صناعة الغباء

موضوع: صناعة الغباء 15.03.10 11:04

مجموعة من العلماء و ضعوا 5 قرود في قفص واحد

و في وسط القفص يوجد سلم و في أعلى السلم هناك بعض الموز.

في كل مرة يطلع أحد القرود لأخذ الموز يرش العلماء باقي القرود بالماء البارد.
بعد فترة بسيطة، أصبح كل قرد يطلع لأخذ الموز يقوم الباقون بمنعه.. بل و ضربه حتى لا يرتشون بالماء البارد.

بعد مدة من الوقت، لم يجرؤ أي قرد على صعود السلم لأخذ الموز على الرغم من كل الأغراءات خوفاً من الضرب.
بعدها قرر العلماء أن يقوموا بتبديل أحد القرود الخمسة و يضعوا مكانه قرداَ جديداَ

فأول شيئ يقوم به القرد الجديد أنه يصعد السلم ليأخذ الموز؛

ولكن، فورا يقوم الأربعة الباقون يضربونه و يجبرونه على النزول.
بعد عدة مرات من الضرب، اخذ يفهم القرد الجديد بأن عليه أن لا يصعد السلم مع أنه لا يدري ما السبب.

قام العلماء أيضا بتبديل أحد القرود القدماء بقرد جديد
و حل به ما حل بالقرد البديل الأول حتى أن القرد البديل الأول شارك زملاءه بالضرب و هو لايدري لماذا يضرب؛

و هكذا حتى تم تبديل جميع القرود الخمسة الأوائل بقرود جديدة، حتى صار في القفص خمسة قرود لم يرش عليهم ماء بارد أبداً..و مع ذلك يضربون أي قرد تسول له نفسه صعود السلم بدون أن يعرفوا ما السبب.

لو فرضنا أن سألنا القرود لماذا يضربون القرد الذي يصعد السلم؟
فسيكون الجواب: لا ندري، ولكن وجدنا آباءنا وأجدادنا له ضاربين!

عادات وتقاليد

هناك شيئان لا حدود لهما: العالَم و غباء الإنسان.
آينشتاين.

موضوع: رد: صناعة الغباء 15.03.10 11:47

سؤال لزونين و هل تعتقدين أنتي ذلك ؟
أي هذا ما وجدنا عليه اباؤنا ؟

مع تحياتي لكي................

موضوع: رد: صناعة الغباء 15.03.10 12:00

يسعد صباحك لؤي اول شي ما بتتصور شو غاظتني هالتجربه بعدين فكرت فيا اكتشفت انه
نحنا كلنا هيك يمكن في بينا استثناء بس اطلع حولينا وقلي
شو الشي الي نحنا هلاء كشباب عم نقول عليه لاء ؟

ابدا ماعنا جواتنا كلمة لاء ليش لانه لا بيي و لا بيك قالو لاء
واذا بحال قلت ليش و كيرمال شو بيحسوك متخلف او شي غريب او بدك بس تعمل مشاكل
بس مع هيك صدقني بخاتق وبقاتل ومابستسلم لشي بحسه غلط
يمكن في كتير اشيا بعادات قديمه وهيه اكيد صح
بس بالمقابل في عادات اصلن هنه ما بيعرفو كيف اكتشفو انها صح
قلي انت وبصراحه اديش بتحس حالك بتكره ناس او بتكره شي بدون مايكون عملك شي بس قال شو هيك كبرنا وتعودنا

موضوع: رد: صناعة الغباء 15.03.10 19:50

شكرا زونين ...

في عالم الحيوان الغريزة هي التي تقود القطيع دائما

أما نحن البشر فقد خلقنا ونحمل رأسنا مخ قادر على التفكير لكن في كثير من الأحيان تأخذنا العادات والتقليد الى حيث لانريد

موضوع: رد: صناعة الغباء 16.03.10 8:20

والله يا ابوجورج ما بتفرق بايا عالم نحنا
لانه لمن بشوف شو عم يصير بالدني الناس بين بعضا
وكيف عم تاكول بعضا بقول ايا عالم هيدا

موضوع: رد: صناعة الغباء 16.03.10 19:44

يسعد مساكي زونين ......

أولاً افنسان بتقودو في معظم الأحيان الغرائز .

كما بتقودوا العادات و التقاليد ....

طبعاً بقناعتي أنو في عادات و تقاليد جيدة و هاي العادات و التقاليد كانت خلاصة تجارب الإنسان إبن البيئة التي يعيش فيها .

وأنا أقول أن الذين حاولوا أن يكسرو هذه العادات و التقاليد قد فشلوا .

وإنني أضرب مثلاً قد يمت للموضوع بصلة بعض الشيء

عندما أتى ساحر و أخبر الملك بأنه من يشرب من النهر

فإنه سوف يصبح مجنون

أذاع الملك الخبر في أرجاء مملكته

و لكن الناس شربوا من هذا الماء ( ربما ) أصبحوا مجانين

بقي الملك لوحده بنظر نفسه هو العاقل بعد حين اصبح الناس ينادون في الشارع

فليسقط الملك

برأيك زونين هل تنصحين الملك بالشرب من هذا الماء و لا لأ .

موضوع: رد: صناعة الغباء 16.03.10 20:00

يا سلام عليكييييييييي ولك هاد يللي تقريبا انا متعقدة منو بحياتي لك بيجي حدا مثلا ... ع اساس بدو ينبه .. انا ممكن اعمل شي و بيجوز يكون لحد ما غلط لكن المفاجاة انو بيتم التنبيه بالتوبيخ و بعدم ذكر الاسباب ( المقنعة ) لعدم القيام بهالفعل ... لهيك فيكي تقولي اني ( كمواطنة ) انا انسان عاق و ما بيعمل الا يللي براسو
شكرا زونييييييين

موضوع: رد: صناعة الغباء 17.03.10 17:37

اقتباس :

برأيك زونين هل تنصحين الملك بالشرب من هذا الماء و لا لأ .

ليك لؤي اذا بدك رئيي انا بشوف الاحسن ما يشرب هيك يضل مفكر حاله
العاقل الوحيد ويضل يحس انه هوه الصح لانه اذا شرب مصيبة وفهمك كفايه
لهيك خلي على عماه هوه وكل الملوك الي بيعرفا وما بنعرفا
حلو النقاش معك بس دخلك شربت شي من المي ؟

موضوع: رد: صناعة الغباء 17.03.10 17:39

اقتباس :

لهيك فيكي تقولي اني ( كمواطنة ) انا انسان عاق و ما بيعمل الا يللي براسو
شكرا زونييييييين

ليك على راسي المواطن الي ما بيعمل الا الي براسه
وحياة عينك انا لسا مواطنه عاقه اكتر منك بكتيرررررر
يعني مجنونه ومكترة

موضوع: رد: صناعة الغباء 17.03.10 17:47

لك الله محيي الجنون و ناسووووووو
يا ستي ع قولة عادل امام ما حدش واخدمنها حاجة طنشي و جني و كتري اليوم هون بكرة مو هون و ما حدا خسران غيرنا الله وكيلك .. انا بس عندي طموح اني بمرة بس لاقي الابن الكبير جيب بنت صغيرة و ربيها ع كيفي لحتى بس فرجي الناس الانثى كيف بتكون قوية و شو مراكز القوة بشخصيتها و كيف فيها تكون قد حالها و ما بيغلبها حدا و بنفس الوقت كيف تكون هادية و رزينة و حتى اذا جنت تشهي العالم تجنوا متلها .. اممممم تقبر قلبي بنوتي الحلوة الحلوة يللي رح تجي بعد كام سنة شو بحبها

موضوع: رد: صناعة الغباء 17.03.10 17:52

ليك انشالله يا رنوشه بشوف بنتك وابنك والعيلة كلها
مجانين عاقلين المهم ناس بتخاف الرب
تسلميلي انتي وعيلتك وعلى راسي الجنون كله اذا هيك

» أسرار صناعة الجمال و العناية الطبيعية بالوجه
» عبقرية الغباء
» الغباء بأنواعه
» قمة الغباء .. في مجالات تتطلب قمة الذكاء