أجمل توقيع....؟؟؟ فكرة و إخراج ورد جوري

مرحبا..

فتحت عيوني عند الصبح.. تطلعت باللابتوب اللي تاركته جنبي شغال من بالليل و صفحة المنتدى مفتوحة هييييييك.. وقبل ما اعمل أي شي ولا حتى أشرب القهوة.. خطرلي غيّر الكلام اللي كاتبته بتوقيعي بالمنتدى.. وسألت حالي أنه ليش الواحد بيكتب شي معين بتوقيعه.. و ليش أنا هلأ بهاللحظة حبيت غيّر التوقيع؟؟

بعد شوية .. شو شوية؟؟... في اللحظة نفسهاااااا.. خطر لي أسألكم عن أجمل توقيع بالمنتدى و عن أي توقيع أثر في كل واحد منكم و بقي متذكره رغم أنه صاحبه غيّرو.. و لماذااااااااااااا؟؟

شو قلتوا؟؟

أنا كتير بحبّ توقيع أبو جورج تبع (أفطرت يا هذا و نحن صيام)

يسعد أوقاتك أبوجورج..

يسعد أوقات الجميع..

اقتباس :: قال لي يوما ....
أحبك يا ملكة العالم فلولاك ما كانت روابي ... ولا كانت السماء تدر الغيث ... ولا كان في الأرض من سرور...
أحبك أعيدها لتمتلئ السماء بصخب القول : أحبك أحبك

سأكتفي بتوقيع لفت نظري اليوم وهو لرانيا على ما أعتقد ..
فيها رهافة إحساس تعبّر عن الحالة
جميل اختيارك صديقتك

لي عودة مع توقيع آخر .. بعد جولة ثانية على التواقيع في الموقع
فأعجبتني فكرة أن أختار أجمل توقيع

شكراً للفكرة اللطيفة عبير

شكرا مليكة الحقيقة مو انا يللي اخترت
الحكي انرسم رسم قدامي .... و تم اهداؤه لي نفسي
من تاليفه و من دقات قلبه
شكرا مليكة الحقيقة كمان سبقتيني لانو كنت رح قول لعبير انو احلى توقيع شفتو لهلا و مع احترامي للكل هوي توقيعي انا لانو ما اقتبستو من حدا و لا من اي شاعر و لا من غوغل و لا من النت و لا من حدا .... هو فقط من شخص ما قال لي يوما ... و لا يزال يقول
شكرا عبير
شكرا مليكة

اقتباس :: شكرا مليكة الحقيقة كمان سبقتيني لانو كنت رح قول لعبير انو احلى توقيع شفتو لهلا و مع احترامي للكل هوي توقيعي انا لانو ما اقتبستو من حدا و لا من اي شاعر و لا من غوغل و لا من النت و لا من حدا ....

هو ليس التوقيع الوحيد غير المقتبس على ما أعتقد ...
ولكني فضّلتُه

تحيتي لك

فكرة حلوة يا عبير و هذا بده نشوف تواقيع الجميع بالنسبة لالي هلق بالوقت الحالي بعقلي كان في توقيع لشذا بيحكي عن الغرور مو متذكر الكلمات لكن متذكر انه بيحكي عن الغرور واكيد رح يكون في تواقيع ثانية لازمها تشييك بعدين برجع بشووف

wardjouri كتب:: أنا كتير بحبّ توقيع أبو جورج تبع (أفطرت يا هذا و نحن صيام)

يسعد أوقاتك أبوجورج..

يسعد أوقات الجميع..

صباح الخير عبير ....

شكرا من القلب لاختيارك توقيعي ...

فكرة حلوة انو الواحد يختار أكتر توقيع عجبو بالمنتدى ....

أنا بصراحة بحترم كل التواقيع .... لاتقولوا بلشنا بالدبلوماسية ...

لاء عم احكي جد ... لانو كل واحد منا يمكن يعجب بأكتر من توقيع ...

ولكل توقيع حالة واحساس ما .... أنا من ناحيتي بحب كل التواقيع ....

يسعد صباحكن جميعا .....

عبير
كل مرة تأتين بجديد
أجمل توقيع ...؟؟؟؟
أعتقد أن تواقيع الجميع جميلة لأنها تعبر عن شيء ما عند أصحابها
لي عودة ....

عبير ..كتير حلوة الفكرة
بتعجبني أبيات الشعر اللي بيختارها وليد بتوقيعو
وبكل تواضع كمان بيعجبني توقيعي ...
صح او غلط عبير ؟ بالله قولي عمرك شفتي احلى منو ههههه
يسعد مساكي عبير الورد

مرحبا..

أنا ما سألتكم إذا كل التواقيع جميلة..

سألتكم ما هو أجمل توقيع و لماذا؟

احد اجمل التواقيع برأيي
اثنان هما:
توقيع مليكة البحر:
يثور البحر إذا ما رأى وجهي .. أمواجه تتلاطم ..كلما كشفتُ النقاب عن عينين مضيئتين وأنوثة وحشية ..
البحر نفسه يقبّل قدميّ العاريتين .. وحدهم ذكور القبائل ينكرون عليّ حقّ الأنوثة ويشعرون بعاري

وتوقيع ناصر
" ملعونٌ منْ يقولُ بعشرِ كلماتٍ .. ما يستطيعُ قولَه بخمسٍ فقطْ "

م.باسل كتب:: احد اجمل التواقيع برأيي
اثنان هما:
توقيع مليكة البحر:
يثور البحر إذا ما رأى وجهي .. أمواجه تتلاطم ..كلما كشفتُ النقاب عن عينين مضيئتين وأنوثة وحشية ..
البحر نفسه يقبّل قدميّ العاريتين .. وحدهم ذكور القبائل ينكرون عليّ حقّ الأنوثة ويشعرون بعاري

وتوقيع ناصر
" ملعونٌ منْ يقولُ بعشرِ كلماتٍ .. ما يستطيعُ قولَه بخمسٍ فقطْ "

شكراً م . باسل ..
Wink

في الواقع ركّزت في توقيعك فوجدتُه صعباً ولذا لم أختره
ولكن شكري لك كبير

معك حق باسل..

اختيارك جميل و أعجبني

تحية لكم جميعا.

... عدد المشاركات : 1452 تاريخ التسجيل : 08/09/2008

اقتباس :: بتعجبني أبيات الشعر اللي بيختارها وليد بتوقيعو

صبا البحر.... يسعد مساك و مسا الجميع....

محبة....

» على حافة سريرك.. بقلم ورد جوري
» ورد جوري ... الحمد لله على وصولك بالسلامة
» آياتٌ من ذِكْر الحبَق.. بقلم ورد جوري
» ورد جوري البحر ناطرك .. توصلي بالسلامة
» فكرة الزمان عبر التاريخ