لعبه جديده يلا شباب

اقتباس :

برأيك شو هية أبشع صفة ممكن يتصف فيها الإنسان؟؟؟ يعني بدي صفة وحدة مو أكتر و أنت بتشوفها الأبشع.

الكذب بكل ألونو أبشع صفة

السؤال : بتخاف من الموت ؟ ايمتى بيخطر ع بالك ؟ شو بيعنيلك مفهوم الموت؟وإذا بدك شو بتعنيلك النهاية بكل معانيها ؟

اقتباس :

الي بعدي اكتر موضوع قريته بالمنتدى واثر فيك كتير

زفاف طفلة لبنانية وسط الدموع


الصحيح انه لخبط كياني وصدمني حرام هالطفوله وهالبراءة تعاني كل هالمعاناة

يارب اشفيهم


الي بعدي اكتر موضوع قريته بالمنتدى واثر فيك كتير

أكثر موقف استوقفني بحياتي هو لما خلقت بنت خالتي و أن كنت من أول ما دخلت خالتي عل مشفى معها ... لما شفت البنوتة لأول مرة حسيت شي غريب مشي بدمي و كان شعور فظيع ...و ما حس غير دموعي عمب يشرشروا باللا شعور ... كان موقفي قدام الممرضة مشرشح ... الله ستر ما قالت عني مجنونة ... و هلق بدي من يللي بعدي و بما انه ابن الضيعة ما شاف سؤالي قبل شوي رح عيده((( بدي من الشخص يللي بعدي يقللي شو بيعنيله كلمة الصديق الوفي أو الصديقة الوفية و إذا بهل وقت ضل في منهون أو لا برأيه ؟؟؟؟؟))

هومن يستطيع أن ينفذ إلى أعماقك ليرى جوانب الخير والجمال بداخلك وبذلك فهو مرآتك الصادقة تستطيع أن تكشف جوهرك الحقيقي من خلاله وتتعرف على نفسك أكثر وأكثر.
أكيد في ومثل مايقول المثل "إن خليت خربت"

السؤال هو :هل تعيش حياتك حسب قناعاتك أم ارضاء للآخرين

بدون طول شرح ... مهند ......... (طبعا من بعدي أنا) مو هيك لازم الجواب يكون ياوليد؟؟!!!

للي بعدي

كيفك اليوم؟؟

سونبلومن بما انه الحب اعمى ممكن يصير كل شي اعمى السمع و الحكي وحتى التذوق

اذا من شخص بحبه
بسمعها..وما بخجله
ويمكن حبها
للي بعدي شو رايك باسمك وباسمي انا

والله أحيان بكره اسمي .. لأنو مكرر وبسمعو كتير
صح اسمائنا بتصير باللاوعي .. بس بلحظة منكرها لأنو بتعبر عن شي مكرر
ومع هيك اسم مهند كإسم حلو مو بطال
وبيني وبينكن بعالم النت حبيت اسم ghost يلي كنت مختارو للعالم الإفتراضي
تميز غوست بالوضوح والجرأة والنكتة والمزحة وكان منفتح ع العالم أكتر من مهند !
ما بخفيكن سر .. علمني أنو أسمائنا أول الطريق لتقييد حرياتنا !!
وماحدا بقيدها .. نحناي يلي منقيدها

اسم صبا اسم حلو كتير وموسيقي
وأي اسم بيتكون من 3 حروف بيعطي صدى ووجود أكتر من الأسماء الطويلة
وعدا ن هيك معنى الإسم ..
وألا يا صبا نجد متى هجت من نجد

السؤال التالي :
بتندم على موقف جريء اتخذتو بحياتك ؟ ومعليش سؤال تاني ؟ أوكي
مين من الأسماء الموجودة بالمنتدى توقعت يكون عمرها أصغر أو كبر بكتير من الشي يلي عرفتو بعدين ؟

لاء ... مابقبل طبعا لانو الماضي هو جزء مهم من الحياة ... والذاكرة متل المكتبة تماما ممكن ترجعلها كل مرة لتستفيد من المصادر والمراجع .. مافي مستقبل بلا ماضي
بطلب ......... بدون تفكير .... إني ضل مع اللي بحبو كل العمر ... وطماعة أنا رح أستغل الفرصة وأطلب انو الناس كلها تعيش برضا وأمان

سوسوووووووووووووووووو ..... السماااااااااااااح منك

وللي بعدي:

كيف بتبدا يومك؟ وممكن كمان؟؟؟ .... مين أول وجه بتحب تبدا معو يومك؟

الثقة بالنفس ... الوضوح مع الذات ... تحديد الهدف ... المثابرة ... الأمانة والصدق

بتمنى ولادي يلتزموا فيهن وبنصحهن انهن يستلحوا فيهن لأنهن أهم مقومات النجاح بالحياة ... وأهم اسباب القدرة على تصحيح الخطأ والانطلاق من جديد

للي بعدي ... بصراحة: ليش بتحبها/ بتحبيه؟؟

اقتباس :

للي بعدي ... بصراحة: ليش بتحبها/ بتحبيه؟؟

إذا أجبت حددت .. وإذا حدتت قيمت العلاقة .. وإذا قيمت العلاقة وضعت الأسباب .. وإذا وضعت الأسباب صارت العلاقة منظورة .. وإذا صارت منظورة انتقلت من القلب للعين
وإذا انتقلت من القلب للعين هيك مافيني شوفها وأنا نايم
وإذا ما شفتها بقلبي وأنا نايم وأنا فايق وع الترويقة وكل دقيقة ما بكون اسمو حب
لهيك بحبها ما بعرف ليش

طيب يا جماعة رح انهي اللعبة هون من بعد اذن زوننبلومن
خطرت ع بالي فكرة متأكد أنو رح تعجبكن
رح افتح قسم مؤقت اسم (( بمنتهى الصراحة ))
هاد القسم رح انقل محتوياته بعد فترة لقسم الإعترافات واحذفو
فكرة القسم هي وضع كل الأعضاء يلي بشاركو معنا تحت التحقيق
ورح نعطي مجال عدم الإجابة لكل مين مابحب الإجابة
على كل حال رح جهز القسم بس اتفضى شوي اليوم
ورح حط شرح حولو بحيث لكل شخص منا موضوع خاص ونحقق مع الشخص ونسألو بكل شي بيخطر ع بالنا
لما بفتح القسم وبرجع بأكد أنو مؤقت بتمنى شوف رأيكن بالفكرة

شكراً عبير
الصراحة بعد ما جهزت القسم لاحظت رح يصير ضغط ع المواضيع الأخيرة ويمكن تشتت بالسؤال لما رح نسأل أكتر من شخص
لهيك رح اعمل التحقيق مباشرة بقسم الإعترافات
وكل اسمين مع بعض ومشان الترتيب رح ناخد عدد المشاركات بعين الإعتبارات في التسلسل
يعني رح نبدا نسأل زوننبلومن وابن الضيعة وبعد فترة اسمين بعدن
ورح نوصلك عبير ورح نملك حرية السؤال مهما كان قاسي أو محرج
وبحق لكل شخص بالإستجواب انو يعتذر عن الرد
أو ينهي الموضوع