اللي بيحبّ الأكل يفوت يشاركنا

مرحبا عليكم..
كنت هلئ بصفحة بيوتي سول والموبابل اللي ناوية تشتريه..
وشفت أنه قلبنا الحديث من التلفونات للأكلات..
وخطرت لي فكرة باعتبار أنا بحب الأكل كتير وبحب الطبخ أكتررررر..
خطرلي كل واحد يفوت ويخبرنا عن أطيب أكلة بيحبها وعن الأكلة اللي ما بيستسيغها..
ويمكن المغتربين يخبرونا عن أكلات غريبة موجودة ببلاد اغترابهم..

ممممممممم...رح بلش أنا..
في أكلات كتير بحبها..
من أطيب الأكلات السورية اللي بحبها وبتذكرها بالغربة هية الفطاير بالخضرة (سلق وسبانخ.. الخ..) اللي بتعملهم أمي ع الصاج على نار الحطب..
و أما عن الأكلات الفرنسية فما حبيتها..
المطبخ الفرنسي بيعتمد على الشوي بالفرن وإضافة أنواع متعددة من الصلصات.. وبيعتمدوا على اللحوم جدا في وجباتهم..ومن الأكلات الشهيرة في مدينة ليون حيث أقيم ( طبق اللحم بالأرز) وهوة شي بيشبه الأكل السوري.. بيسلقوا اللحمة الحمرا حتى تستوي كتيييير وبيسكبوا عليها صلصة طماطم وبيسكبوا بالصحن شوية رز مسلوق بالمي.
وصحتين على قلبكم..

صحتين على قلبك ورد جوري
يعني هيك بيصير اسمو سلاقة مو طبخ
يا خيتو الطبخ خلق إلنا
بالنسبة إلي بحب اليبرق والمحاشي كتير
ولو معمولة عا اصولا بتطلع بتجنن
بس لا تكتري حد رنووووووووووووووش
صحتين عا قلبكن كلكن

امممممممممممممممممم من لايحب الاكل فليس منا نعممممممممممممممممم
يا ستي انا شرحو بحب المحاشي و كل شي خلق اسمو اكل بهالدنيي ههههههههه بس و الله مو سمينة كتير ابدا ابدا يعني هيك انا خيال يللي بمرق من حدو ما بيشوفني ابدا هههه مو هيك بيوتي ...... انا بحب الاكل اجمالا بحب المقلوبة ع الفروج و المحاشي بشكل عام بس ما بحب كتير الارضي شوكي و la vache queri بعتقد هيك بتنكتب ما بعرف بس المهم انو ما بحبها و عنجد مستغربة من حالي انو كيف مرقو هالتنتين ما حبيتون عنجد غريب بس ياللله ع كل حال لكل فارس كبوة ... الاكل الغربي اي ممكن استسيغ منو شي لكن بحس الاكل العربي و بخاصة اكل مناطق تركيا و بلاد الشسام بيضل الاطيب .... موضوع طيييييييييييييييب يا عبير

يا جماعة أنا شرحه لميوش بحب اليبرق كثير و هي الأكلة يللي بجن عليها و بحب الكبة اللبنية الللللللللللللللللله على شي صحن هلق كنت سقطت عليه سقطة لذيذة و من الغربي بحب الكوردونبلو كثير و خاصة من تحت دياتي بتطللللللع شغلة ..... بالنسبة لرنوش و أنا نحن صح حكيها مثل الخياااااااااال بس خيال كبير شوي يعني صحيح اللي بيمرق من عنا ما بشوفنا بس ..بل إنه بينبهر فينا .... والله صاير عمب يطلع معي كلمات مبارح ابتهاج و اليوم انبهار لنشوف بكرا شو اللي بيحبّ الأكل يفوت يشاركنا Stuffedgrape

اللي بيحبّ الأكل يفوت يشاركنا Stuffedgrape

اللي بيحبّ الأكل يفوت يشاركنا D983d8a8d98720d8a8d8a7d

و هي كوردون بلو بس عشرط لازم تكون بلحمة مو دجاج

اللي بيحبّ الأكل يفوت يشاركنا Dsc06052t

والله شي بشهي
أنا عن نفسي بحب المقلوبة وبموت فيها

واووو بيوتي طلعنا منحب نفس الأكلات
يعني الكوردنبلو انا بموت عليه
وبالنسبة للكبة اللبنية فهون منعملا جنب كبة مشوية عالفحم
شورأيكن يا جماعة نسكر هالسيرة
يعني شي لا يحتمل
شهيتوووووووووووووووونا

يسعد أوقاتكن .... فتحتولنا سيرة الأكل ياجماعة ....

أنا والله أطيب أكلي بالدني عندي هي القمحية ... ويا حزركن شو هي القمحية ....

هي أكلة كانت أمي الله يطول بعمرا وبأعمار أمهاتكن تطبخلنا ياها على الحطب ...

وهي مكونة من مجموعة من الخضار والحشائش يعني متل السلبين والشمرة

والخشينة ومجموعة كبيرة من الحشائش البرية وتتطبخا مع القمح واللوبية العربية

وما بعرف شو كمان بس أكلة بتاخد العقل ....

وكمان بحب الكبة المشوية والفريكة والمجدرة ....

أما الأكل الغربي فأطيب أكلة حبيتا هي الغوياشأكلة هنكارية

... عدد المشاركات : 1452 تاريخ التسجيل : 08/09/2008

يالله شو مشتهي اليبرق... رخمة الله عليكي يا ستي... شو كان اليبرق طيب من تحت دياتك....

و الله زمان يا سوريا...

ورد جوري تقدير و شكر...

محبة....

يسعد اوقاتك عبير واوقات الجميع
انا بموت ع الرز مع لحمة الفروج (السفن)

إي دوختوني يا جماعة ..و خاصة انتي وردة جورية خانوم فتحتي سيرة أكل مع جماعة ما بطيقوا الأكل أبدا ...و لسع شي رز مع فروج و شي يبارق و شي فريكة ..لك صرت عمب احلمهون يكونوا قدامي و افطرهون ...

» الشخصية من نوع الأكل
» سبعة أشياء يجب أن لاتمارسها بعد الأكل
» فصح مجيد لكل اللي عم يحتفلوا اليوم
» رحبوا معي بفارس الفرد الجديد اللي انضم لأسرتنا