دائما بيحكي باسم معلمو وبشوف حالو حتى لوكان بواب أو شوفير طرطيرة
بيحقد على مهند بمسلسل نور وعلى يحيى بسنوات الضياع
بيفكر بالطلعة برات البلد منذ نعومة أظفاره حسب الترتيب التنازلي التالي: أمريكا- أوروبا – الخليج – لبنان سابقا. وإذا فشل مع تقدم الزمن بيقرر ينتقل للشام العاصمة أحسن من بلا.
بيحب يكتب ذكريات على الحيطان و مقاعد السرافيس مع رسمة القلب والسهم دليل الحب
فيك تسألو أي سؤال شخصي بس إياك تسألو عن اسم أمه ( ياغيرة الدين)
روح قلبو يروح مع صحابو على الصالحية والحمرا لما بدهن يشتروا ألبسة بس لما هو بدو يشتري إلو فوراً على البالة بالإطفائية
إذا مزاجو معكر ومو جاي عبالو يعيد بالعيد بيتذكر أنو ستو لصهر ابن خالة مرتو توفيت من 9 أشهر وبخبر الناس أنو حزنان هالعيد *سبحان الله فهمان بكل شي بالفطرة اذا بتسألو باي شي بيفهم وبس يستلم منصب بزل العالم حتى لو شوفير بزل الركاب *اساتذة بطق البراغي حتى لو كان ابوه. *سيارتهم المفضلة مرسيدس حتى لو كان موديلها 1800 *كلهم ابو شهاب ورجال لكن بالحكي وقت الجد ما بتلاقي حدا *وبس بكون ماشي مع وحدة حلوة ماعاد يشوف حدا قدامو حتى لو ابوه عم يقتل قدامو
بيخلق وبيحب يكون دكتور سبحان الله هيك لحالو ما حدا بيوجهو لا أهلو ولا المجتمع بالفطرة يعني
بنظر أهلو كان الأول على صفو دائماً وكل مذاكراتو عشرات بس بتتفاجئ أنو تارك المدرسة بدون ما ياخد كفاءة
إذا وصل للبكالوريا بيقرر أنو بدو يعيدها من بداية العام الدراسي وبيتأكد هالقرار ليلة فحص أول مادة
بيقتل حالو حتى يطلعلو طب بعد البكالوريا ولما يصير بالكلية وبيشوف الطريق طويل بيلعن أبو الساعة اللي انقبل فيها أما إذا ما انقبل طب بيضل طول عمرو يشكي ويبكي ويندب حظو وبيعتقد أنو سوريا خسرت طبيب فذ بعدم قبوله
بشكل فطري ومن السنة الأولى بيرغب بإختصاص الجراحة العصبية ليش ما حدا بيعرف؟
إذا سألتو زميلتو بالكلية سؤال عن شي مادة بيفكر دغري أنها بتحبو
بيحاول أول العام الدراسي يطبق بنات السنة الأولى عأساس هو الخبير بكواليس الكلية وأمور الدراسة والمواد معأنو بكون مترفع شحط ومعو أربع مواد على الأقل
بكلية الطب بيقضيها سري مري بين الصيدلة والآداب وشرطكن بيضل حامل المريول الأصفر اللي كان لونو أبيض بإيدو رغم أنو ما عندو عملي( دكتور يا بعدي)
بيفكر حالو وقت يلبس بدلة التدريب الجامعي أنو إذا حدا شافو ما بيعرفو لذلك بتظهر شخصيتو الحقيقية
مسافرة فريق الأحلام
عدد المشاركات : 787 تاريخ التسجيل : 26/03/2009
موضوع: رد: خصائص الشباب السوري 22.04.09 5:04
تسلم ايديك ورد جووووووووري احلى توصيف للشاب السوري خصوصا هو وجنب الشوفير بالسرفيس...لك كيف طلعت معك هي والله ضحكتيني من الصبح شكرا الك ولمشاركتك الحلوة....بس ياخوفي حزب الشباب بالمنتدى يطلعوا لنا هلا مواصفات البنت السورية انتقاما .....!!!!!تحياتي
م.باسل فريق الأحلام
مكان الإقامة : : سوريا عدد المشاركات : 453 العمر : 50 تاريخ التسجيل : 01/02/2009
موضوع: رد: خصائص الشباب السوري 22.04.09 7:03
صباح الخير الوردة الغالية وصباح اخر بالورد لمسافرة شكرا كتيرا على الكلام الرائع بس حابب علق على كم نقطة بالموضوع - الشباب يلي عم تحكي عليهم لايعكسون الواقع العالم للشباب - معظم هؤلاء الشباب في فترة المراهقة وبيكون الواحد منهم مومصدق حالو وعنده عزة نفس (لاتقرفي( ومفكر الدنيا ماشية على الله ولا بيرع انو في غيرو عم يتعب لحتى يخليه يروح على البالة -معظم هي الحالات بترجع للحالة الاجتماعية للمجتمع وخصوصا الاصدقاء
على كلا بتمنى اسمعك اقتراحات الصبايا لحل مشكل الشباب ورد جورية في كاتب اسمو انيس منصور الو روايتان الاولى مذكرات شاب غاضب والتانية مذكرات شابة غاضبة بتمنى انت والصبايا مع الشباب تقرؤها
وليد ...
عدد المشاركات : 1452 تاريخ التسجيل : 08/09/2008
موضوع: رد: خصائص الشباب السوري 22.04.09 7:09
العمى على هالحالةو هالوصف... طلعت أنا مو سوري.... هههههههههههه... ولك سوري ونص و خمسة.... الله على أيامك يا سوريا... الله على السرفيس... و تحت الجسر... الله على الجامعة....
فلتسمع كل الدنيا.... دمشق... إنت الأحلى بين نساء الأرض....
ورد جوري.... تقدير و شكر...
محبة....
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
موضوع: رد: خصائص الشباب السوري 22.04.09 8:07
باسل.. ياعزيزي.. أرجو أنه لم يصلك انطباع أن هذه المشاركة تعبرعن رأيي بالشباب السوري الموضوع وصلني بالإيميل وحسيت فيه شي من الطرافة وهو (للدعابة) لا أكثر ولا أقل يسعد أيامك
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
موضوع: رد: خصائص الشباب السوري 22.04.09 8:10
يسعد أوقاتك وليد.. حبّ دمشق أيها العزيز.. سهدٌ جميلٌ لا ينتابك وحدك يا رب ترجع لها بالسلامة
بن الضيعة فريق الأحلام
عدد المشاركات : 2627 تاريخ التسجيل : 24/09/2008
موضوع: رد: خصائص الشباب السوري 22.04.09 8:14
ورد جوري صباح الخير ....
الشباب أول طلعتن بيكنو ا شايفين حالن ومو مصدقين ....
بعدين الحياة بتعلمن كل شي .... وبيتغير الواقع بنظرن ...
كل الشكر تقبلي تحيتي
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
موضوع: رد: خصائص الشباب السوري 22.04.09 9:32
نعم يا ابن الضيعة العزيز.. بتعلمهم وبتعلم فيهم.. يمكن أحيانا بتعلمهم أكثر بكثير مما كانوا يتوقعون.
mai فريق الأحلام
مكان الإقامة : : سوريا عدد المشاركات : 1861 العمر : 46 تاريخ التسجيل : 28/11/2008
موضوع: رد: خصائص الشباب السوري 23.04.09 0:06
والله مزبوط وانا سوري آه يا نيالي
رانيا فريق الأحلام
عدد المشاركات : 1264 العمر : 41 تاريخ التسجيل : 08/11/2008
موضوع: رد: خصائص الشباب السوري 23.04.09 1:31
اممممممممممم و الله و الله لو شو ما كانت مواصفاتو بيحط اضارة ما بيحط نضارة و الله انا ما بحب غير سوري و ما بيعبي عيني غير السوري .. لكن اممممممم و الله كان عندي مواصفات العنصر الكيميائي الذي يسمى ( بنت ) لكن محيتها كان فيها شي ممكن يشفي غليل الشباب عنا بس يالله خيرها بغيرها ... شكرا عبير حلوة كتير
وجدي فريق الأحلام
عدد المشاركات : 1248 العمر : 39 تاريخ التسجيل : 22/11/2008
موضوع: رد: خصائص الشباب السوري 23.04.09 16:47
يسعد مساكم حزب البنات لو شو ما حكيتوا بتضلها البنت السوريا هي البنت الاولى بنظرنا ههه ويا رانيا الخواص الكيماوية تذكرتها و يمكن منزلة بالمنتدى
موضوع: خصائص الشباب السوري 
21.04.09 23:34
