Dreams way
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Dreams way

منتدى طريق الأحلام ..ملتقى الكلمة الطيبة والحلم الراقي .. أهلاً بكم
 
الرئيسيةأحدث الصورالتسجيلدخول

 

 حوار حول تعقيب لرانيا هاني

اذهب الى الأسفل 
+4
وليد
وجدي
wardjouri
Mohannad
8 مشترك
كاتب الموضوعرسالة
Mohannad
الإدارة
Mohannad


مكان الإقامة : : لامكان لاوطن
عدد المشاركات : 2983
تاريخ التسجيل : 27/08/2008

حوار حول تعقيب لرانيا هاني Empty
مُساهمةموضوع: حوار حول تعقيب لرانيا هاني   حوار حول تعقيب لرانيا هاني Empty18.05.09 22:37

اسمحيلي رانيا اقتبس تعليق لإلك بإحدى المساهمات
برأيي الموضوع يستحق الحوار حول نظرة الرجل للمرأة

رانيا هاني كتب:
*** عندي نقطة ..... لما الوحدة فينا بتحس هيك و بتفكر حالها احلى وحدة بالدنيي و شايفة حالها الخنساء و من عظيمات الكون فتاكد انو رح يكون حبيبها هوي يللي حسسها بهالشي اولا لانو لما رح توصف حالها بالوردة البيضا رح يكون في اول شي تواضع و لما رح ( تكبر ) لتوصل لهالحد معناها حبيبها كبر فيا كتيييييييييييييييييير و حسسها انو ما في غيرها بكلللللللللل الكون و انو هيي الملكة و ما تبقى من نساء الكون كلهن وصيفات لالها ..... لهيك .... بعتقد انو في معها حق بهالشي ف اذا ... ليش الحبيب احيانا بيتنصل ؟؟؟ ما عم بعرف
الرجوع الى أعلى الصفحة اذهب الى الأسفل
Mohannad
الإدارة
Mohannad


مكان الإقامة : : لامكان لاوطن
عدد المشاركات : 2983
تاريخ التسجيل : 27/08/2008

حوار حول تعقيب لرانيا هاني Empty
مُساهمةموضوع: رد: حوار حول تعقيب لرانيا هاني   حوار حول تعقيب لرانيا هاني Empty18.05.09 22:46

الصديقة رانيا
طبيعة الرجل لا تحتمل تعدد الصور والخيالات للحبيبة
يعني دائماً بيقتيس الشيء الأجمل .. وبيعتبر كل يلي بتقولو أنثاه حقيقة
طبيعة الرجل إلى حد ما في موضوع العاطفة تعتمد على الصورة
يعني يفتن بسحر العيون أو بلطافة اللسان أو بهمسة رقيقة مع دلع
وبيعتبر أنو كلمة الحبيبة هي قداسة مطلقة
مافي رجل في العالم بتبدا علاقة الحب معو بسوء نية بالعكس بيتعاطى مع حسن النية بشكل دائم
الرجل العادي غير المريض والثابت ما بيهتم بكل القضايا الجانبية وما بدقق على الأمور الصغيرة
ولكن في لحظة إذا شعر بكذبة أو خدعة ولو كانت صغيرة
ثقي تماماً ذات الرجل رح يتحول لوحش كاسر وبيدقق على كل شيء وبيخلق في ذهنو تصور جديد للمحبوبة
ثقي تماماً بينقلب رأساً على عقب .. بيتغر سلوكه
مافي أصعب من الشعور بالخدعة أو الكذبة على الرجل
يا صديقتي مافي رجل سليم عقلياً ولو كان عايش بما يسمى الحضارة إلا وبتملكو الغيرة والشك إذا شعر بسلوك خاطئ للحبيبة

أنا بوافقك أنو الرجل هو يلي بيصنع صورة حبيبتو أو صديقتو أو الأنثى بشكل عام
لأنو فكر الرجل ما بيتحمل تعدد الصور

أما المرأة
المرأة بتسقط مع الكلمة الحلوة .. ومع الغزل وخاصة إن كانت غير مرتبطة
بكل سهولة المرأة بتقدر تجعل في قلبها صورة واحدة من عدة رجال لرجل واحد !
أما الرجل لا يمكن إلا يصنع صورة وحدة لأنثاه على أنها كل نساء العالم

تقبلو رأيي
وسامحونا يا صبايا
الرجوع الى أعلى الصفحة اذهب الى الأسفل
wardjouri
فريق الأحلام
فريق الأحلام
wardjouri


مكان الإقامة : : فرنسا / ليون
عدد المشاركات : 1633
تاريخ التسجيل : 29/08/2008

حوار حول تعقيب لرانيا هاني Empty
مُساهمةموضوع: رد: حوار حول تعقيب لرانيا هاني   حوار حول تعقيب لرانيا هاني Empty18.05.09 23:30

مهند..
أظنك تتحدث من وجهة نظر شخصية بحتة.
الرجوع الى أعلى الصفحة اذهب الى الأسفل
http://www.syria-news.com/listrelated.php?sy_related=523
Mohannad
الإدارة
Mohannad


مكان الإقامة : : لامكان لاوطن
عدد المشاركات : 2983
تاريخ التسجيل : 27/08/2008

حوار حول تعقيب لرانيا هاني Empty
مُساهمةموضوع: رد: حوار حول تعقيب لرانيا هاني   حوار حول تعقيب لرانيا هاني Empty19.05.09 0:02

مرحبا عبير
وجهة النظر الشخصية هي جزء اساسي من استنتاج مبني على تفاصيل كتيرة واجهناها في الكتب والتاريخ أو في الحياة الإجتماعية
مافي رأي في العالم إلا وهو وجهة نظر شخصية
فيكي تقولي رأيك مو وجهة نظرك الشخصية ؟
عبير أنا علاقاتي مع الأنثى (كأنثى) مستقرة وواقعية بشكل كبير
( بنفعل من شي واحد فقط هو الإحساس بالكذب إن كان مع ذكر أو أنثى .. وبصير عندي تخبط وعدم استقرار .. طبعاً عبارتي هي خارجة عن موضوعنا المطروح للحوار )

ومع هيك من الواقع طرحت وجهة نظري الشخصية يلي بعتبرها رأي

دخلك خلاف الأديان والسياسات مو خلاف وجهات نظر شخصية لأرباب القرار والإفتاء ؟؟؟
فما بالك اختلافنا في وجهات النظر على مستوى الأفراد

شكراً عبير
الرجوع الى أعلى الصفحة اذهب الى الأسفل
وجدي
فريق الأحلام
فريق الأحلام
وجدي


عدد المشاركات : 1248
العمر : 38
تاريخ التسجيل : 22/11/2008

حوار حول تعقيب لرانيا هاني Empty
مُساهمةموضوع: رد: حوار حول تعقيب لرانيا هاني   حوار حول تعقيب لرانيا هاني Empty19.05.09 2:57

الذكر والانثى بيختلفوا وكل ذكر بيختلف تفكيره عن الثاني وكل انثى بتختلف تفكيرها عن الثانية مشان هيك مستحيل تلاقي حدا بيشبه الثاني بتفكيره قد ماكانوا متشابهين فيه اختلاف حتى لو ماظهر لكن في اختلاف, كرمال هيك مافينا نشمل شي او نعمم شي وبالنسبة لموضوع الانثى والذكر والغزل والحب .الحب المبني على الثقة والحب المبني على الصدق مافي شي بوقف بوجهه ومافي شي بهدم كل شي انبنى وان ظهرت وجهات نظر مختلفة فهي رح تكون عبارة عن بهارات او عبارة عن تجديد الحب
والحبيبة بتشوف حالها اجمل الاناث والحبيب هو لبكبرها وهو بشوفها ملكة الملكات وبيوصفها بكلام مانوصف بانثى من قبل وهي بنفس الوقت بتكون مفتاح كلامه الحلو
اما انه فجاءة ينكرها فما بعتقد هذا ذكر طبيعي او مستحيل تصير هيك نهايات وشكرا
وكمان هي وجهة نظري انا وشكرا
الرجوع الى أعلى الصفحة اذهب الى الأسفل
http://saydnayatoday.com/
وليد
...
وليد


عدد المشاركات : 1452
تاريخ التسجيل : 08/09/2008

حوار حول تعقيب لرانيا هاني Empty
مُساهمةموضوع: رد: حوار حول تعقيب لرانيا هاني   حوار حول تعقيب لرانيا هاني Empty19.05.09 6:49

يا صديقي... نحن الشرقيون... نحيا على أطلال بادت... من كرم وشهامة.... مخلفات مازالت تحتل كثير المساحة... في لاوعينا.... ربما الصحراء... و السيف و المعلقات العشر.... مازالت تفعل فينا فعلها... في زمن الألوان العجيب...زمن التماوج و اللا استقرار... والقيم المعلبة.... و الغريب أننا متورطون جميعاً.... في جعل حياتنا اقرب ما تكون إلى فنتازيا فكرية تاريخية.... فيم الغربي.... يضع أصبعه في الجرح تماماً... و يقول ما يريد... و يأخذ ما يريد... بغير أدنى تفكير بالأخر... بل دون ادنى ... تأنيب ضمير.... ليس غريباً... أن كل قصص الشهامة و الفروسية.... بل و محاولات....الخلود...( سواء من مثيولوجيا او أديان)... رأت النور تحت شمس الشرق...
يا صديقي.... تنتهي المعركة...و يُقتل من يُقتل.... و ينجو من ينجو.... و نحن ما نزال نفكر.... كيف كانت صورتنا... في عيني القتيل.... او الهارب.... أو لنقل.... تنهار جدران المسرح.... ولا نفكر بالنجاة.... بل نود ان نرى المشهد الأخير.....ليس عبثاً أن يُقال.... إن غرق المركب.... كانت الـ***** هي اول الناجين....
مهند تقدير و شكر....
محبة...
الرجوع الى أعلى الصفحة اذهب الى الأسفل
https://dreamsway.ahlamontada.net/montada-f47/
بن الضيعة
فريق الأحلام
فريق الأحلام
بن الضيعة


عدد المشاركات : 2627
تاريخ التسجيل : 24/09/2008

حوار حول تعقيب لرانيا هاني Empty
مُساهمةموضوع: رد: حوار حول تعقيب لرانيا هاني   حوار حول تعقيب لرانيا هاني Empty19.05.09 10:34

يسعد أوقاتكن ...

يمكن كل واحد منا الو وجهة النظر يلي بيقتنع فيا ...

وجهة نظري أنا انو الرجل والمرأة غلب عليهما زمن المصالح ...

كل يسعى لمصلحة في نفسه ... لذلك سيبقى الجدال ...

علما أنني أرى وجميع وجهات النظر السابقة فيها نظر ...

حل دبلوماسي ... ههههههههههههه

كل التحية
الرجوع الى أعلى الصفحة اذهب الى الأسفل
http://d-way.freehostia.com/abnaldi3a.htm
بسام البني
فريق الأحلام
فريق الأحلام
بسام البني


مكان الإقامة : : موسكو
عدد المشاركات : 298
العمر : 57
تاريخ التسجيل : 10/05/2009

حوار حول تعقيب لرانيا هاني Empty
مُساهمةموضوع: رد: حوار حول تعقيب لرانيا هاني   حوار حول تعقيب لرانيا هاني Empty20.05.09 10:03

صباحكم سعيد:
أسمحوا لي أن اضم صوتي لصوت وليد، فقد وضع يده على النقطة الأكثر أهمية هنا ولأضيف أن العرب شعراء بالفطرة وما يقوله العرب لا تقوله اية امة غيرها والدليل أن الأجنبية التي تعشق عربي وإن فارقته تجدها لا تستطيع بعدهاأن ترتبط إلا بعربي أو شرقي، وهذا يدل على صحة ما قاله مهند حول تأثير الكلمة على قلب المرأة..
بإختصار نحن شعب يعيش بحالة جوع عاطفي مزمن إن لم نقل جوع جنسي وهذا الشيء يجعل الرجل شاعراً بالفطرة.
أما عن تغير مواقف الرجال فهو متعلق بقناعة المرأة بالديمومة والأستقرار والشعور بالحماية من قبل الرجل ولكن الرجل يعشق في كل مرة وكأنها المرة الأولى وفي كل مرة يفكر أنه الحب الأخير.
وقال الشاعر: ليس عندي حب اخير كل حب جديد هو حب أخير
ولا تواخذوني كتبت ما اشعر به بشكل شخصي فقد أصيب وقد أخطئ..
الرجوع الى أعلى الصفحة اذهب الى الأسفل
http://www.shamyat.ru/
صبا
فريق الأحلام
فريق الأحلام
صبا


عدد المشاركات : 817
تاريخ التسجيل : 31/08/2008

حوار حول تعقيب لرانيا هاني Empty
مُساهمةموضوع: رد: حوار حول تعقيب لرانيا هاني   حوار حول تعقيب لرانيا هاني Empty20.05.09 15:45

برأيي (وطبعا وجهة نظر شخصية بحتة) مهم جدا بالنسبة للمرأة في علاقتها مع الرجل هو ما يخليها تشوف غيره بالكون

..بدها يكون صديق وحبيب وأب ورفيق ..وبدها يهتم بأدق تفاصيل اهتماماتها(بما انه المرأة متهمة أنها تهتم بالتفاصيل الصغيرة عكس الرجل) مع أنى بعتبر انه الأمور الصغيرة هيي الأساس لانه بترتكز عليها الأمور الكبيرة لهيك أحيانا ممكن تكون نظرة المرأة( المرأة الواعية) للأمور فيها دقة وعدم شمولية

المهم بعتقد المرأة بتتمنى تشوف بحبيبها كل هالناس هدول..أو بمعنى آخر بدها الرجل اللي بيقدر يحتويها بكل ما تحمل الكلمة من معنى... يحتوي تعقيداتها طموحاتها تناقضاتها حنيتها خوفها جرأتها أنوثتها جهلها طفولتها ثقافتها ... اما ليش تناقضاتها لأنها متل الرجل طالعين من مجتمع هو بالأصل كتلة من المتناقضات والموروثات الاجتماعية والثقافية والدينية والبيئية ..لهيك الرجل والمرأة هني صورة عن المجتمع ..ومهما حاولوا يتمدنوا بأفكارهم ويطوروها ويرتقوا بنظرتهم للحياة رح تبقى هالموروثات بشكل أو بآخر كامنة في لا وعيهم...

لكن بيبقى أنى قول انه أهم الشروط الكفيلة لنجاح أي علاقة إن كانت عاطفية أو اجتماعية ..هني الصدق والاحترام وتقبل الآخر متل ما هوي بعيوبه وحسناته ..لأنه حتى لو تواجد الحب وما كان في صدق واحترام أكيد نهاية هالحب هو الفشل...



مهند شكرا الك ع الموضوع المهم كتير
الرجوع الى أعلى الصفحة اذهب الى الأسفل
رانيا
فريق الأحلام
فريق الأحلام
رانيا


عدد المشاركات : 1264
العمر : 41
تاريخ التسجيل : 08/11/2008

حوار حول تعقيب لرانيا هاني Empty
مُساهمةموضوع: رد: حوار حول تعقيب لرانيا هاني   حوار حول تعقيب لرانيا هاني Empty21.05.09 3:52

لك اهلين بالشباب الطيبة والله انا الي غايبة يومين و انتو عم تتناقشوا بتعليق كتبتو عند وليد .... اولا بعتذر لانو ما الي خبر و الا كنت اكيد شاركت من وقت ما نزل المقال و تانيا بدي فوت فورا بالموضوع
مهند انت قلت كلمة صح و هيي ... الرجل العادي غير المريض والثابت ما بيهتم بكل القضايا الجانبية وما بدقق على الأمور الصغيرة
يعني حكما انو الكل ممكن يحب و حتى المريض متل ما ذكرت لكن للاسف ما حدا فينا بيعترف بمرضو لحتى يعالج نفسو لا و الانكى من هيك انو بيبلي الانثى معو و بالمرض يللي هوي فيه و بيخليا تتحمل نتيجة هروبو يمكن باكتر اوقاتها حاجة لالو و بيستغل نقاط الضعف يللي عندها طبعا هون بيكون طبعو للاسف ( لئيم ) انا طبعا عم احكي عامة
تانيا .... برافو عليكي يا صبا رأيك صحيح و بمكانو يعني فعلا لازم الرجل لما بيحب انثى لازم يختصر بنفسو كل الرجال لحتى يحسسها انو هوي وحدو ببالكون بيستحق اهتمامها
تالتا .... يا مهند يللي بدي قولو بالنهاية انو بيجوز تكون كل الاراء صحيحة لكن بغض النظر عن الشي يللي قالو عمي ابن الضيعة و بغض النظر عن كون الموضوع فيو مصالح بحب قول انو كتير ايام منشوف انو الضحية هيي بنت ( طيبة و شفافة و ما عندها خبرة سابقة بالحب ) لهيك ممكن للاسف يكون الطرف التاني مريض بمعنى انه بتحلالو المخلوقة و لما بيحس انو ما رح يقدر يوصللها رح يحاول حكما بشتى الوسائل المتاحة انو يوصل و يلفت نظرها و يحاول يفوت لقلبها خصوصا اذا اكتشف انو قلبها طيب و ( خام ) تماما و بتتأثر بالحكي ف بدورها رح تتاثر البنت فيه لانو ..... ما حدا قبلو سمعها هالحكي .... ف كمان حكما رح تحس حالها مركز الكون و شوي شوي رح يكون هوي بهالوقت وصل لقلب البنت و تمكن منو و طبيعة الرجل عموما مع احترامي الشديد لما بيوصل للشي بسهولة ( و احيانا بصعوبة ) بينزل من عينو و بيصير بيرغب بالشي الاصعب لانو رح يمثللو تحدي و هالتحدي رح يشغللو بالو و ما رح يرتاح لحدا ما ينالو و اذا ما وصللو ابدا ف حكما رح يبقى ببالو خصوصا اذا كان هالتحدي انثوي فالاكيد انو رح يضل يناضل حتى يوصل .... لانو كل ممنوع مرغوب و يللي ما منوصللو هوي يللي بدناياه .....
مهند انا من هالباب حكيت انو ليش لما الشب بيوصل للبنت ( بغض النظر عن اي شكل او دلع او الى ما هنالك من اراء بتختلف من شب للتاني ) بس يستحوذ ع قلبها و حياتها بيصير خلص شي عادي عندو بدو يصير يدور ع الاصعب منالا ؟؟؟ و للاسف مو رايحة الا ع المسكينة يللي لسه ما تعلمت هالشي .... شكرا مهند
الرجوع الى أعلى الصفحة اذهب الى الأسفل
Mohannad
الإدارة
Mohannad


مكان الإقامة : : لامكان لاوطن
عدد المشاركات : 2983
تاريخ التسجيل : 27/08/2008

حوار حول تعقيب لرانيا هاني Empty
مُساهمةموضوع: رد: حوار حول تعقيب لرانيا هاني   حوار حول تعقيب لرانيا هاني Empty21.05.09 5:30

اقتباس :
يعني حكما انو الكل ممكن يحب و
حتى المريض متل ما ذكرت لكن للاسف ما حدا فينا بيعترف بمرضو لحتى يعالج
نفسو لا و الانكى من هيك انو بيبلي الانثى معو و بالمرض يللي هوي فيه و
بيخليا تتحمل نتيجة هروبو يمكن باكتر اوقاتها حاجة لالو و بيستغل نقاط
الضعف يللي عندها طبعا هون بيكون طبعو للاسف ( لئيم ) انا طبعا عم احكي
عامة
....

أهلين بالصديقة رانيا شكلو رح يحمى النقاش
يا صديقتي العزيزة
ليس هناك آلية للهروب أو آلة تحكم يعتمدها الرجل
سلطة الأنثى الحقيقة تسيطر على الرجل الحقيقي ولكن بشرط أن تحكم العلاقة المصداقية والشفافية
ما قصدت بالأمور الجانبية مثل صداقة الأنثى مع الشباب أو مشاوريها أو مواعيدها التي هي بحاجة لها لتكون جزء أساسي من المجتمع
ولكن الكذب في الأشياء الصغيرة أو الكبيرة هو أولى مظاهر المرض التي ستدخل في قلوب أحد العاشقين
لا أؤمن بوجود عشق أو حب مبني على الكذب تحت تبرير أن الكذب فعلة جانبية صغيرة
ليست الأنثى الحقيقية الصادقة العاشقة هي الأنثى التي تغير لونها في سبيل الحصول على قلب الرجل
الهروب أنا ضده أنا مع فكرة أن نواجه أنفسنا وأن نواجه من نحب
بكثير من المنطق والقساوة إن تطلب الأمر
الرجل الهارب هو الرجل المتناقض الذي لا يضع آلية للعلاقة أو يتفق مع حبيبته على آلية واحدة
أنا أجد أن ينقض الإتفاق هو الهارب ومن ينقض المصداقية والشفافية في العلاقة
أما بموضوع أن المرأة بحاجة ماسة إلى الرجل وقد تركها في أصعب ظروفها
هنا أقول رأيي وكما قالت ورد جوري رأيي الشخصي البحت
عندما تجد المرأة أنها تحت النار بسبب خيانتها أو كذبها أو خروجها عن قوانبن المصداقية والحب والإتفاق
فثقي تماماً أنها ستصنع لنفسها التراجيديا الحزينة بحيث تشعر الرجل أنه هو الخائن
لا خيانة إلا خيانة الإتفاف والعهد والتنصل منه
الشفافية في العلاقات والذكاء الروحي والعاطفي هما أقوى عوامل استمرار الحب
وليس الكذب تحت شعار أن هذه قضية جانبية وتلك قضية فرعية وإهمال الحبيب قضية ليست جوهرية

يا صديقتي إن من تقبل على نفسها أن تنفصل عن ذات عشيقها وتبرر لكل أفعالها على أنها قضايا جانبية
هي ذاتها الأنثى الهاربة التي مازالت تصنع في نفسها الكثير من قصص التراجيديا

يا صديقتي أنا من أنصار حرية المرأة
وحرية المرأة برأيي ليست بعملها أو لباسها أو مركزها الإجتماعي
حرية المرأة هي أن تكون صادقة مع نفسها ومع حبيبها شفافة كضوء القمر
هادئة كنسائم غربية .. لا تتلون كأفعى .. تقول مافي قلبها بصدق
لا تعطي مافي القلب إلا لمن في القلب

الحب يا صديقتي قداسة وطهارة ووضوح وأمانة نحملها في أعناقنا
من أسقط المصداقية والصراحة فهو نفسه من قتل الحب
الخائن خائن إن كان ذكر أو أنثى
الكاذب كاذب إن كان ذكر أو أنثى

أما أن تصبح المرأة أمر عادي للرجل بعد الحب
اسمحي لي يا صديقتي
المرأة في عين الرجل بعد الحب هي قداسة مطلقة وصورة لحواء والعذراء والبتول
المرأة بعد الحب هي الملاذ هي الخلاص هي السكينة لقلب الرجل

أما كا ذكرتيه فهو ينطبق على الصداقة وليس الحب
أو الإعجاب وليس الحب

صديقتي رانيا شكراً من القلب رغم اختلافي معك في وجهة النظر
ولكن رأيك صحيح مع بعض الرجال ومن المؤكد أننا نتفق كلانا أن الخائن خائن إن كانت مرأة أو رجل
الخائن خائن إن كان في الحب أو الصداقة أو في خيانة الوطن

شكراً رانيا ( ليش هالمرة ماعم تحكي حلبي خيتووووووو )
الرجوع الى أعلى الصفحة اذهب الى الأسفل
رانيا
فريق الأحلام
فريق الأحلام
رانيا


عدد المشاركات : 1264
العمر : 41
تاريخ التسجيل : 08/11/2008

حوار حول تعقيب لرانيا هاني Empty
مُساهمةموضوع: رد: حوار حول تعقيب لرانيا هاني   حوار حول تعقيب لرانيا هاني Empty25.05.09 0:32

لك اهليييييييييين خيو مهند
شوف مهند انا معك بكل شي قلتو لكن انا عم احكي عن نقطة محددة .... و هي كالتالي ..... انو الرجل مثلا بيحب امراة لسبب او لاخر و بيكبر فيها خلينا نعتبر المراة هون كائن ما الو ذنب بشي يعني انا عم احكي عن الرجل بشكل بحت بعدين بقللك ليش ..
خليني قللك انو سؤالي هوي ليش و بعد الحب و بعد العشرة و كل المشاعر الحلوة بيجي الرجال بيقول لا ,,, بتكبر براسو و بيصير بدو يلتفت لغير هالصبية يللي استولى ع قلبها و عقلها ليش ؟؟؟؟ انا بقللك لانو و ببساطة و بتوضيح اكتر لانو الرجل ما بتعبي عينو الا المرأة الصعبة المنال بمعنى انه .... ( طبعا مو الكل لكن يللي عم احكي عنهن انا ) انو لما بيمشي حال الاولى و التانية و التالتة و مبيكون هوي خلقة مو عرفان شو بدو لانو متل ما سميناه فوق ( مريض ) بحاجة انو يحقق ذاتو و يشوف مجدو بعيون اي صبية بيسمع عندها نبرة حنية و صدق و حاجة لشريك او لحبيب المهم انو و لما بيكتمل الموضوع و بيصير حبيب هالصبية بيخلص بريق هالمجد يللي كان عم بيدور عليه و بيصير يلحق اثر امرأة متل ما سميتها صعبة لانو حلاوة الصعوبة هي بالمنال لما منوصل منكون حققنا لانفسنا النصر و اعترفلنا الكل فيه لهيك بيحاول انو يوصل و اذا ماااااااااا وصل ... اما .. او
اما انو رح يحقد عليها طول الوقت و لهيك رح تبقى ببالو و رح يحاول يوعد نفسو انو رح يضل وراها حتى تحبو و يمشي الحال
او .... رح يزداد باوهامو و مرضو و تكبر القصة للاسف
اما ليش عم بحكي عن الرجل بشكل بحت فلانو طريقة معالجتو للموضوع غلط يعني مو هيك بتصير الامور في حال كان فعلا صحيح نفسيا
الرجوع الى أعلى الصفحة اذهب الى الأسفل
 
حوار حول تعقيب لرانيا هاني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Dreams way :: ساحة الحوار الهادئ والهادف :: ساحة للحوار-
انتقل الى: