أخوتي الكرام .. لنجتمع قليلاً من فضلكم

الأخوة الأعزاء في هذا البيت الإفتراضي الجميل
سأخبركم منذ البداية أنني كتبت موضوعاً طويلاً أحدثكم فيه عن هذا البيت ولكن للأسف بعد ساعة من الكتابة والتفحيص اللغوي أريد أر أرسل الموضوع إلا أنه لم يتم الإرسال وحدث خطأ بالإرسال
لذا عدت بكتابة صيغته للتركيز بشكل مباشر على بعض الأمور وباختصار
أخوتي الكرام
بدأ هذا المنتدى برقي كبير ومازال بوجودكم يزداد رقياً الهدف منه منذ البداية هو صناعة عائلة افتراضية تلتقي هنا .. فلم يكن لكلمة صناعة نصيب لأن وجود هذه العائلة بشكل عفوي جعل منها عائلة اجمل
أريد فقط أن أركز على مجموعة من النقاط
ا - المنتدى يعرف الجميع أنه يقوم على اساس الدعوات من الأصدقاء إلى أصدقائهم أو من خلال مشاركة أحد القراءلنا بغض النظر عن الدعوة
2 - المنتدى يهتم بوجود اسماء واضحة ولا ئقة وتمييز بين الشباب والصبايا من حيث الوجود وهذا ما أضفى عليه هذه الخصوصية الجميلة
3
- أقل العارفين في عالم الإنترنت يعلم أن دخول شخص باسمين إلى أي موقع أو منتدى يتم تمييزه ومعرفته لذا هذا نتجنبه في منتدانا فلا نستطيع في العائلة أن نخاطب الأخ باسمين .. وهذه الحالة غير موجودة في المنتدى وإن وجدت فهي حالة استثنائية
4 - المنتدى هو بيت خاص نتبادل فيه المعلومة الثقافية والعلمية والسياسية والروحية ولابأشكالها السلمية
5
- المنتدى لا يهتم بعدد الأعضاء بقدر الإهتمام بصناعة عائلة ولو صغيرة إنما مليئة بالحب الحقيقي الذي نراه مستمراً وموجوداً إلى اليوم
وهنا أنوه إلى فكرة أنني أحذف اسماء عشوائية بشكل شبه يومي وهناك اسماء سجلت ولم تشارك نهائيا قد تم حذفها .. والبعض من الأصدقاء غادرونا لظروفهم التي نتمنى أن يعودا يحملون لنا الكثير من الحب والمعلومات كما عودونا ..

أخوتي الأعزاء
هذا المنتدى هو ساحة من ساحات هذا العالم الإفتراضي الكبير
وربما هو ساحة صغيرة .. ليس هدفنا فيه التميز والمنافسة والكل يعلم ذلك
هدفنا أن نستمر على نفس هذه الروح الرائعة التي تسعد القلوب بوجود كلمتكم ورقيكم الرائع
لن أصف روعتكم لأنكم أخوتي واساتذتي
وانا بمنتهى السعادة هنا لوجود هذا التجمع من الأخوة الذين تعددت ثقافاتهم ويخفون ورائهم العلم من الطلاب إلى حملة شهادة الدكتورا
اجتمعوا هنا بكل تواضع ليشاركونا محبتهم وبسمتهم
...وبما يخص المنتدى الرجاء إعادة تفعيل قسم الصور التي التقطتها كاميراتكم .. وكذلك قسمي مكتبة الثقافة والموسيقا
لأن مركز التحميل السابق قد تم بيعه من قبل صاحبه مما أدى إلى فقدان جميع الملفات
وبالنهاية أعتذر إن كتبته باسلوب يوحي بالعجالة
فما كتبت في المرة الأولى قد تم فقدانه لذا أعدت صياغة الموضوع وانتم لكم الكلمة والإقتراحات
ولكم كل محبتي القلبية
البيت لكم وانتم من يبنيه
شكراً لسعة صدركم

مساك ورد يا مهند ... اكتر شي بحبو هون بهالعيلة الحلوة هوي فوق كل شي فوق كل المحبة و الطيبة و فوق كل شي .. الصدق و الصراحة .. لهيك لفتة كتير حلوة منك كونك مدير المنتدى انك تعمل موضوع بهالخصوص بقدرلك كتير هالشي هاد لانو بهيك ما عم نحس انو في فرق بيننا و بينك ابدا .. ما عم حس انا نفسي غير انك اخي الكبير و هادا رقي كبير منك انت
على كل حال من حقك تماما كونك مدير المنتدى انو تحكي بهالطريقة و بما انونحن الكل شركاء بالوجود و التواجد و الاخوة و المحبة منشاركك الاراء ,, انا تماما معك و ما بضيف اي شي ع يللي قلتو .. كفيت و وفيت

مهند حكينا الضهر بالموضوع و انا معك بكل كلمة و هيدا البيت لكلنا
رح اعمل كل شي بيتوجب علي انشالله
تكرم عينك يا احلا مدير بالدني و انا مع الي بتشوفوه مناسب
و اذا بدك تمسح اسمي للامن العام انا موافق شفتو التضحيه انت بس استرجي عملا
رنوش حبيبي طمنينا عن فحصك اليوم مساكن فل و ياسمين

مسا الخير لأحلى عيلة وأحلى جمعة

بتشكرك كتير أخ مهند ع الموضوع وطريقة طرحو اللي كتير عفوية وواضحة وصريحة ... الحقيقة أكتر شي شدني للمنتدى هو هي الروح الصافية والمحبة والرقي اللي بيجمع أفراد هالعائلة الحلوة .... كتير بحياتنا في تعب وخيبات أمل وضغوطات متنوعة وكتير حلو انو الواحد يلاقي مكان دافي يلجألو بين وقت والتاني ليرتاح ويحس بالتفاؤل .... بتمنى يضل المنتدى فيه هالروح هي ومتل ماقلت مهند المهم مو الكم بل الكيف .. بتمنى إني اقدر أقدم كل مافيه الفايدة والحفاظ على هالروح اللي بتجمعنا كلنا وأدي دوري بهالشي كفرد من افراد هالعيلة الحلوة .... وبتشكر كمان جهود زهرتنا الحلوة و"تضحيتها Wink

" ... ورانيا طمنينا قمحة ولا قمحة Wink

؟؟

... عدد المشاركات : 1452 تاريخ التسجيل : 08/09/2008

اوافقك بكل ما ذهبت إليه صديقي مهند...... لا يمكن ان يحمل الإنسان بطيختين... بأيد واحدة... شو علاقة البطيخ هون... يبدوا أني و خبصت!!!!!! ما علينا.... المهم و الأحلى في المنتدى( وجهة نظر شخصية ).. هو الخصوصية و المحبة... المتبادل بين الأعضاء.... و إحترام الآخر.... و تحية للجميع....

محبة.......

مهند الغالي ... لن أضيف على كلماتك وكلمات رانيا ... وزونين ... وميساء ...
غير أنه أصبح لدينا أدمان على المحبة والصداقة والصدق في هذا المنتدى الرائع
وسأعمل ما بوسعي لاستمراره بهذه الروح ...
كل المحبة للجميع

صباح الخير أحلى الاخوة أنا قريت كل حرف كتبتوه و انا مه آرائكون و تكرم عيونك خينا مهند ..طول بالك يوم الجمعة يمكن أروح عتدمر برجع و بجلكون معي أحلى الصور يللي رح تلتقطها كاميرتي و بالنسبة للموسيقى خينا جواز سفر مختص بهل أمور... بحب هل بيت الصغير و بعترف اني مدمنة عليه ..

سننبلومن و ميسا .. امتحاني و الله من طرفي كان قمحة و الحمدلله بس بيجوز تطلعلها كام سوسة و تخرب الموسم بما انو الدكتور خوفوني منوووووووووووووووووووو .. بس مع هيك وعد انو تطلع المادة

يسعد مسا الجميع شباب وصبايا
انا مع كل كلمه حكيتوها هون ..وفعلا احلى شي ببيتنا هاد انه دافي ..والكل بيحب بعض و بيحترم بعض ..وان حصلت بعض الازعاجات مؤخرا ..بس هيدا لا يمكن ياثر باي حال من الاحوال على روح المنتدى اللي بتميزو عن باقي المواقع ..نحنا هون صحيح بعالم افتراضي ..بس نجحنا انه نحولو الى عائله حقيقيه . مهند انت المدير اتصرف باللي بتشوفوا مناسب ..ونحنا معك ..بس لا تقرب على الملكة .

» سؤال من فضلكم