ورد جوري البحر ناطرك .. توصلي بالسلامة

بحر اللاذقية ...ونسمات الصيف ونجمات الوطن مجهزين حالن لإستقبال الورد الجوري
عبير حاتم صديقتنا الغالية
إنشا الله بتوصلي بالسلامة ع أرض الوطن
وأمنياتنا إلك بإجازة روعة على قدر روعتك
قلبنا معك برحلتك وناطرين تخبرينا عنك لما توصلي سوريا
كل التحية إلك .. سوريا كلها منورة برجعتك يا صديقتنا الرائعة
وبالعادة بتبدي معنا بصباح الخير
بقلك صباح الوطن الغالي عليكي وعلينا وإنشا الله صباحاتك كلها رح تكحلي عينك فيها بفنجان القهوة يلي رح تشربيه مع أهلك
سلمينا على كل عائلتكن الكريمة وبالأخص الوالدة

توصلي بالسلامة يارب

ورد جوري البحر ناطرك .. توصلي بالسلامة Salaamh

يالله يا مهند..

ما بتعرف هالكلمات شو أثروا فيي..

بعد باقي لي بكرة و بعد بكرة الصبح معكم.. و أكيد بسوريا رح حاول أدخل كل ما كان الظرف مناسب..

سلامك بيوصل أكيد انشالله..

وإلك سلام مني و من كل أهلي وخاصة من الوالدة..

مشكووووووور على اللفتة اللطيفة.

موبس البحر ناطرها لعبير يا مهند
واهل البحر ...وموج البحر وبقلاوة اللاذقية
عبير ان شا الله بتوصلي بخير وسلامة
رح تنور اللاذقية

يسعد صباحك عبوووووور
إن شالله بتوصلي بخيروسلامة يااااارب
وتكون عيلتك وكل حبايبك بألف
خير
بتمنالك من كل قلبي إجازة ممتعة
أكييييييييد إن الله راد منتواصل.. بس أنزل
تروحي وترجعي بالسلامة يارب

يسعد صباحكم يا اهلا وسهلا بالوردة الجورية يا عبير ورود سوريا كلها ناطرة احلا وردة تنشر ابتسامتها وضحكتها بسوريا كلها
انشالة تصلي بالسلامة يا صديقتي و نسمع عنك الاخبار الحلوة واكيد لازم تخبرينا وقت تصلي
موفقة باجازتك

لقد تاق لك وطنك واشتاقت لك بلدك لتصلي بالسلامة أيتها الوردة ولتبلغي سلامي لصاحبة الشال .. الوالدة الكريمة ..خالص مودتي

أصدقائي..

كلّ حرفٍ منكم إليّ..

غالٍ عليّ كنجمة..

رح أشتقلكم كتير...

يسعد أوقاتكم جميعا.. و دائما.

عبير يسعد صباحك ....

شو هالخبر الحلو عبير الورد سيعبرليلامس أرض الوطن ودمشق سيذداد رونقها

والبحر سيطرب ....

عبير أتمنى لك رحلة موفقة ووصول بالسلامة ...

تحيتي لك ولعائلتك الكريمة

أبو جورج العزيز..

مشكووووووور على ترحيبك و تمنياتك الحلوة..

انشالله بشوفكم على خير بالبلد..

تحيتك الغالية بتوصل و لك مني ومن عائلتي كل المحبة والتحية..

يسعد أيامك...

... عدد المشاركات : 1452 تاريخ التسجيل : 08/09/2008

لا تسألي البحر ... إذ رأيته... عن شطآنه الضائعات في المدى.... فمذ رحل ( أخيل)... ماعاد الموج... يعيد للاصوات... معانٍ.... ولا صدى....

وما عاد زبد البحر... يحمل أحلام...( آليين)...مُذ خالف (مُوْتْ).. رقم الحجر و انتصر....و غدا....

وغدا... السديم الرمادي....يحاصر فينا...كل ليالي القمر.... و كل أمانينا....

وكل أمانينا..... باتت ضائعات.... بغير هُدى....

لا تسألي البحر... عن أحزانه الشتوية.... و عن ضفافه الأخريات... في أرض الجليد....

سثدى.... قد رحلت أحلام قيسٍ.... سُدى.....

ورد جوري العزيزة....

إجازة موفقة.... كثير فرح.... كثير أمل....

محبة....

أنا يللي بعرفه أنه عبورة اليوم رح تسافر ........ الأحد ...... عبورة خيتي تجيلنا سالمة لعنا ...كلنا مشتاقينلك و بتمنى نشوفك بهل جية ........ بانتظارك تصليلنا بالسلامة

ورد الغالية
إجازة حلوة وطيبة أتمناها لك
الحقيقة كنت من يومين عالبحر
ولو تعملي كم يحوي هذا البحر
آه للونه الرائع الحالم
ولعمقه المهيب
ولموجه المتلاطم مع اليابسة لكأنه يوقظ من لم يستيقظ بعد لجماله وروعته
التي ربما لم تدركها النفس البشرية حتى الآن
اهلا بك ورد بين اهلك واحبابك
كل المحبة اتمناها لك

تسلموووووووووووو لي يا أحلى صبايا وشباب..

اشتقتلكم.. جميعا..

عنجد غمرتوني بالمحبة و بالاتصالات و بالودّ و الورد.

يسعد أوقاتكم..

» ورد جوري ... الحمد لله على وصولك بالسلامة
» أميرتا البحر شذى وحالمة توصلو بالسلامة
» الشحرور ناطرك .. بقلم : شحرور الضيعة
» وجدي.. انشالله توصل بالسلامة
» على حافة سريرك.. بقلم ورد جوري