تسربت اسئلة البكلوريا .....الفيزيا و العربي

هي عبارة عن أسئلة البكالوريا في سورية ...

امتحان شهادة إتمام الدراسة الثانوية العامة لعام 2020 م
الفرع : علمي علمك

أجب عن 375 سؤال فقط من الأسئلة التالية :
===============================================
السؤال الأول:
أ- اختر الإجابة الصحيحة من بين القوسين:

يتألف كتاب الفيزياء للبكالوريا في سوريا من.....( 5000- 50000- 500000 ) ورقة

===============================================

السؤال الثاني :
أ- المسألة الأولى : طائرة بدون محرك تطير بسرعة 2 م/سـا فوق البحر الأصفر بجوار كوالالامبور سقطت في الماء ( قبل آذان المغرب " مفتاح الحل " )..
فإذا علمت أنّ سرعة الهواء 3 م/سـا و عمق التربة 30 سم و كثافة الماء 1000 كغم/سم3 فالمطلوب :

اسم وزير النقل بكوالالامبور 3-
عدد الركاب الذين سافروا بنفس الطيارة قبل شهر إلى سنغافورة .. 4-
إذا علمت أن عدد الركاب في الطائرة 20 راكب فكم يكون عدد أبنائهم 5-
ــــــــــــــــــــــــــــــــــــــــــــــــــ ـــــــــــــــــــــــــ
ب- المسألة الثانية: رجل يقف على سطح بناية يمسك حجرة متغيرة الحجم ينوي قذفها على والد صديقه, فإذا علمت بأنه قذفها بحركة شاقولية أفقية دورانية جيبية منسحبة اهتزازية كبيرة السعة بسرعة صاروخية وكان الجو مشمس يومها...
والمطلوب
هل الرجل أصلع أم لديه شعر و في حال كان له شعر فما نوع الجيل الذي يستخدمه؟-1
2- إذا علمت أن اسم الرجل ( حسام ) فما هي كنيته ؟
3- في شروط التجربة النظامية ما هي إمكانية إصابة الهدف ؟
4- في حال هبوب الرياح فجأة ما هو احتمال تغير مسرى الحجرة وكم قيمة هذا التحول ( أستنتج ثم أحسب ) ؟
5- كم عدد الأشخاص الذين بالصدفة قد يشاهدون التجربة ؟ مستشهدا بأبيات للشاعر .

==============================================

السؤال الثالث :
- اشرح بإيجاز كيفية إدخال 4 أفيال في سيارة لاما تورز موديل 88 بـ حارة الفبريقة , ثم إذا اصطحب كل فيل زوجته وضح كيفية إدخالهم في سيارة Bmw .

السؤال؟........................................الخ ال==========

امتحانات الثانوية العامة لعام2020
الفرع:الادبي
المادة: اللغة العربية ================================================
هذا الامتحان برعاية ماجي - المرقة الأكثر رواجا============================================= ===
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7). تنبيه: هذه الأسئلة لا علاقة لها بمسابقة - مـن سيـربـح المـلـيـون – لذلك تمنع مساعدة الصديق أو حذف إجابتين أو أية وسيلة اخرى -في حال نجاح الطالب بدون واسطة سيتم إحالته للتحقيق بتهمة الغش -يمنع استخدام القصاصات المساعدة ( راشيتا).

السؤال الأول (20 علامة)
قال الشاعر معبرا عن مشاعره و أشواقه، و واصفا محبوبته في القصيدة المحرفة والناقصة الآتية:
نزلت للبحــــر تتشمـــس الحلــــوة..... القصيدة

الأسئلة
- اشرح الآبيات الخمسة الأخيرة فقط من النص بما لا يقل عن 50 سطرا باختصار شديد (9علامات)
- لماذا اختار مدرس المادة القصيدة السابقة ولماذا أجبت أنت على هذا السؤال يا راسب مسبقا؟ (5 علامات)
- استخرج من البيت الثالث صورتين فوريتين مبينا نوع الكاميرا والفيلم المستخدم
(4علامـات)
- (ما هي صفات العروس التي تريدها ام الشاعر ؟(3 علامـة============================================ ====
مساحة خالية للإعلان- ت: اثنين صفر وثلاثة خضر ================================================
السؤال الثاني:

قال الشاعر (وفيق حبيب) يتغزل بمحبوته من بين مجموعة من الفتيات الجميلات :

ولك يا ام عيون الدبلاني ..... هاجر لشو زعلاني

صرتي بتحكي لبناني ......وبعقلي عملتي لوشة

هييهيهيهيهيهيهيهيهيهيهيهيهي هاجر

هييهيهيهيهيهيهيهيهيهيهيهيهي هاجر

هييهيهيهيهيهيهيهيهيهيهيهيهي هاجر

هاجر فوق الرعوش .......حوشي جيجاتك حوشي

بكرا يعلم حب التين ........ ان شاش الهوا شوشة

الأسئلة:

1. غني البيتين الأول و الثاني بدون موسيقى ولا تنس الزقفة!
2. استخدم الشاعر صور قبيحة ما في داعي تذكر منها شي!
3. لماذا تتكلم محبوبة الشاعر اللهجة اللبنانية في البيت الثاني مع انها من الضيعة ؟
4. في النص تلميح واضح لحزن عميق لدى المحبوبة من خلال التركيب البياني
(هاجر لشو زعلاني ) حدد أركان هذا التركيب
5.( فسر معنى الكلمتين ( لوشة_ حوشي .
6.. (اكتب ثلاثة أبيات من قصيدة الشاعر علي ديوب : ( واعدتينا تحت التينا
7. أين تجد كلمة ( الرعوش_ شوشة) في قاموس لسان الكراجات؟2. في النص مواضع سخافة كثيرة حدد اثنين منها
================================================
السؤال الثالث:

جاء في قصيدة صباح فخري:

خمرة الحب اسقنيها همّ قلبي تنسنيه

عيشةٌ لا حب فيها جدول لا ماء فيه

1ـ تحدّث عن دوخان صباح فخري بما لا يتجاوز 3000 سطر مع العلم أن تابع الحركة الدورانية هو : ع = لغ(ب + ج ) .

================================================

السؤال الرابع: 8 علامات
أعط أسباب ما يلي مع شرح الوافي :
- تم نقل السوق المالي إلى سوق السمك ؟ (2 علامـة(

- إقبال المشاهدين على قناة الجزيرة الإخبارية؟ (2 علامـة)

-أسباب اندلاع الحرب بين ..... و .... ما فيش فرق، اختر أي حرب، ماهوأنت راسب راسب ؟ (2 علامـة)

================================================
** أخي الممتحن أقلب الصفحة: لتندم على الساعة اللي دخلت فيها المدرسة
================================================

** السؤال الخامس : –اختياري- (5 علامات)
اكتب الاسم المستوفى من السؤال: ماهو اسم عم ازابيل الذي هجرها من المسلسل المكسيكي الذي يأتي يوم السبت ؟ ( ورد ذكره في مسلسل ........ أيضا )؟ (5 علامــات)
================================================ فاصل إعلاني: اشتري عبوة سيريلاك و اربح علبتين بامبارز مجانا ،العرض ساري حتى نهاية الامتحان ================================================
السؤال السادس: (8 علامات)

ورد في التلفزيون السوري دعاية "رقائق أبو اللبن" العبارة التاية للمخرج فواز جابر: " عبالك اوزي، تنتين بتعوزي، عيار الرز و اللحمة مفرومة يا سوزي، بازيلا صنوبر و رشة بهار...."
الأسئلة : 1- اذكر وصفة الطعام المختلفة التي وردت في كافة دعايات "أبو اللبن" و "ساراميكس" (4 علامــات)
- اضبط بالبهارات ما تحته خط (2 علامـــة)2
3- في أي صفحة سيكون رقم هاتف المخرج في "دليل الهاتف"باعتبار آخذ بأول الأسماء، متبعا القاموس المحيط؟ (2 علامـــة)

================================================
المشروب الرسمي لهذا الامتحان ==كوكا كولا==
================================================

أخي الممتحن أقلب الصفحة أحسن لك

سؤال المساعدة (إحباطي)( 20 علامــات))
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثالملاثة مقاطع مع عدد السنوات التي ترأسوا فيها البلدية ؟

ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء.

================================================

__________________________________________________ انتهت الاسئلة

بتعرفي رانيا
كنت مشغول شوي وبس بدي خلص وروح حاول نام لأنو بكرة عندي مراقبة وأنا كل يوم عندي محاولة نوم وبتبوء بالفشلللللل
المهم بلا كترت لعي عملت تحديث لصفحة المنتدى وقريت هالموضوع وما بنكر إني بالبداية فكرت الشغلة جد
بتصدقي وانا عم اقراه لوحدا شافني أو سمعني من أهلي بقول خلص هاد مجنون رسمي على قد ما ضحكت
وخاصة ع الفواصل الإعلانية وع أسئلة العربي
يعني هالأسئلة اسهلللل من اسئلة وليد بألف مرة
تخيلت لو أسئلة الإمتحان يكتبو المادة برعاية علكة سهام
يمكن هالفكرة لسا ما خطرت ع بال شكركة الدعايات
بس برأيي فكرة بتجنن وهيك بتتحول وزارة التربية من وزارة مستهلكة لوزارة منتجة وبكفي يقولو عنها مستهلكة ومحملينا منية كبيرة

رانيا شكر كبير على هالأمسية من البسمة
تسربت اسئلة البكلوريا .....الفيزيا و العربي 176452

تسربت اسئلة البكلوريا .....الفيزيا و العربي 176452

... عدد المشاركات : 1452 تاريخ التسجيل : 08/09/2008

ههههههههههه.... مرقة ماجي.... و الله شي حلو....

رانيا يسلمو ايديكي....

محبة...

ههههههههههههههههههههههههههههه .....

اي هي الأسئلة يلي بتفرفش .... والواحد ممكن ينجح مو أسئلة وليد ....

يسعد صباحك رنوش

... عدد المشاركات : 1452 تاريخ التسجيل : 08/09/2008

اقتباس :: اي هي الأسئلة يلي بتفرفش .... والواحد ممكن ينجح مو أسئلة وليد

أبو جورج.... بنتواجه بفحص التاريخ.....مو مطول....

يسعد صباح الجميع...

محبة...

اقتباس :: أبو جورج.... بنتواجه بفحص التاريخ.....مو مطول....

التاريخ أنا مو خايف منو أبدا ....

حالمة رح تنقلني .... وبعدين أنا مرشت ... يعني مجهز حالي ...

هههههههههههههههههههههههههههههه ...

يسعد صباحك

واو كثير كثير حلوين هل اسئلة و خاصة الدعايات يا ستي الشخص بحس حاله بحالة فرفشة دائمة غير شكل مو مثل عنا بتقعدي 3 ساعات بدون ما تلفي لا يمين و لا يسار ...عنجد بيظلمونا هل مراقبببببببببببببببببببببببببببببببببببببببببببين
الحكي الك يا جارة اسمع يا مهند و كل مين براقب

هلأ في دورات استثنائية ولا لاء ؟؟؟؟؟ ...... ايه لأني مالي محضرة وما بعرف جاوب ع اسئلة هاجر والتينة .... عطوني فرصة بس لراجع الدروس بالكراجات .... بقصد بالعطلة ... لأانو معلومكن هدول المتخلفين اللي هون عندي مو واصلتهن الثقافة الهاجرية اللي ع اصولها

يسلمووووو رانيا .... ضحكت من قلبي

رنوش
بربك من بتجيكي هالأفكار
والله شي بيطقق من الضحك
عا شوي كنت رح صورن واطبعن ووزعن بكرة لطلابي بالمراقبة
ولكن يا مديرنا قلو لأبو جورج ما يغش الروشتيات ممنوعة
وخلونا هلق نعمل فاصل إعلاني
حمــــــــامك سعادة حمــــــــــــــامك هنا
مع تحيات شامبو هامول

كتيييييير حلوين
بتذكر لما قدمت البكالوريا بالعام(......) كمان عملوا متل هي الأسئلة
بس كانت القصيدة (الغنية) ل كاظم نزلت البحر تتشمس الحلوة
وكان اهم سؤال ليش امه لكاظم كانت رافضة زواجه من البنت (اللي نزلت البحر تتشمس)
يسعد مساكي رانيا

على فكرة هالأسئلة مو تعجيزية متل الأسئلة الحقيقية
يعني ممكن يكون فيه بصبوص أمل للطالب

يسلمو يا غالية على اللفتة الظريفة

بتعرفي رانيا هلا حتى انتبهت ع الموضوع...

كتير حلوين وهفة بصراحة..هههههههههههههههههههههههه

يسلمو ع الرواق.......

» غوته والعالم العربي
» غرائب الشعر العربي...
» اسباب التصحر بالوطن العربي
» اسئلة حلوة
» عنجد اسئلة بتجيب الجلطة