الحماية والكنة

موضوع: الحماية والكنة 22.03.09 15:29

عن جد هاي من الأخر

حماية مو راضية بعروس ابنها يعني مو حاببتها
وقفت قبالها بالعرس وآاهت

آويها يلي قاعدة جنب ابني

آويها ما فيكي شي عاجبني
اويها هلأ بتقولي حبني
اويها بكرة بتقولي كبني
اويها و ان ما مشيتي دغري
اويها لتلاقي بيت الضرة مبني
لي لي لي لي ليش

قامت ردت عليها العروس وقالت...
آويها وحيات شالك وشنشالك..
آويها بعد اسبوع لافضالك
اويها و انشاء الله فال الله و لا فالك
اويها لأشغل بالك و انهب مالك
اويها و ابنك ما بيهنالك
اويها و بعدها لفرجيكي حالك

لي لي لي لي ليش

موضوع: رد: الحماية والكنة 22.03.09 16:25

حلوة و ملعوبة ... شي كنة ذكية.... ههههههههههههههههههههه...

ابو أحمد شكر و تقدير...

محبة...

موضوع: رد: الحماية والكنة 22.03.09 18:04

ههههههههههههههه حلوة كتير كتير يا ابو احمد وبتعرف من زمان وشغلة الحماية والكنة ببالي انه ليه هل العداوية بينهون والحماية بيوم من الايام كانت كنة يا ريت لو الصبايا بجاوبونا على هذا السؤال

موضوع: رد: الحماية والكنة 22.03.09 19:59

الحلو هو مرورك أخي وليد

أخي وجدي سبب الخلاف بين الكنة و الحماة هو بسبب تغيير الملكية

كل ام تشعر بأن أولادها ملك لها وانها تعبت في الحمل والميلاد والتربيه وتأتي في النهاية من تأخذ تعبها على الجاهز

بيكون الواحد طول عمره بيسمع كلام أمه وبعد ما يتجوز بيسمع كلام مرته

وبعدين ما في أم بتتحمل حد يزعل اولادها فما بالك

أخي وجدي لما اللي يزعل ابنها اللي خطفته منها

لكم احترامي وتقديري

موضوع: رد: الحماية والكنة 22.03.09 22:07

والله يا خيي إذا الصديق حس أنو صديق اهتم بغيرو شوي بطق العقل عندو
فما بالك الأم تشعر أنو الإبن جبلها مصيبة
ما بظن في أم بالدنيا إلا بتشوف زواج ابنها ويجيب كنة إلا عبراة عن شر لا بد منو
هلق ما قلتولي أنتو المتزوجين .. كيف الحمايات معكن
أكيد آخر دلال .. يا عمي الكنة مو متل الصهر .. الصهر لازم يتدلل ويتغنج
يا عمي قوة وضعف شو بدكن من الحكي

موضوع: رد: الحماية والكنة 22.03.09 23:21

في واحد اتجوز وحدة أجنبية
امو ماكانت راضية عندما أتت النساء للمباركة لهم جائت الكنة الأجنبية بتضيّف
أول ماضيفت حمايتها قالتلها الحماية الله لاكان جابك
هي فكرت انو حمايتها بتعلمها شو بترد عالضيوف
وكانت كل ماتضيف وحدة بتقلها الله لاكان جابك

موضوع: رد: الحماية والكنة 22.03.09 23:27

والله التنتين مو قليلات يعني اسم الصليب الحمايه مو قليله والكنه بتحط الحمايه بجيبتا
شكرا ابو احمد
ولي معقول والله لازم نحلص من هالقصه
لسا كنه وحما بس مافيون
حلوه وملعوبه و مهضومه

موضوع: رد: الحماية والكنة 23.03.09 2:47

هلا بيك مهند طبعاً على راي ابو عصام الصهر حامي عرض

علشان هيك بيلاقي كل الدلال

ابو معاذ أسعدني مرورك يا أخي مسكينه الاجنبيه اللي بتقع لهيك حماة

زونينبلومن انا في قناعتي انه الرجل بيكون له دور كبير في التوفيق بين الاثنتين بعقله وبحكمته

وهذا الوضع زي القط والفار علاقة الصديق اللدود

مروركم أسعدني

تحياتي للجميع

موضوع: رد: الحماية والكنة 23.03.09 9:03

مهند كتب:: هلق ما قلتولي أنتو المتزوجين .. كيف الحمايات معكن
أكيد آخر دلال .. يا عمي الكنة مو متل الصهر .. الصهر لازم يتدلل ويتغنج
يا عمي قوة وضعف شو بدكن من الحكي

قال الصهر ليزم يتدلل ... أي الله وكيلك بس تشوفني حماتي ..... بتتخيل عزرائيل جاي ياخد روحا ...

وبتصفر و بتحمر ... يارجل شو بتحبني ... لدرجة بيطير عقلا مني ... ليش أنا خليت فيا عقل ...

ولسا الزمن طويل ... اذا ما ني مجننا ... قال بتحب الصهر قال .... والله لأصهرا صهر ..ههههههههههههههه ...

موضوع: رد: الحماية والكنة 23.03.09 9:33

الغالي ابن الضيعه ان من يهديني هدية أحبه

وحماتي أهدتني أجمل وألطف وأرق هديه

أهدتني زوجتي

أهدتني راحة بالي

فكيف أكرهها وهي تدللني أكثر من أبنائها

أقسم انني أحبها مثل أمي

جرب احسبها من هالناحية

جرب حب حماتك لن تخسر شيء

تقبل تحياتي شاكر لك مرورك

» بين الحمى والكنة ....