حولو ع الديمقراطية رايكن ع أساس كتير مهم

انطلاقاً من مبدأ الديمقراطية الذي يمشي على خطاه منتدى الأحلام
قررنا مايلي

1 - فتح كل من الأقسام التالية على الزوار بعد اغلاقها شهور طويلة وذلك لتظهر الحياة للمنتدى خارجياً كما داخلياً
الأقسام التي أظهرناها
قسم صباح الخير للتوجه للزائرين بالتحية .. قسم الترحيب
قسم حديث اليوم .. قسم العمل الجماعي

2 - الأقسام المخفية أصبحت ظاهرة لكل من يرغب بالإنضمام للمنتدى
ولن تظهر له إلا بعد الدخول والتسجيل في المنتدى وأحترام القوانين
وهي
قسم دفتر المذكرات .. قسم الإعترافات .. قسم المقهى .. قسم مقالب الأعضاء
هذه الأقسام ستبقى محصورة بفريق الأحلام

3 - يعتبر كل يعضو يسجل جديد ويشارك بمشاركة واحدة على الأقل يعتبر من فريق الأحلام
ويبقى عدم التميز في المنتدى بعبارات عضو مميز أو مدير أو ماشابه والكلللل فريق واحد ( شفتو الديمقراطية )

4 - كل من يعترض على ما قمنا به من تغيررات يعتبر داسوساً لمنتدى طريق الكوابيس
سجل رأيك وأيدنا وصفق لنا !!

5 - أي اعتراض على ما قمنا به يعتبر تحدي سافر لمهند ويلي بيتحدى مهند
بكون عم يتحدى وليد ويلي بيتحدى وليد يا ويلو لأنو علق مع ابن الضيعة وابن
الضيعة العلقة معو علقة لأنو كل صبايا وشباب المنتدى رح يوقفو معو يا ويل
يلي بيعترض

6 - حدا يشرحلي الوارد ب 5 لأني أنا ما فهمت كيف هيك بصير الإعتراض ومين يلي بدو يعترض .. عنجد شي بحير ما فهمت شي ..

7 - يسعد أوقاتكن رأيكن بهمنا يا أحلى أصدقاء

صباح الديمقراطية للجميع

هاتشوووووووووو

الحمد لله .... موسم الحساسية بلش ... حساسية الربيع والصيف طبعا

مهند صباح الخير ....

يا صديقي متل ما قالتك مي أنا شو علاقتي مبارح كنت بالضيعة وكنت عم ازرع حبق ...

واذا مو مصدق فيك تسأل مي لانو كمان زرتا مبارح بضيعتا ... وزرعنا شوية حبق بكرم

ضيعتن ....

بس يا صديقي أنا معك ... ووراك وراك في السراء والضراء ...

وياولو ليتحدا .........

صباح الخير للجميع .....

يسعدلي صباحك مهند بيك ...

اقتباس :

2 - الأقسام المخفية أصبحت ظاهرة لكل من يرغب بالإنضمام للمنتدى
ولن تظهر له إلا بعد الدخول والتسجيل في المنتدى وأحترام القوانين
وهي
قسم دفتر المذكرات .. قسم الإعترافات .. قسم المقهى .. قسم مقالب الأعضاء
هذه الأقسام ستبقى محصورة بفريق الأحلام

برافوووووووو عليك و عيني ربك مو كل شخص رح يسجل بالمنتدى و يبعت مساهمة وحدة يشوف هل أقسام من أول مرة برأيي خلينا نطول بالنا عليه شوي لأنه أحيانا في ناس بالصدفة بيدخلوا عالمنتدى و بسجلوا فيه و بيبعتوا كم مساهمة و بعدها بوقفوا ... مهند لازم تحط حد أدنى للمساهمات مثلا 30 و بعدين يظهروا هل أقسام ... مو هيك أفضل ؟؟؟ بس كمان إذا الكل موافقين فأنا ما بعترض

اقتباس :

هند لازم تحط حد أدنى للمساهمات مثلا 30 و بعدين يظهروا هل أقسام ... مو هيك أفضل ؟؟؟ بس كمان إذا الكل موافقين فأنا ما بعترض

لأ استرجي اعترضي يا بيوتي .. !!!
يا خيتي النسبة لهلق 66 % موافقين ونص وتلات رباع
وبما أنو نحنا ديمقراطيين رح نمشي عكس النتائج بكرة شوفي

خيي ابن الضيعة رح نفتح قاعة للمحاكمات
بتحط الباسوورد أو مندور على شهود أنت بعتلم راسايل
ورح نسأل صبا إذا شربتك من خلطة الزهورات

وجدي الغالي
صار من اليوم ورايح أي عضو بسجل معنا يعتبر من فريق الأحلام
يعني بعد التسجيل والدخول رح يشوف الأقسام المخفية
بعدين خيو نحنا تعودنا ع الشرشحة
ماعاد عنا شي مخباااااااااااااااااااااااااااا
بتمنى تكون وصلت الفكرة

اقتباس :

و مهند تسلم لي لما غيرت فرش المكتب كسرت الميزانية.... و مانك دافع عن اربع شهور

يا خيي ع أساس أنت شريكي بالنصب والإحتيال هيك فضحتنا
هي كشفونا الشباب انبسطت ؟ بكرة لما بتخلص فترة حكمنا وبتصير انتخابات جديدة بيطلعونا بتهمة الفساد
ومنضطر ننتحر متل رئيس كوريا الجنوبية السابق يا حوينتو ..

أبو جورج... أنت مو دافع اشتراكات من 6 شهور... يعني عليك مستحقات للدفع 6000

اقتباس :

خيو وليد رح ادفع والله بعين بس عرفت مراميك لون وصلت بس بتعفي الصبايا ونحنا ستين عمرنا اي بسيطة
خيي ابن الضيعة رح نفتح قاعة للمحاكمات
بتحط الباسوورد أو مندور على شهود أنت بعتلم راسايل
ورح نسأل صبا إذا شربتك من خلطة الزهورات

أنا بعتت كم رسالة للضرورة والحاجة الماسة أما مو رسائل عالطالعة والنازلة ...

بعدين والله صبا ما شربتني من خلطة الزهورات ولا مرة ... وأنا كتير زعلان منا

يسعد صباحكن

بدنا العدل ثم العدل ثم العدل حسب إحصائياتي شفت أنه وليد و بيوتي و وجدي نشكل جبهة واحدة و لن و لم ولا و لعل و ليس و إن و كيفما نوافق على يللي قالوه مهند بيك ....... صحيح اتعودنا عالشرشحة بس مو كل واحد بقلنا مرحبا لازم يعرف عننا كل شي ...

بيوتي ووجدي الغاليين تكرم عيونكن
رح ارجع أحصر قسم الإعترافات والمقهى بعدد محدود من الأعضاء
ورح نترك المقالب والمذكرات مفتوحة ..
هيك بصير عدل
بعدين بيوتي وليد ما اعترض ليش عم تضميه لصفكن وحزبكن ؟
وليد بس عم يطالب بزيادة رواتب يعني عم يحكي حكي كبير فمااااا بنصحك تمشي معو
المشي معو وراه خربان بيوت وأنت بعدك صغيرة وبأول شبابك
أنا بمحلك بعمل حالي ما بعرفو
لأنو سجن المنتدى قرب يخلص ووليد رح يدشنو
قال بدو زيادة رواتب قال .. والله منيحة لسا منسمع ومنشوف

مهند كأنك عمب تغش وليد كان اله تعليق كاتب فيه رح ضم صوتي مع بيوتي و هل تعليق طااااااااااااااااااااااااااااار ......
بدكون تجننوني

وانا بما أني عضوة مهمة كثير كثير بهل اتحاد الجماعي الثقافي الاسترتيجي الكويس بدي زيادة رواتب و قصة 15000 بالاسبوع معب تكفيني ...بدي زيادة يعني زيادة و بنضم أنا مع وليد هو صحيح انا بعدني صغيرة بس قصة اسكت عن حقي لا و ليس و أبدا و لن و كيفما و حيثما أسكت

يا بيوتي هي نفذت طلبك وخفيت قسمين
بعدين أنا شاف في تنين معترضين وهاد الشي بخوف والله شكلو في ناس بلشت تعترض وغوانتنامو يلي رح يسكروه بأمريكا رح نفتحو عنا .. بسيطة عم تعترضو مو هيك

اقتباس :

حنفية المنتدى وهذا الأحتفال بدون مصاري

شي طبيعي بدون مصاري لأنو ضرايب المي رح تعوض كل تكاليف الإحتفال
والله حاسك عم تحول مصريات المنتدى ع بنوك خارجية
وليد أنت ممنوع من السفر برا المنتدى حالياً
وقريباً رح نحجز على جميع مساهماتك المنقولة والغير منقولة وأنت لاح تنحال ع التحقيق بتهمة الفساد
وأبو جورج رح ينحال ع التحقيق بتهمة اثارة الشغب في قاعة الإمتحانات

وميساء بتاخدي اجازة صحية شكلك رح هااااااااااتششوووووو شكلك رح تكربي وهي عديتيني

رانياااا بتصدقي رغم إني علقت ع تعليق وليد حول الحنفية
بس هلق رجعت شفتها مرة تانية
يا خيي وليد بس فهمني شو خطر ع بااااااااالك ههههههههههه

يسعد أوقاتكن
يا جماعة قسم الإعترافات والمقهى مخفيين عن كل الأعضاء الجدد
بس نيبة التصويت لهلق بتسمح أنو نبقي المقالب مكشوفة ع الأعضاء الجدد
وصباح الخير والعمل الجماعي والحديث اليومي مكشوفين ع الزوار

نحنا مااااااا منخجل من محبتنا لبعض لهيك رح يضل المقالب مفتوحة
بس الإعترافات والمقهى هي سكرناها ع كل الجدد
بس ناطر النسبة لنشوف لوين رح توصل
شايف بالآخر بدنا نضطر نخفي كل الأقسام من ورا تصويتكن هاد
وما يضل إلا قسم خفايا الروح !!