ليل و أوضة منسية.. يالله لنشوف

شفت هالفكرة في مكان ما و عجبتني..

حبيت نعملها ببيتنا..

ليل و أوضة منسية.. و سلّم داير مندار
والعليّة مشتاقة ع حبّ و همّ جديد
فيها طاقة و الطاقة.. مفتوحة للتنهيييييييييد

أنت بهالأوضة.. مين الشخص اللي بتتمنى يكون معك بهيك أوضة و بهيك لحظة؟؟
طبعاً مش مطلوب ذكر الأسماء إلاّ في حال حبينا نذكرها
يالله هاتوا ما عندكم..

يسعد صباحك أبو جورج..

كنت متوقعة جوابك.. و ما استغربت منك سلوك الشعراء

أنا وحبيبي بجنينة والورد يفيح علينا

لك يخرب بيت عفاريتكم و البيت اللي جنب بيت عفاريتكم

طلعتوا قنووووعين؟

رضيانيين بالمسجلة و الأركيلة بهيك أوضة؟؟

يا الله شو بنخاف من أحلامنا..

يالله شو زعلانة منكم..

أنا بهالأوضة بدي ينساني العمر (ينساني هيك..صبيّة و حلوة) مع حبيبي ويكون الوقت تقريباً عتمة و مش باين من ضوّ القمر إلاّ شوية

وخلّي واحد منكم يسترررررجي يقرب و يقول أنه رح يستأجر الأوضة مننا.

هههههههههههههههههههه عبيييييييييييير وصلت رسالتك وسلامة قلبك
كنت بدي حط الرسالة هون على قد ما ضحكت
يا شباب عيدو تعليقاتكن
ما تسألوني ليش

ولييييي كلو إلا الجلطة ..... والله عبير اني شفتها الصبح بس محسوبتك مشغولة صرلي يومين ع الآخر ما في نفس .... ايه انتو ما سألتوني شو بشتغل غير مهنتي شو بعملكن
وبس شفتها الصبح قلب رح برجع اكتب المسا
واول شي خطرلي بهالجو اللي بيجنن اللي عم تحكي عنو والأوضة

طبعا ما في غيرو ... الحبيب اللي ملك القلب والروح والحواس كلها ... وخلا للحياة طعمها ... وللألوان بهجتها ... اللي بوجودو بتشرق الشمس وبيغمر الأمل والحب الكون كلو وبغيابو بغيب الفرح وبيسكن الحزن بكل الزوايا ... طبعا معو لانو الحياة مانها حياة إلا معو

يسلمووووو عبير

هههههههههه
مهند أنا بعتت الرسالة للكلللللللللللل
وكلهم صاروا يعرفوا ليش

وموووووووو هون النهفة... النهفة إذا إجا وليد وقلّنا بده معه بالأوضة (دمشق).. شلون بدنا نجبله ياها إلى ما وراء البحار؟

وجدي.. بتعرف أني بدعيلك دايماً من أعماق قلبي تلاقي حب حياتك الحقيقي

وبتمنى لك دوام الابتسام.. و تسلمممممممممممم كلك ذوق

ضوء خافت قادم من فانوس يكاد ينتهي الزيت منه ليعلن قدوم الظلام !
... لولا الزجاج المحطم لما أنبأتني حواسي أن ما وارء النوافذ مطر ورعد !
الليل هو الوحيد الذي لم ينسى أنني في غرفتي المنسية !
أحاطها بكل جوانبها وحضنها بحميمية .. كان الليل عاشقاً لغرفتي .. كل يوم يزورها ! اقسم أنه يعشقها !
سألته مرة ألا تغار على معشوقتك وممن تغار !!
بحزن أجاب .. أخاف من ذاك النور الخافت في غرفتك لأنه يعكس صورة المطر .. فلولاه لما رأت معشوقتي حبات المطر .. أخاف أن تعشق المطر وتخون حبي !!
ايها الليل !! لا تقلق فمن يحب لا يخون !! وانت تعشق غرفتي المنسية وهي تعشقك وهي على العهد !!!
بكى الليل وحاول اطفاء النور حاولت معه إلا النور كان حارقاً عن قرب وكان أقوى .. لما اقتربنا منه ... يا الله لم نكن نعرف أنه في الأصل ناراً حارقة !!
غرفتي المنسية معشوقة الليل خانت عهدها وعشقت حبات المطر !! كان المطر رقيقاً هادءاً رومانسياً جذاباً

غرفتي المنسية .. ضاعت يوم جرفها المطر وغدر بها ربما هي الأن في البحر .. ربما هي تحت التراب !!

أما أنا ما زلت دفيناً فيها .. لست وحيداً فأنا أرسم صورة حبيبتي وأقبلها وأحدثها .. أقول فيها الشعر وأحكي لها الحكايات
يا الله كم نحن عشاق للصور التي رسمناها .. نخلق فنجيد الخلق .. نبعث فيها من روحنا ولكن لم تسجد لها الملائكة .. إلا ابليس سجد !!!
ابليس صلى عليها .. حرقت صلاته الصورة .. فحرقت الصورة قلبي

=================
والله يا عبير ما بعرف شو حكيت بس عبرت عن مشاعري الجياشة وهي رجعت عدت التعليق ويسعد مساكي وسلامة قلبك من الجلطة أنا كنت فمفكر الرسالة وصلت بس إلي

مهند..

هذة ( الأوضة المنسية ) هي للتنهّد و الصراخ في صدر الحبيب..
هي دعوةٌ لنفرح قليلاً في حضرة من نحبّ.. فلمَ كلّ هذا الألم؟؟

صديقي العزيز جداً..
إنّ الأعباء الثقيلة تُلقى على الأكتاف التي تستطيع حملها..

أنت قويّ جداً و روحك أكثر جمالاً من كلّ هذا الألم...

يالله يا شباب.. اهتفوا معي..
تحيا (خدوج) الجميلة أبداً.. الجميلة في مخيلتك وأمام ناظريك.. أيضا

.

بالنسبة الي يا أحلى جورية
بتمنى ادخل لهل أوضة المنسية و سكر الباب و كون أنا و كل شخص بحبه و عزيز عقلبي كثير .يعني جمع أقرب الناس الي و نضل مع بعض لطول العمر و يضلوا العالم نسيانيننا بهل أوضة ...
بتمنى ما حدا من يللي بحبهون يصيبوه أي مكروه ..... و نكون كلنا مع بعض بهل أوضة فرحانين و جانين ..حلو الجنون بعيد عن الناس ...

سأبدأ من أول السطر، عشرون عاماً في غربة ضيعت أصلي وفصلي ونكهة الحياة، أعيش قرب نساء جميلات كالفاكهة المنتجة ببيوت بلاستيكية لا نكهة لها ولا رائحة، أحب وأعشق، أغامر وأقامر، أعيش حياتي عرضاً وطولاً، ينقصني شيء واحد، أحلم بشيء واحد، أحلم بامرأة تنفض عن كاهلي غبار السنين، تحبني وتقول، الله يعطيك العافية يا رجال، تطلع على قبري، تكفني، والله بلاك نحنا ما منسوى شي، تشعرني و تذكرني بما كانت أمي رحمها الله تقوله لأبي وتحضنني بنفس اللهفة التي كانت تعانقني بها جدتي، أحلم بأمرأة تكون لي الحبيبة والأم وتكون لي الملجأ الذي سأرمي تحت ظلاله همومي، وأحمل عنها همومها وأعانقها في تلك الأوضة المنسية وننظر بحالة العناق لتلك الطاقة التي تهبنا التفاؤل ونتحول لتمثالين متعانقين للأبد، لنحول الأرصفة والطرقات وحتى البساتين لأوضة كبيرة منسية، أحلم سيدتي بأمرأة تكون مثلي، أحلامها وردية، طموحاتها نرجسية وأن تكون مثلي عربية...
شكراً أخت عبير لقد فتحت جرحاً، مازال عشرون عاماً يحاول ومعه أحاول ولايندمل..لقد تعبت من غربتي الغبية..
فهل سأجدها تلك الحورية؟؟؟

أخي بسام...
تحية لك من أعماقي...
لقد تأثرت فعلاً بكلماتك.. الصادقة
أرجو لك امرأة.. ترضيك وترضيها كما تحب وتتمنى..

يسعد مساك..

مساء الخير عبير:
شكراً لك على هذا الموضوع فما أحوجنا لأن نفرغ من الضغوطات التي تحيطنا من كل حدب..
أتمنى لك سهرة لطيفة ومزاج عال العال وهي أحلا هدية لأحلا عبير من هون من موسكو عالسريع..