اقتراح .... و رأي الجميع مطلوب

موضوع: اقتراح .... و رأي الجميع مطلوب 16.05.09 0:42

عندي اقتراح ....
شو رأيكون يا اصدقاء انه و بما انو في بيناتنا حدا عم يعمل اختصاص دكتوراه بعلم النفس و الطب النفساني و التي هي جوريتنا عبير فكنت عم فكر انو نحن عم نعمل بمنتهى الصراحة مع اعضاء و اصدقاء المنتدى لذا شو رأيكون انو تقوم عبير بتحليل نفسي معمق لشخصية كل حدا فينا تباعا .....
طبعا اذا حبيتو و اذا عبير كان عندها الرغبة بهالشي و اكيد اذا كان الرد من اي طرف بالرفض فاكيد ما حاد بيكون عندو مانع .. لكن هوي شي خطرلي و حبيت احكي بامرو
يسعد مساكون

هلا رانيا فيها وجهة نظر وبدنا رد عبير بركي مشغولة

رنيااااااااااااااااااااااااااااااااااااااااااااا
أقسملك ثم أقسملك ثم أقسملك
إني من حوالي ساعتين عم أدخل المنتدى بس في مشكلة بمخدم الإنترت مرتين كتبت نفس الموضوع بقسم الإستفتاء
بس ما يظهر الموضوع بسبب مشكلة بنخدم الإنترنت والصفحات تعطي المخدم مشغول
بتصدقي لو فاتح معي النت من ساعتين كنتي لقيتي موضوع شبيه وبقسم الإستفتاء
رانيااااااااااااا
المنتدى مسحور كيف هيك حكيتي بنفس الفكرة يلي براسي

بس أنا رح ضيف لمساهتك عناصر الإستفاء
يا رانيا لما بتكتبي بقسم الإستفتاء بعد ما تكتبي الموضوع في إشارة + نقري عليها
بتلاقي خيار اسمو تصويت
بتكتبي كل خيار وبتغطي على مفتاح Enter
هيك بتظهر خيارات الإستفتاء

شكراً رانيا وانا موافق
بس بحب ذكر أنو قسم الإعترافات محصور بعدد محدود من الأعضاء
يعني مو كل الأعضاء بشوفوه
بتحبو يكون القسم مفتوح لكل الأعضاء ؟

بكل الأحوال الفكرة حلوة ورأي عبير بهمنا لتشخص حاللاتنا يلي بتقطع القلب

يسعد مساكم يا حلوين..

الحقيقة.. غير أني بنشغل أحياناً لدرجة الغياب لفترة طويلة عن المنتدى.. بحب كمان وضّح شغلة.. وهي:

اختصاصي العام هو علم النفس ولكن مجال اختصاصي بالدكتوراه هو علم النفس اللغوي: يدرس المشكلات النفسية والمعرفية المتعلقة بالنطق والصمم واكتساب اللغات ومشاكلها.. و تعلم عدة لغات في وقت واحد.. الخ.. وذلك في الإطار العام للسلوك الإنساني ضمن منظومة اجتماعية معينة..

وأمّا (التحليل النفسي) فهو اختصاص مستقل عن اختصاصي..

لذااااااااا..

فلن أدعي القدرة على التحليل النفسي المعتمد على الاختصاص الأكاديمي فأنا لم أدرس ولم أتعلم سوى مبادئه العامة أثناء دراستي الجامعية ومن خلال مطالعاتي الشخصية.

وبحب قلكم بالأخير..
بشكل عام بقدر قول من خلال كوني أدرس علم النفس أنه في شغلة تعمّ أرجاء هذا المنتدى وهي (الحاجة للحلم) حسيت أننا واقعيين (رغم أنوفنا) و عم نحاول نتمسك بملمس الأحلام المخملي وكأننا نضجنا (عموما) قبل الأوان بينما ما زلنا (أغلبنا) نتمسك بحقنا بالأحلام كالأطفال.

يسعد أيامكم.. ياحلويييييين.

يا عبير فيما يبدو أننا جميعاً مازلنا نحمل صفة الطفل
باستثناء من اعتقد أن القوة في الوجود هي بصناعة قصص وهمية لا علاقة لها بواقعه أصلاً
هناك من يعيش الحلم ببراءة يعكس ماتحمل نفسه من براءة مجتمعه وبيئته وتربيته
في مجتمعاتنا رغم قساوتها أحياناً ولكنها ربتنا أن نكون بسطاء عقلاء وانفعاليين وعاطفيين
في هذا البيت لي استنتاج
أننا جميعاً نرغب بالهروب من عقد الحياة وعلاقتنا المباشرة بواقع يفرض علينا سلوك ونمط معينين في الحياة الواقعية نتجنب أن لانكون أطفالاً إلا في بيوتنا

البراءة هي مفتاح النجاة .. ليس من السهل أن نكون أبرياء
بعض البشر يصنعون من أنفسهم أبرياء
والصناعة مصيرها الفناء .. ومن صنع ليس كمن خلق

فقط الطيبون سوف تحميهم الطبيعة .. وذاتها سوف تعاقبهم إن كانوا في الواقع أو الإفتراض
في الغرب أو الشرق

رائع أن نبقى أطفال

عبير لك كل الشكر يا صديقتي

مهند ياااااااااااااااا مهند ... مالك خبر اني جنية و بنفد ع الاشباح السابقين و الحاليين و بعرف افكارون و بسرقها و بسندها لالي ؟؟؟ هههه يسعدلي مساك و الله انا خطرت ببالي الفكرة ما كذا يوم و هلا عملتها على كل حال ما في مشكلة انا او انت ما في فرق
عبير شكرا لالك بعتقد كلامك صحيح و بمكانو تماما كلنا بحاجة للحلم ... يمكن قد ما عم تاخد الحياة مننا صار الواقع مرسخ فينا لدرجة انو اذا تركنا حالنا شوي بس عم نرتفع عن الواقع ( بدون تحليق او طيران ) رح نحس انو في شي غلط و انو هادا مو انا ..... على كل حال ان كان صح هالحكي او لا فانا عم طير و حلق و ما عم اسال لا ع حاضر و لا ع ماضي و لا حتى ع مستقبل مو مهم
المهم هلا و بس
شكرا عبير
مهند كلامك كمان صحيح تماما .... مو بس الطيبون بتحميون الطبيعة لكن كمان يللي مصرين بالارادة انو يضللو طيبين و متل الاطفال على قلة اعدادهن
شكرا يا اصدقاء

» الاعتدال ... مطلوب إلا في كرامتنا نحن العرب !!!!
» مطلوب شعار للمنتدى بمناسبة أعياد الميلاد ورأس السنة