يا بنت لا تغادري الضيعة ... ارجعي ... بقلم : ابن الضيعة

وصلتني أخبار أنو بنت الضيعة زعلت كتير ... قال ماعاد كتبتلا شي .... بيهون عليكن
انو السبب أصلان .... لاهيتوني ونسيتوني المخلوقة ... يلا رح راضيا ...
يا بنت الزيتونة اللي جدك زرعها
لا تخلي من الجفا ... يموت فرعها
تعي نتشا رع وغصونها نقبل شرعها
لو قطعنا الغصن ... شو نفع الثمر
****
يا بنت لا تغادري الضيعة
بتندمي كتير
رح تشتهي عند العصر هالمشاوير
وقلب متل عصفور حولك عم يطير
رح تشتهي تسمعي زقزقة عصفور
وطلّت الشمس من الصبح بكير
يا بنت ع ضيعتك رجعي
كلام جدودك بتضلي تسمعي
وريحة الأرض بتعطر سما
ويوم هم بها لضيعة ما بتقشعي
وين بدك تشمي ريحة الطيون
تشمي الحبق والزوفا وزهر هالليمون
تسمعي العتابا والميجنا مع نغمة الحسون
****
يا بنت لا تغادري الضيعة
رجعي
رح تسرقك الأيام
أيام عم تمرق من غير وعي
يا بنت ارحمي هالحب
ارحمي هالقلب
وارجعي
****
راجعة
يا قلبي نطرني ولا يهمك
أنا راجعة
ما كنت عارفة بها لغربة العيشة فاجعة
راجعة لأرضي وريحة الطيون
ولرغيف خبز تنور بأيد أمي معجون
راجعة إحكش هالحواكير
لأرض جدي لغصن هالزيتون
راجعة شم ريحة تراب قبر جدي
وستي الكان صدرها حنون
****
راجعة للأرض
وبالأرض في عنا خيرات كتير
راجعة لها لمشاوير
راجعة لنبع الميّ ... للبستان
للمرج ... للعريشة
لنغمات الغدير
راجعة ألعب مع هالعصافير
راجعة بأيدي اقطف ورد
ووزعوا لفراشات فاقت
مع طلت الشمس بكير
نطرني أنا راجعة لحضن الأمان
لقلب هجرتو غصب عني
للحنان
راجعة لعيونك يا روحي
أنت كمان
*

بدها ترجع لو شوووو ما صار ما هيي بنت الضيعة .. الضيعة يللي ما بتعلم الا الطيبة و الصدق و ما بينزل منها الا الكريم و الاصيل ... حلو ابن الضيعة .. او بالاحرى لك شو هالحلو يا عمي يا ابن الضيعة بيجننننننننن تسلم عمي

شو ماترجع شو عم تحكي انت اصلن اذا ما رجعت بنعمل مظاهرة و بنرجعا غصب عنا
ابن الضيعة انشالله من ننحرم من اسمك صح بكرة بنت الضيعة لانه بتضل تقلا شي حلو بس مع هيك
حاطه على الجرح ملح و ساكته لانه بتضل من ورا اسما نشوف كلماتك
يسعدلي صباحك يا سكرة المنتدى

يسعدلي الله لخلقك يا عمي ابن الضيعة لك يسعدلي الضيعة و بنت الضيعة وابن الضيعة لك ليه في احلى منها الضيعة ومشاوير الضيعة وبساطة اهل الضيعة وريحة ارض الضيعة لما تبلها بالمي وبدك هلق بروح وما برجع من دونها لبنت الضيعة بس ما تغيب عنا بكاباتك بتجنن الحقيقة ونفعلت زيادة لا تواخذوني يسلمون يا ابن الضيعة

... عدد المشاركات : 1452 تاريخ التسجيل : 08/09/2008

شو ترجع ما ترجع... مثل ما قالت سننبلومن... بدها ترجع إجباري... خيو ... شكلنا لجنة تحقيق برئاستي... و عضوية كل من سننبلومن و رانيا هاني... و وجدي.... و هلق عم نفكر نرفع الموضوع لمهند...خلص لا تهتم...

العزيز ابن الضيعة.... ها هي رائحة الأرض تفوح مرة أخرى... و تصبغ الدنيا ورداً مرة أخرى....

شكراً....

محبة.....

يا خيي وليد الموضوع منتهي ولازم نحط تمثال لبنت الضيعة بالمنتدى
لأنو ملكة النور عم تغااار منها
لعيونك سوننبلومن جهزيلي حالك نخطف بنت الضيعة والمقابل يكون ابن الضيعة يكتب قصيدة عن ملكة النور ويكتب قصيدة تعظيم وتفخيم بالمدير والله رايح طق أنا وماحدا حاسس فيني .. لليوم ماحدا فقعني شي قصيدة من كعب الدست !!

يسعد صباحكن يارب
بتصدق يا قلب المنتدى أنو مبارح عم قول والله زمان ابن الضيعة ما كتبلنا عن بنت الضيعة واليوم تحققت أمنيتي
الله يخلينا ياك الكلمة الهادئة والإحساس العميق والأصالة
شكراً من القلب لأنك كبير بكل شيء يا صديقنا الرائع

الله الله شو هيدا يا ابن الضيعة
قصيدة رائعة وواقعية وجميلة وتحمل كل معاني الضيعة وجمالياتها
شي كتير حلو ومميز
وطبعا نيابة عن كل بنات الضيعة
بقلك مالنا غنى عن الضيعة وترابها وزيتونها وكل شي فيها
وتحية لك من الضيعة
حيث كل ما تشتاق إيه النفس وما تطمح إليه الروح
للأستجمام والترويح عن ضغوطات الحياة ومشاكلها

ابن الضيعة الفنان...

صدقك واحساسك العالي بخليها ترجع..اي وين بدها تشوف متلك

تسلم ايدك

بنت الضيعة ..أكيد أصيلة متلك يا سكرة المنتدى .. والأصيل ..مهما بعد بيرجع ..كلماتك رقيقة وشفافة ..ودوما تدخل قلبي دون استئذان

» ليش البكي ... بقلم: ابن الضيعة
» يا شمس طلي أجا تموز ... بقلم : ابن الضيعة
» إن غاب وجهك ... بقلم ابن الضيعة
» تلك النبيلة ... بقلم : ابن الضيعة
» إلى تلك السمراء ... بقلم: ابن الضيعة