اكلات سريعه سهلة التحضير

موضوع: اكلات سريعه سهلة التحضير 11.01.10 13:13

شاورما الدجاج بالزبده :

شاورما الدجاج بالزبدة , أكلات خفيفة التحضير , أكلات سريعة التحضير , اكلات سريعة , وصفات سريعة

المقادير:

- شرائح من صدور الدجاج مقطعة قطع مناسبة للشاورما ومتبله بالفلفل الأسود

والكمون والثوم والملح وزيت الزيتون( الثوم 6فصوص مدقوقة + رأس بصل ناعم جداً للتتبيل ).

- مايونيز ( حوالي 4 ملاعق كبار ) - ملعقة كبيرة عصير ليمون .

- سلطة لحشو السندوتش خس طماطم خيار جزر بصل اختياري .

- زبده لقلي الدجاج - بصل مشوي أو مقلي .

الطريقة:

يوضع الدجاج في وعاء ونضع له التتبيل ونقليه في الزبد حتى الإستواء. ثم اخلطي مايونيز ( حوالي 4 م ك ) مع 2 م ك عصير ليمون ثم تضاف لقطع الدجاج وتقلب نحضر الخبز اللبناني ويقطع لمربعات (8قطع) وتوضع الحشو على الطرف وتلف مثل السويس رول مع الخس والطماطم والبصل المشوي ثم تغلف بورق الشاورما أو في خبز لبناني صغير كامل أو مقطوع من النصف قطعتين كل قطعه على حده تقدم مع المخللات.

***

ساندويتشات فيليه الدجاج بالمايونيز:

ساندويتش فيليه الدجاج بالمايونيز , أكلات خفيفة التحضير , أكلات سريعة التحضير , اكلات سريعة , وصفات سريعة

المقادير:

- 2 صدرين دجاج مقطعه شرائح فيليه رفيعه- ومتبله بالفلفل الأسود والكمون والثوم والملح وزيت الزيتون( الثوم 6 فصوص مدقوقة + رأس بصل ناعم جداً للتتبيل ).

- مسحة من المايونيز على الخبز .

- مربعات جبن كرافت - خبز أقترح خبز شامي أو توست .

- سلطة لحشو السندوتش:

خس- طماطم- خيار -جزر - بصل اختياري . - زبده لقلي الدجاج .

الطريقة :-

- توضع شرائح الدجاج في وعاء ونضع لها التتبيل ونقليه في الزبد حتى الأستواء.

- نمسح الخبز بالمايونيز . - اضيفي شريحة من الدجاج ثم شرائح الطماطم الرفيعة والخس وشريحة من الجبن الكرافت المربعات الرفيعه وباقي السلطة اختياري حسب الرغبة ونسخنهم في الفرن أو التوستر الضاغطة لثواني أو حتى يسيح الجبن وممكن نسخن الخبز وبعدين نحشيه ويقدم هنيئا وكما ذكرت سابقا أن قلي الدجاج في الزبدة يعطيه نكهة خاصة وطعم لذيذ .

***

ساندويتشات التونة .

ساندويتش تونة , أكلات خفيفة التحضير , اكلات سريعة التحضير , اكلات سريعة , وصفات سريعة

المقادير :-

- علبتي تونة مفتته - كيس من شرائح التوست الاسمر أو صمون أسمر .

- ملعقة طعام مايونيز - عصير ليمونتين - ذرة ملح فلفل أسود كمون .

- خس وطماطم وخيار وبصل اختياري .

الطريقة :-

- تصفى التونة من الماء وتفتت بالملعقة .

- توضع في وعاء ويعصر عليها الليمون ، ويضاف المايونيز والفلفل والكمون وذرة الملح ويقلب الجميع معاً .

- تقطع أطراف شرائح التوست بالسكين تدهن بقليل من المايونيز .

- تحشى كل شريحتين بمقدار ملعقة طعام من الخلطة السابقة والقطعة الثانية نضع بينها وبين القطعة الثالثة السلطة المذكورة ثم تقطع الشرائح المحشوة من الزواية لتعطي شكل مثلث مغروس بعود ين لتثبيت ووضع حبة زيتونه للتزيين

وصحه وهنا على قلبكن

موضوع: رد: اكلات سريعه سهلة التحضير 11.01.10 15:50

ياسلللام عليكي يازونين

!!!!!!!!!!اي من زمان طلعي هالمواهب هي وخلينا نعرفك انه نفسك حلو بالطبخ

شكرا الك رح جرب وصفة التونة

شكرا الك وعازمتكن ع سندويش التونة

موضوع: رد: اكلات سريعه سهلة التحضير 11.01.10 16:57

لك حرااااام عليكي أنا جوعاااااااااانة

معقول هيك زونييين؟

يعني شو رأيك هلأ تفقسي لي الطبخة و اتركها ع النار واعمل شي وجبة من هدول؟؟

بس لوشفت هالوجبات قبل ما حط الطبخة ع النار..

موضوع: رد: اكلات سريعه سهلة التحضير 11.01.10 17:23

تسلميلي يا مسافرة ليك صحه وهنا على قلبك
ما بتتصوري اديش بحب الطبخ بس اكتر شي بحب يكون شكله حلو
وانتي عبورة هلاء اعترفي شو طابخه لانه الريحه الطيبه من مطبخك واصله لعندي
وصحه على قلبكن يا احلا صبايا
و لازم نعزم مي و زينه احسن ما يقولو الصبايا ما عم يستنونا

موضوع: رد: اكلات سريعه سهلة التحضير 11.01.10 17:40

sonnenblumen كتب:: وانتي عبورة هلاء اعترفي شو طابخه لانه الريحه الطيبه من مطبخك واصله لعندي
وصحه على قلبكن يا احلا صبايا
و لازم نعزم مي و زينه احسن ما يقولو الصبايا ما عم يستنونا

يا ستي رح اعترف شو طابخة بس يا ريت تستعجلوا شوية لأني شكلي فرطت من الجوع و ما رح أقدر انتظر أكتر من هييييييك..

طبخت شوربة عدس على شرف هالتلجات و و عملت ستيك بالفرن مع صلص الحامض و التوم + سلطة جزر و بندورة (شي بييشبه السلطة الروسية بس بدون المايونيز) ..

يا الله تفضلوووووووووا..

موضوع: رد: اكلات سريعه سهلة التحضير 12.01.10 9:16

ليك صحه و هنا على قلبك
بالنسبه الي بشاركك بشوربة العدس و الصلطه
بالنسبه للستيك اعذريني ما بحبو حصتي للي بدو
والله جوعتيني من عند الصبح شكلك طباخه رايقة مظبوط

موضوع: رد: اكلات سريعه سهلة التحضير 12.01.10 11:41

طيب شو رأيكم انا عزمتكن على اطيب اكلة
وهي التبولة لا تقولولي غير شكلة
بس اكيد مع سندويشات التونة وشاورما الدجاج
ومع البطاطا المقلية والكوبة المشوية
ولا يمنع بعض من النبيذ
والطبق الاساسي رح يكون
سمك مشوي على طريقتي واكيد طعمة لا تقاوم
يالله لا تتأخروا يا غاليين

موضوع: رد: اكلات سريعه سهلة التحضير 12.01.10 17:22

لازم يا وزينه تدوقي التبولة من تحت ديات عبورة
لتقول حقي برقبتي
ليكي الي بيسمعني بيقول كل يوم عم اكل تبولة من تحت ديات عبير
بس يخروب زوقك شهيتني تخيلت كل الاكلات مع بعض
ونحنا مجموعين والله بتسوى القعدة جمل
يسعدلي احلا صبايا بس ناقصتنا ميوشه وميسا لتكمل

موضوع: رد: اكلات سريعه سهلة التحضير 13.01.10 9:34

يا زونن الغالية انتو عملوا اللازم وتعوا بالصيف وشوفي
شو القعدة بتصير حلوة
ولعيونك مناكل تبولة من ديات عبورة

موضوع: رد: اكلات سريعه سهلة التحضير 13.01.10 9:54

اقتباس :: ولعيونك مناكل تبولة من ديات عبورة

تكرموووووووا من عيوني.. بعمل لكم أحلى تبولة والله

موضوع: رد: اكلات سريعه سهلة التحضير 13.01.10 10:05

يا عبيرتي نحنا ما بدنا بس حكي بدنا ندوق
موشي يا غالييتي يسعدلي صباحك

موضوع: رد: اكلات سريعه سهلة التحضير 13.01.10 10:28

خلص زينة.. وعد.. بس أنزل ع سوريا .. رح أعمل لكم أحلى تبولة..

و مبدئياً دوقي لي هالتبولة.. (فعلاً أنا عاملة هالصحن)..

تفضلووووا..

موضوع: رد: اكلات سريعه سهلة التحضير 13.01.10 11:33

امممممممممممممممممممممممممم
يا عبورة هالتبولة بتشهي
ياعيني عليك شو مزوقة
بس هيدا الصحن الي لحالي
فيكن تعبروها انانية
بس انا نقطة ضعفي التبولة اوكلي ما حدا يزعل مني
سلاميي يا عبورة