للرجال فقط ...بصراحة اي الازواج انت ؟؟؟؟

في لقاء ضم مجموعة من الشبان المتزوجين افتتح أحدهم الحديث عن الجلي مازحاً فكانت ردود أفعال الجالسين مختلفة:

- 'إن كنت أريد من زوجتي شيئاً، لابأس بالجلي'
زوج وصولي

- 'إن الجلي وسيلة لكسب مودة الزوجة إن مارسته مرة أو اثنتين بالشهر'
زوج دبلوماسي

- 'أجلي كما تجلي زوجتي، نحن سواسية'
زوج تقدمي

- 'شو جلي وماجلي، عليّ ما عليّ.. مابعرف شكله للمطبخ'
زوج تجبره زوجته أن يجلي كل يوم

'إن كانت زوجتي متعبة، زوجتي الثانية تجلي، وإن كانتا مريضتين أتزوج ثالثة'
زوج ملتزم دينياً على طريقته

- 'كل البيت يجب أن يجلي بدوره'
زوج شيوعي

- 'أنا أجلي عند جارتنا بس، لا أجلي بالبيت'
زوج عميل

- 'الجلي مسألة لا أدير لها بالاً، الصواب أن تعرف الزمان والموقف المناسبين للجلي'
زوج حكيم

- 'إن طالبتني زوجتي بأن أجلي، ألقي بها خطاباً حول خطورة المرحلة التي تمر بها الأسرة'
زوج يعمل كمسؤول عربي

- 'لقد دفعت لها مهرها وانتهيت، عليها أن تقوم بما يجب عليها القيام به'
زوج رأسمالي

- 'إن النظام السوري وراء تململ الزوجات من الجلي'
زوج من جماعة 14 آذار

- 'ليش موالمفروض أن الزوجين يلعبوا طرة ولا نقش عن كل مرة يأتي فيها موعد الجلي؟'
زوج حمصي

- 'نحنا عنا جلاية وفلبينية'
زوج برجوازي

- 'نحنا من زمان اشترينا صحون وكؤوس كرتون حلاً للمسألة'
زوج براغماتي

- 'أنا فجرت المطبخ السنة الماضية'
زوج من جماعة أبو مصعب الزرقاوي

- 'زوجتي مابيهون عيلها تشوفني واقف عالمجلى'
كذاب

- 'لامشكلة عندي إن كان سائل الجلي برائحة الياسمين'
زوج رومانسي

اي الازواج انت ياترى؟؟؟؟؟؟؟؟؟؟؟

مسافرة يسعد مساكي ...

موضوع حلو ....

أما بالنسبة للجلي ..... ليكي ولو فضحت حالي .... أنا كتير بحب فوت المطبخ واشتغل

وما بتفرق معي الجلي .... ولاطبخ .... وبعدين يعني شو الفرق بين الجلي وغسيل السيارة ..

ما الجلي اسهل ... أقل شي الواحد بيمارس هواياتو ... وبيلعب شوي بالمعاجين يلي بتهري

الأيدين .... الله لايوفقن ... ايدي كتير حساسة .... يا عمي ما أحسن من صابون زيت

الزيتون ... ... هي دعاية بكرا مهند بيطالبني ... بما يستحق عليها من أجور ورسوم ..

كل التحية ....

اقتباس :

'إن طالبتني زوجتي بأن أجلي، ألقي بها خطاباً حول خطورة المرحلة التي تمر بها الأسرة'
زوج يعمل كمسؤول عربي

احلى شي هي

لك الله حيووووووووووووووووووووووووووووووووووو احلى ابن الضيعةةةةةةةةةةةةةةةةة
لك شفتو شفتو كيف ...... احساسي ما خيبني ابدا لك هادا عمي ابن الضيعة لك حيوته اته
انت خلص عمي بس رشح حالك ع الانتخابات و انا بجندلك كل العالم و لا يهمك اي لك نيالها زوجتك عليك اي هيك هه
يا شباب امانة تعلموا عنجد هه و الله ما في منو عمي ابن الضيعة
انا كنت رح علق و قول شو المانع انو يكون الرجل فيه كل المواصفات سوى ....؟؟ بس عمي ابن الضيعة سبقني لك رووووووووووح ما تبلى الهي
شكرا مسافرة

... عدد المشاركات : 1452 تاريخ التسجيل : 08/09/2008

أنا بكره الجلي......... ما بحبو.... بس بحب الشطف... يعني الجق بالمي...كثير شاطر بالشطف... ماشفتو المنتدى بس تفوتوه الصبح كيف عم يبرق برق... لأني أنا شااااااااااااااااااااااااااطفو...

مسافرة .. تقدير و شكر...

محبة...

صباحو مسافرة ... هلق بالنسبة الي بحب الجلي كثير و شاطرة فيه ..بشكل عام بحب المطبخ و كل الشغل فيه ... بس تقولولي شطف لاااااااااااااااااااااااااااااا ثم لاااااااااااااااااااااااااااااااا ثم لااااااااااا ما بحبه أبدا و لا المسح ...حلو الرجال يكون متعاون مع مرته بالبيت .... عمي ابن الضيعة برافو برافو برافو ..أكيد بنت الضيعة مبسوطة منك و رضيانة عليك ... وليد معليش شطف أو جلي أو أي شي المهم انك تشتغل بالبيت ..يعني تتعاون

بصراحة مافي منو الزلمة اللي بيساعد مرتو ... الله يخليك لبنت الضيعة يا ابو جورج .... ويسير جورج على ذات الطريق المؤدية إلى المجلى .. قصدي السعادة

يسلمو مسافرة

اي والله الزملة المطيع نعمة من الله
ويعني شوية كوي كمان ما بيضرو يا ميسا
تحياتي ابو جورج
انت ما في منك

ممممممممم
شو قصتكم نازلين شطف و جلي من مبارح؟؟

بتعرفوا؟؟

يمكن من شدة غرامي بالعناية بتفاصيل بيتي .. بظن أني طمّاعة وعدائية مع الرجل اللي بيتعدى على ترتيباتي و خططي لديكورات بيتي..
أنا مااااااا بحب الرجال اللي بيحب شغل البيت وبيحب المسح و الغسيل و أبشع منظر بشوفه هو زلمة عم ينشر غسيل..
بينهزّ بدني من هيك منظر..
يمكن شي حلو كتير يكون إله مراق بالطبخ و يعمل شوية حلويات كل فترة.. أنه معليش..
بس غير هيك.. يعني .. ما بعرف

اقتباس :: هي دعاية بكرا مهند بيطالبني ... بما يستحق عليها من أجور ورسوم

أبو جورج ما تظن أنو نسينا قضية محاكمتك .. قريباً أنت ورانيا هاني ع المحاكمة العرفية

أنا عن نفسي يا جماعة بحب الطبخ بس ماااابحب الجلي
برأيي مساعدة الزوجة شي حضاري
طبعاً هاد رأيي قبل الزواج .. بعد الزواج ما بعرف إذا بيتغير

لاه لاه لاه لاه لاه لاه ياااااااااااااااااااورد جوري ماصدقنا ع الله انه عطينا رجالنا حريتهم منشان يشتغلوا بالبيت تجي انتي ترجعيهم الى العصور الغابرة ...!!!!!!؟؟؟؟؟؟ا تحيتي لك نياله صاحب النصيب شو رح تد لليه

» متجر لبيع الازواج
» للرجال المتسلطين فقط ...
» للرجال فقط ...كيف تختار امراتك ؟؟؟؟
» ازياء ال 2010 للرجال ماحدا احسن من حدا