبيرا يفوح في قلوبنا
نحن باتظار عودتك .... يا رائعة
الرجوع الى أعلى الصفحة اذهب الى الأسفل
http://d-way.freehostia.com/abnaldi3a.htm
 
تركوني أهلي ..طلال حيدر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Dreams way :: ساحة الثقافة والعلوم :: مواضيع أدبية منقولة :: الأدب العربي-
انتقل الى: