موضوع تعبير

اي وشو صار بعدييين
صبا كمشتك
أوراق طلاب محافظة حماه كانت باللاذقية .. خبريني كيف صححتوو ماتقولي خربتي بيت طلابنا
أي رسوب لطالب واحد من طلاب حماه رح حملك المسؤولية الكااملة والأمر رح يعرضك للتحقيق في المنتدى ويمكن السجن المؤبد
يسعد أوقاتك صبا وشكراً إلك ع البسمة الحلوة عند هالصبح وخاصة أنو اليوم حتى بلشت العطلة عنا

هههههههههههه لك يقبشني مخه لهل طالب الذكي ...عنجد كل الحق عالأستاذ لعمى في عيونه ليش معب يتفهمه للطالب ........ شكرا صبصوبة الأميرة

أبو جورج..وليد..مهند..بيوتي..مليكة
يسعد مساكم وشكرا على مروركم المنور

مهند شو رأيك بهالعملية الحسابية..انا بقيت بتصحيح أوراق البكالوريا من حماةبفروعها(الادبي والعلمي نظام حديث ونظام قديم) مدة 12 يوم...وبكل يوم كنت صحح لحالي 350ورقة
وكل ورقة كانت تجي تحت ايدي كنت قول الله رضيان على صاحبها ..لانه انت بتعرف باسئلة الموضوع وصنع السؤال في اجتهادات من الطلاب كتيرة وبتكون غير مدرجة بسلم التصحيح ..وبما انه قلبي رُهيف كتير كنت اقبل ومرق كلمات وضل لاحق الورقة لحتى يقبلها المدقق والموجه واقنعهم فيها...
بقى شوف انت قديش الي بزمة حماة
بس للامانة اوراق العلمي كانت ممتازة وكانت نسبة النجاح فيها تتراوح بين السبعين والتمانين بالمية

وطالما اثبتت براءتي قلي شو بيطلعلي حلوان ..وانا بدي الحلوان منك بلكي اصحاب الاوراق كانو طلابك
يسعد مساك مهند

وين بدك تهربي يا صبا
أنا عم قول إذا طااالب واحد بيرسب عنا ولو رسب بالرياضيات .. رح حملك المسؤولية الكاااملة
ورح خليكي تشطفي المنتدى مدة اسبوع كااامل قابلة للزيادة
ع كل حال بكرة النتائج
وبكرة منشووووف

ولييييييييييي
شغلتك عن حمق والله يا مهند
..يعني ما لقيت غير الشطف شو مفكرني من ضيعة قليلي يعني..انا ما بكره بالدنيا شي قد الشطف والكناسة والجلي والغسيل والطبخ والنفخ ومسح الشبابيك
هلق بتقلي شو بتحبي لكان
بقلك بحب الماما والبابا وابدا ماني كذابي

بس جد هاد اسمو تجني ....بالله شو رايك تقلي اذا رسب طالب عندكم بالقومية اتحمل المسؤولية اناا
...كيف لو احكيلك عن الاوراق اللي موتتني مووووت من الضحك لطلاب حماة..هاد اللي كاتب دعاء طولو شي مترين
وهاد اللي كاتب
وضحة وبسمة وسمية نزلو المية
وقلبي من حبه ليهم محترق يا خية
مهند لا للتهديد بالشطف....والا بقوم بثورة بيضاء ضدك

ع كل حال يا صبا ناطرين لبكرا
إذا طاااالب بيرسب بدير الزور مو بس بحماه رح تشطفي المنتدىىىىى
ع سيرة أوراق التصحيح
صححنا صف التاسع لريف دمشق
مرت علينا أوراق بتفرط من الضحك
في طالبة كاتبة الله يخليك يا استاذ جوزي حلف يمين إذا رسبت ليطلقني
قمت صرت دورلا ع خطأ مشان ترسب وتخلص من جوزها وريحها بقى من هالعيشة
يسعد أوقاتك صبا وناطرين بكرة ومن رأيي رح تشطفي المنتدى يعني رح تشطفي
رح تنفدي بحالة وحدة إذا كللللللللللللل الطلاب بحماه نجحوا
ومابس نجحو وما رسبو بأي مادة .. يعني على حد الكسر مقبولة منغض نظر عنك
أنا من سمعت أوراقنا باللاذقية .. قلت ولي هي بكرة صبا رح ترسب كل الطلاب جكر فيي

مهند بالمرة
بروح بشطف شوارع حماة

بحضي انت متقصدني مدري لشو حمقان مني. .يعنت شو عاملتلك انا
اي انا القطة بتاكلي عشاتي
مو شايف قديشني طيوبة وقلبي رهيف
طيب شو رايك انه لما اجا دور العلمي قلت احتمال وارد جدا تكون الاوراق لطلاب مهند
وقمت النتف بهالورقات... وصرت بحبش فين ..نص علامة من هون وعلامة من هنيك لحتى امنلهم الرسوب..بقصد النجاح
بس وحياتك ما رح تهرب من الحلوان
يسعد صباحك مهند

عرفنا إبداع أهل حماة في التعبيرمن خلال مواضيعهم هذه السنة وحاولنا مساعدة من لم تسعفه ملكته في كتابة موضوع جيد كرمى لعيني الصديق مهند وساعدنا كل من يحتاج على الأقل بعلامتين عند الجمع حتى أسماني أحد أصدقائي أبو الأيتام لشدة الحنان على الطلاب وإعادة النظر بالأوراق لإيجاد درجة قد تكون سقطت سهواً من أحد الزملاء
أما من أتعبنا في الثانوية العامة فهم طلاب الصديق ياسرالذين على مايبدو قد كتبوا بالكم وليس بالكيف ظناً منهم أن المدرس يصحح بالشبر وليس بالفكرةحتى إن أحدهم كتب كل الأسئلة بصفحة ونصف وكتب في البقية الموضوع فوضع معظم الأفكار بشكل خاطئ وخرج عن الموضوع باستثناء طلاب العلمي الذين كتبوا ما هو مطلوب باختصار وبشكل متقن

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أنت النعيم لقلبي والعذاب له ****** فما أمرك في قلبي وأحلاك

هي طلعت النتائج
صبااااااااااا بتشطفي المنتدى وبتجلي الجليات وبتسقي الزريعات

ويا خيي أحمد نتائج التاسع قريبة ياويل أهل دير الزور إذا بنت أختي ماجابت مجموع عالي

يسعد صباحكن يارب وإنشا الله النجاح لكل طلابنا
نحنا السنة علاقتنا كانت مع ريف دمشق والسويدا .. وحظي حلو مافي حدا معنا من هالمحافظتين وإلا كان رح يخليني اشطف المنتدى
خيي أحمد إذا حدا رسب بدير الزور خبرني حتى نعمل عقوبة لياسر جاني