فطور اليوم

فطور اليوم اللذيذ
كأس من الشاي الساخن + سيكارة
على إعتبار مافي حدا رح يفطر معي ناس سافرت وناس غابت وناس ع قولة أبو جورج عم تدلل والواح آفيه يفطر ويتهنى لحالو
يلي بحب يشاركنا ع الفطور .. يحول وبلا دلال سيكارة حمرا قصيرة عند هالصبح بتاخد العقل مع كاسة شاي أكرك عجم من دياتي

مهند كتب:

فطور اليوم اللذيذ
كأس من الشاي الساخن + سيكارة
على إعتبار مافي حدا رح يفطر معي ناس سافرت وناس غابت وناس ع قولة أبو جورج عم تدلل والواح آفيه يفطر ويتهنى لحالو
يلي بحب يشاركنا ع الفطور .. يحول وبلا دلال سيكارة حمرا قصيرة عند هالصبح بتاخد العقل مع كاسة شاي أكرك عجم من دياتي

وهي رح ارمي السيكارة شنو بتضر بالصحة
ويسلموووو مليكة ع الفطور
ويلعن أبو الجووووع

مبسوط ع حالي اليوم فايق بكير حاكم غيرت كل مواعيد شغلي وبدي حدا يفطر معي
وأحكي معو نميمة ع الناس شو جاي ع بالي أحكي نميمة !
بس يا حظي مليكة دخلت بنفس الوقت يلي خلصت فيه استراحتي وهلق ع الشغل
والدورات يلعن أبو هالعمر
قضيت عمري قهر مافي رياحة بال الهم فوق القلب ما
تحملو الجبال
بدي أرجع دخنننننننننننن

يااااااااااااااااااااع قال سيجارة من عند الصبح ...والله يا مليكة مافي مثلك ...أنا بعشق الفطور و كل يوم بفطر ..... و هداك الثاني لا الأول عمب يقول سيجارة من عند الصبح يللي انا ما بطيق ريحتها ...شِبك يا زلمة حامل السلم بالمساحة .........

لك الله يسامحك يا استاذ مهند
سيكارة ؟؟!! يا رجل بطلها بطلها الله يرضالي عليك
ضرر والله ضرر عم حاكيك أصلي الله وكيلك
روح العاب كم تمرين تاسع على كم تمرين ثابت على كم تمرين سادس بعدين اشربلك كاسة عصير فرش أو ليموناضة

يلا تمرين التاسع خود وضع
آح - تنين - آح - تنين

آخ يا بيوتي على قد ما ضحكتيني على شايل السلم بالمساحة
صغنت وأنا فكر فيها
قصدك شايلو بالعرض ×الطول = المساحة
وكيف بتقولي مو شاطرة بالرياضيات عم تكذبي عليناااااااااااا
ويا شباب ويا صبايا أنا لما جهزت الفطور كاسة شاي وسيكارة ما كنت متوقع حدا يفطر معي اليوم خفت أفطر لحالي
لو أعرف كنت جهزتلكن أركيلة عن الصبح !!
بدي قلكن عن عادة فيني مو منيحة
عنجد أول ما بفيق من النوم مباشرة ع القهوة والسيكارة أو شاي وسيكارة ومن أكتر من عشر سنين على هالعادة
طبعاً مو سيكارة وحدة بس انا بقول سيكارة
الله يخلصني من هالعادة بس ما يخلصني من السيكارة الصراحة بحسها صديق وسامحوني على موقفي من التدخين بس ما بتخيل بطلو ولا حاولت ولا مرة فكر إني بطل الدخان

ولي شو حكيت
وهي رح أعمل رياضة مسائية شو بدنا نعمل أخونا ثبت شربنا كاسة ليموناضة بقى بدو يطالعني ضاحية بعدو يا ريتني ماشربت هالكاسة بدو يطالعها من راسي
يسلمو ع الفطور مليكة وصحتين مي وأبو جورج وبيتوتي يلي أكلت كل التين وما تركتلي شي