صور الخانوم بيوتي بتركيا

و هي كم صورة من زيارتي لتركيا كلهون كانوا 3 ايام
بس تشوفوا اختكون كم صورة لقطت
رح أبلش بأول صورة و أكيد رح تعجبوا بجمال الطبيعة

فاصل إعلاني ::::::: بوفالو مثلو مافي
اشتري محرمتين و احصل على موبايل مجانا
عدنا ::::::::::::::::::::::::::::::::::::::::::::::::::::::::::::::::::::::::::::





لك شبكون ليش انطمزتوا عمب امزح معكون ..بس هي البقرة تركية أبا عن جد حبيت أفرجيكون ياها و هلق رح بلش بالصور

نسيت أفرجيكون ضمن هل مجموعة
صورة بيت مهند و نور يللي صوروا فيه مسلسل نور

برافوا انجي :
خرجك تشتغلي مصورة، عدستك لقطتت كتير شغلات حلوة بثلاث أيام..
شلون لو كانت الزيارة أطول؟؟..
يسلمو آنجيلا كتير حلوين الصور..
ممكن سؤال ؟؟ شو يلي عجبك بالبقرة لحتى صورتيها.. هههههههه

تشكوووووووور دريم .... الله رازوس ... كيزيم بيوتي

كتيييييييير حلوين

يسلمووووووووووووووووووووووو هاتون بيوتي

عمي ابن الضيعة مو تكرم المرة الجاية بعمزمكون معي و حتى لو كنت انا معزومة بقلهو نانه ما بجي الا و معي 25 شخص ....يا يعزموني هيك يا اما بلاها ...
عمنا بسام البقرة الأمورة ههههههههه شفتها بالصدفة كنت عمب صور البحر و قاعدة بالمطعم قمت و اسمعت صوت عالي و رحت لأشوف قمت شفت كل هل جمال قاعد عالارض و قمت صورته ... شفت شو حلوة الصدف ههههه
ميساء أتاري مانك قليلة بتعرفي تركي خيت و انا كمان اتعلمتلي كم جملة قبل ما روح حتى ادبر راسي و مشي الحال هونيك فرطت من الضحك لما ما كنت عمب اعرف اتفاهم مع مقابيلي .....
ميوشة حبيبتي تكرمي خلص شلون ما قلت لعمي ابن الضيعة اجركون قبل اجري وقت الروحة ...
و انتي يا أحلى جورية تسلميلي يا وردة و انشالله نروح على فرنسا لأنه كمان سفرة محرزة و بتمنى يصير هل شي قبل ما تخلصي دراسة ..

مساء الخير يا جماعة، مساء الخير ميساء خانم..
ميساء خانم انت بتحكي تركي ؟؟..
اي ترجميلنا ما تصغري ..

وللليششششششششش شفنا الصور
واخيراً ورجتنا ياهن الأنانيةةةةة يلي ما أخدتنا معها
هلق صار فيني قول أنو بيوتي أنااااانية بعد ما شفت الصور وارتااااح بالي

بيوتي الصور حلوين كتير
يا ليتناااا كنا معكم والله حاسس حالي عايش بقبر
بس ما قلتيلي هيصورة البقرة لبيت مين ؟
بس بتعرفي .. مناظر ولا بالأحلام .. خليتني أكره عيشتيييييييي
واصبت بكآبة حاااااادة

الصور بجننو بيوتي .. انشا الله كل أيامك مشاوير حلوة وفرح وسعادة يارب

:بيوتي: :شكر:

:بيوتي:

أنا بدي أسأل عن الجسر اللي بالصورة..

معلوماتي أنك كنتي باستنبول.. بس حبيت أتأكد إذا كان الجسر اللي بالصورة (السابعة) هو جسر البوسفور اللي بيفصل استنبول الآسيوية عن استنبول الأوربية؟؟؟

:بيوتي: :شكر: على التوضيح..
بس شو هي عمو ؟؟
انا بتشرين بطبق العشرين، شو ما انتبهت انو صورتي تغيرت وصرت شب صغير؟؟

هي صورة ابني وسيم

صباحو يا جماعة ......
وليد أفندي انا ما زلت أشطر طالبة و الدليل أنه من هلق عمب حضر اليبرقات و لفهون منيح .لذلك الله يخليك بس تروح على أفغانستان ما تنساني عالقليلة بهدية صغيورة .... مليكة البحر المرة الجاية خلص رح تكوني معي ..أبو الجود كثير انبسطت و حسيت حالي بالجنة هو عأساس انا شايفة الجنة حتى قاعدة عمب قارن بس عنجد كانت المناظر هونيك كثير حلوة ... بتمنالك الك كمان انك تزورها ...تسلميلي يا أميرة يا صبا انتي عالقليلة عايشة ببلد في حدك بحر و هي نعمة كثير حلوة ..انا عشيقة البحر .... حالمة هل صور باسطنبول و صور الفواكه بالجزيرة يللي اسمها جزيرة الأمراء ..ما بعرف شأد بتكلف هيك رحلة لانه انا بشتغل بمكتب سياحي و كانت شبه عزيمة الروحة يعني نحن حطينا مبلغ كثير صغير و الباقي اتكفل فيه المكتب ...بس نصيحتي انك تروحي و تزوري تركيا ...يا مهند انا طلعت أشطر منك و حطيت جزء كثييييييييير صغير من الصور و زيارة المواقع عفتهون لأحطهون بعدين فما يرتاح بالك كثير ههههههه هل بقرة كانت بجزيرة الامراء و كان في حدها بقرة ثانية بس هديك ما صورتها قلت بكفي وحدة ههههههه بعدين ما تكره عيشتك الحمدلله عكل شي كلنا بالهوا سوا ...انشالله انت كمان بتزور البلد و بتشوف هل مناظر بعينك و ما يكون هل شي بالأحلام ..على كل حال تكملة الصور مافي حتى تعرف تاخد راحتك و تقول عني انانية ...
جورية الأمورة حكيك صح 100% هل جسر هو الفاصل ...... و عمي بسام خلص ما تزعل ما بقلك بعد هلق غير عمو هههههه مو انت ما طبقت ال 20 و انا بعدني ما طبقت ال 3 سنين ...الله يخليلك وسيم

شو هل إنجاز الحلو يا مهند أسامينا و مطرزة كمان .......شكرااااا الك و لازم استعملهون ..... :ابن الضيعة: :وليد: :مهند: :عبير: :صبا: :وجدي: :رانيا: :ميساء: :شذى: :mai: :باسل: :حالمة: :مسافرة: :بسام: :مليكة البحر: :راما: :ناصر: :أسامة: :أبو أحمد: :زونن: :ياسر: :جورج:
بتمنالكون لكلكون زيارة لأحلى البلدان مو بس لتركيا ...أنشالله كل بلد بتحلموا فيه تشوفوه حقيقة .......

صور حلوة كتير 
شكرا أنجيلا مع أنو انجلطت لحتى ظهرو الصور لأنو عم اشتغل على مستعرض الاوبرا لأنو الاكسبلورر مدري شبو ، والفيرفوكس كمان هلكني ، والنت عالديل أب والحالة حالة الله وكيلك ، شكلي رح أعملو فرمتة للكومبيوتر بركي بصحصح شوي .
صور حلوة كتير شكر لك أختنا العزيزة