| عندك شي.. أغنية.. فيلم.. .مشهد..تخبّرنا عنه؟؟ | |
|
+8وجدي ناصر الحريري Maisaa Mohannad صبا بن الضيعة حالمة بالحرية wardjouri 12 مشترك |
|
كاتب الموضوع | رسالة |
---|
Mohannad الإدارة
مكان الإقامة : : لامكان لاوطن عدد المشاركات : 2983 تاريخ التسجيل : 27/08/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 21.06.09 20:14 | |
| أفلام الرعب بشوفها كل يوم لما بدي حمل ملف ومااابيتحمل كنت حابب شوف شو اخترتو بس يلا الدنيا إلكن والأخرة إلنا !!!!
================== الصديقة عبير ( منحكي فصحى أحسن )
أكثر فلم لا أستطيع أن أنساه هو فلم سوري رغم قلة الأفلام السورية إلا أنه خلد في ذاكرتي فمخرجه يخاطب اللاوعي الإنساني الأفلام الأجنبية ليست نحن وليست واقعنا .. أعشق الأفلام السورية رغم قلتها
فيلم ( ما يطلبه المستمعون ) للمخرج الإنساني والراقي عبد اللطيف عبد الحميد أنصحكم بمشاهدة الفلم لأنه من واقع ريفي بريء
تتمحور قصة الفلم حول شاب اسمه جمال وفتاة اسمها عزيزة أبو جمال رجل عجوز رغم فقره ولكنه يتميز عن الجميع بالمذياع الي لا يبخل على أحد بأن يستمع للأغاني من خلاله كان البرنامج الذي تجمتع القرية لتتابعه هو برنامج ما يطلبه المستمعون لن أطيل عليكم شبت الحرب بين سوريا واسرائيل فكان جمال على الجبهة وينتظر دوماً أغنية ارسلتها له حبيبته كل فترة الفيلم لم تظهر هدية حبيبته طلب جمال من قائده أن يسافر لرؤتيها فقد اشتاق لها كثيرا ً وافق قائده ولكن ظروف الحرب لم تسمح له بالسفر .. وكان من نصيبه أن يكون جندي على المدفعية اللحظة المؤثرة جداً جداً وصول جثمان الشهيد جمال إلى القرية حيث يجتمع هل القرية و حبيبته حول المذياع وصل جثمان الشهيد وبنفس الوقت تقول المذيعة من عزيزة إلى حبيبها جمال تهديه أغنية جايبلي سلام المشهد يتوجه نحو النعش وفيروز وأنتم تعلمون ما فيروز فيروز تغني
جايب لي سلام عصفور الجناين جايبلي سلام من عند الحناين
ولمن لم يشاهد الفلم .. له أن يتخيل هذا المشهد الإنساني العميق ==============
في الأغاني أغنية يا جبل البعيد لفيروز أثرت بي كثيراً وكنت أعيشها في الوقت القريب تأثرت كثيراً بأغنية الذكريات لمارسيل خليفة =========== في مقاطع الأغنيات " كانت الأيام بعمري دموع بتجري وأنت تحلالك دموعي وهي عمري " مقطع من أغنية لسا فاكر لأم كلثوم
وكثيراً ما عشت أغنيات أم كلثوم منها ها المقطع
لا عمر كاس الفراق المر يسقينا ولا يعرف الحب مطرحنا ولا يجينا وغير شموع الفرح ما تشوف ليالينا يا حبيبي يالله نعيش في عيون الليل ونقول للشمس تعالي بعد سنة .. مش قبل سنة دي ليلة حب حلوه بألف ليلة وليلة بكل العمر .. هو العمر إيه غير ليلة زي الليل" ========= ولا أنسى أغنية عدت يا يوم مولدي لفريد الأطرش ==============
وهي بيت عتابا تكرم عيونكن مشان ما تقول قلبتا نكد متل عادتي " غابت علينا الشمس واظلم علينا الليل .. حبل الوداد انقطع صاح القلب يا ويل " ييييي علينا طلعت نكد وهي غيرها
" بقر شرق بقر غرب بقر أكل بقر جاع .. يا وليفي طالت غيبتك بقى رجاع " !!
خلصت
عدل سابقا من قبل مهند في 21.06.09 20:33 عدل 1 مرات | |
|
| |
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 21.06.09 20:23 | |
| مهنّد الأخ العزيز الحسّاس..
أنت بتحبّ كل هدول..
و نحنا كلنّا منحبّك..
الحقيقة أني ما شفت هالفيلم مع أني من محبّي أفلام المخرج.. عبد الحميد..
رح أحضره أكييييييد. | |
|
| |
حالمة بالحرية فريق الأحلام
عدد المشاركات : 349 تاريخ التسجيل : 11/09/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 21.06.09 20:36 | |
| يسلمو عزيزتي صبا.... العزيز مهند: أنا من عشاق أفلام عبد اللطيف عبد الحميد أغلبها شفاف وبنفس الوقت قاس... إنها كالألماس.... وما رح خبي عليك مهند...لما حضرت فيلم مايطلبه المستمعون...هون بغرفتي...بغربتي.. بكيت كتيررررررررر...ما تتصور قديه بكيت... لما كانوا الناس حاملين النعش..وفيروز عم تغني (جايبلي سلام ...عصفور الجناين.. جايبلي سلام ...من عند الحناين) وعندك فيلم نسيم الروح ...حضرتو مرتين في السينما لما كنت بالجامعة...وبكيت ع الرومانسية الحالمة فيه... | |
|
| |
Maisaa فريق الأحلام
مكان الإقامة : : النمسا/ فيينا عدد المشاركات : 608 تاريخ التسجيل : 30/01/2009
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 0:43 | |
| يسعد صباحكن ح قول لانو بلش يوم جديد .... وبما اني ضيعت كتير من خبرتي بالأغاني فمارح اقدر اقترح كتير على حالمة الغالية للزفة ... ( ) أما عن الأفلام والأغاني فانا لا تزعلو مني كتير ياجماعة بس ماكتير بحب الأفلام العربية ... وبذاكرتي ما بحتفظ منها بفيلم فعلا أثر فيني كتير إلا فيلم واحد هو من انتاج إيراني اسمو المتبقي وكان من أجمل وأروع الأفلام اللي شفتها ... بيحكي عن قضية فلسطين ... كتير منو لقطات ... أثرت فيني ومنها لقطة اغتيال الطبيب (جمال سليمان) وزوجته (جيانا عيد) ع صوت بكاء ابنهن اللي لسة كان بيبي ... وآخر لقطة بالفيلم كانت من أروع اللقطات وهي اللي خلتني حب الممثلة سلمى المصري وتتغير نظرتي الها لما بترمي حفيدها من القطار حماية الو وبتقوم بعملية تفجير القطار .. وبيبقى البيبي ع السكة بآخر لقطة كرمز لبقاء المقاومة .... بعتذر انو اللي بذاكرتي قاسي شوي ... بس كتير عجبني الفيلم ومع اني شاهدتو من اكتر من 13 سنة الا انو ضل ببالي كمان في أفلام غربية كتير بتعجبني ... ومنها أفلام ممكن مو كتير تكون جذابة أو مشهورة لكن دايما بيجذبني من الفيلم المقولة اللي بيقدمها ... ومنها مثلا فيلم من اجاز فرنسي ترجم للألمانية بعنوان الرحلة الكبرى .. وفيو شي عن الخلاف بين الأجيال (بالمغترب طبعا) والفيلم فعلا حلو أما الأغاني فكل مابكون مشتاقة بلاقي حالي عم غني (من قبل الزمان التقينا حبيبي ... حسيت بالأمان ومن قلبك قريبة ... هيك الندر كان ابقالك ع طول ... وتضلك حبيبي) طبعا لنجوى كرم كتير بتحرك مشاعري اغنية القيصر الليلة احساسي غريب أما أغنية فيروز يامهند (ياجبل البعيد) فكتير كنت اقعد عالسطح وحدي بالبرد حتى بعز الشتا واتطلع عالجبل وغنيها من قلبي ... كانت كتير تحرك مشاعري هالاغنية .. وكتير كمان بزعلي وقلقي بردد أغنية فيروز (زعلي طول أنا وياك) لك اووووووه .... خلص ماعاد اعرف اسكت يسلمو عبير الفكرة حلوة كتير | |
|
| |
ناصر الحريري فريق الأحلام
عدد المشاركات : 322 العمر : 54 تاريخ التسجيل : 27/09/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 0:58 | |
| مشكلتي ما بعرف كيف بدي حمل الغنية المهم بحب أغنية سلم لي عليه وقولو اني ببوس عينيه
| |
|
| |
Mohannad الإدارة
مكان الإقامة : : لامكان لاوطن عدد المشاركات : 2983 تاريخ التسجيل : 27/08/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 3:37 | |
| والله فتحتلونا جروحاتنا شكرا عبير ع كلماتك حالمة نحنا مافينا نعيش إلى واقعنا وحلمنا بناء ع واقعنا ليك لليوم مافينا ما نتابع التلفزيون السوري أو نتابع المواقع الأخبارية السورية رغم شكوانا منها
يا جماعة الأغنية قادرة بلحظة مهما كنا غضبانين بلحظة تنسينا الدنيا وتنزل منا الدمعة في بعض الكلمات البسيطة يمكن تخلينا نتفاعل مع اللحن ونعيش فيها بدون ما نشعر " وعلى الله تعود بهجتنا والأفراح وقضينا العمر كلو ولف طل وولف راح " وع الميج يا بو الميج يا بو الميجانا ... يا ظريف الطول شو بحبك أنا
وشدو الهمة الهمة قوية .. مركب ينده ع البحرية .. يا بحرية هيلا هيلا .. هيلا هيلا هيلا
ويا ميسا زعلي طول أنا وياك يمكن هي أغنية بس يا ما كانت قصة وتاريخ للآلاف فيروز وأم كلثوم وفريد وديع عبد الحليم وحدو فكرة ووحدو تاريخ ووحدو أشخاص
ما بعرف شو بدي اهديكن ومافيني حمل أغنية بس بهديكن الحب كلو سمعوها وتذكرو هي هدية مني
وسمعونا مقاطع بس ما تنسو كتبوها كتابة الله يخليكن ماعم نقدر نحمل الأغانييييييييييي ولسا حالمة حاطة رابط ليوتوب دخلك هاد يوتوب شو بيشتغلللللللل | |
|
| |
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 3:55 | |
| مهند - اقتباس :
- ما بعرف شو بدي اهديكن ومافيني حمل أغنية
بس بهديكن الحب كلو سمعوها وتذكرو هي هدية مني
وسمعونا مقاطع بس ما تنسو كتبوها كتابة الله يخليكن ماعم نقدر نحمل الأغانييييييييييي ولسا حالمة حاطة رابط ليوتوب دخلك هاد يوتوب شو بيشتغلللللللل مهند..
كرمالك بس يا مدير..
رح أكتب بعض كلمات الغنيّة اللي حملتها بأول مشاركة إلي..
يا شمس يا منوّرة غيبي
وكفاية ضيّك يا ....حبيبي
و ودّي ياليالي و جيبي
ولا آلاقي زيّك يا حبيبي
حبيبي حبيبي حبيبي حبيبي
أنا اللّي ليل عمري غدر بي
أوّل ما شفته الهوى دار بي
و قلبه طار و اختار دربي
شالني ف عينيه وتغندر بي
حبيبي حبيبي حبيبي حبيبي
حبيبي سيد روحي وقلبي
سيدي أنا و سيد كلّ الناس
مهما الزمان تنقل بي
شايلاه في قلبي قمر ونّاس
في شبابي عاشقاه وف شيبي
حبيبي حبيبي حبيبي حبيبي
عدل سابقا من قبل wardjouri في 22.06.09 5:02 عدل 1 مرات | |
|
| |
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 4:40 | |
| Maisaa - اقتباس :
- أما أغنية فيروز يامهند (ياجبل البعيد) فكتير كنت اقعد عالسطح وحدي بالبرد حتى بعز الشتا واتطلع عالجبل وغنيها من قلبي ... كانت كتير تحرك مشاعري هالاغنية .. وكتير كمان بزعلي وقلقي بردد أغنية فيروز (زعلي طول أنا وياك)
لك اووووووه .... خلص ماعاد اعرف اسكت
يسلمو عبير الفكرة حلوة كتير ميسا.. نورتي بعد غياب أيتّها الرقيقة الحانية..
ليكي حياتي.. شا يفتيه لهالجبل البعيد؟؟
كلنا يؤلمنا.. وكلّ من خلفه وحشووووووووووونا..
يسعد أيامك بقرب الأحبّة.. دائماً
عدل سابقا من قبل wardjouri في 22.06.09 4:48 عدل 2 مرات | |
|
| |
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 4:46 | |
| ناصر الحريري - اقتباس :
- مشكلتي ما بعرف كيف بدي حمل الغنية
يسعد أوقاتك ناصر
على يمين و وسط الشاشة تماماً تحت المساهمات اللي عم تكرج كرج بتشوف (مركز تحميل الصور والملفات) بتضغط عليه و بتكتشف الخطوات اللي هيّة كتير سهلة ..
وعلى كلّ حال أغنية فيروز التي شاركتنا بها (سلم لي عليه) راااااااااائعة. | |
|
| |
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 4:59 | |
| "مهند" - اقتباس :
- والله فتحتلونا جروحاتنا
سلامة قلبك خيّي مهند..
ليك رح نغيّر المود شوية..
بقلك أكتر مرّة ضحكت بحياتي على مسرحية؟؟
كانت أوّل مرة بشوف مسرحية الزعيم لعادل إمام..
كان بابا نايم ونحنا عم نحضر المسرحية ميتين من الضحك.. وكلّ شوية يقلنا من غرفته: خلونا نناااااااام ونحنا يفور علينا الضحك وما تركناه يعرف ينام..
هلأ بظن أنه السبب بهالعاصفة من الضحك هو جمعتنا أنا و أخواتي مع بعض و كأنه القصة صارت بالعدوى.. لأني هلأ لمّا بشوف المسرحية ما بتضحكني هيك.
بس عنجد الضحك اللي من القلب بينضّف النفس و الرئتين و بيشرح الصدر.. | |
|
| |
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 5:04 | |
| صحيح على قولة مهند ليش قلبناها نكد؟؟
طبعاً متل العادة هو اللي بيبلش بالجروح والدموع و بعدين بيقول:
فتحتولنا جروحاتنا!! | |
|
| |
وجدي فريق الأحلام
عدد المشاركات : 1248 العمر : 38 تاريخ التسجيل : 22/11/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 16:06 | |
| فكرة حلوة ياعبير وصبا بحفلة عيد ميلادها قالت بتحب غنية الزينة لبست خلخالا هي هدية الها ولكم جميعاالزينة لبست خلخالا كلمات توفيق بركات ـ الحان جورج يزبك ـ غناء سمير يزبك
الزينة لبست خلخالا وصارت تتباهى بحالا كل ما تتلاقى بخيَّال تقوله يا خيَّال نزال الفرس بدها خيَّالا
وقفت بالساحة تتغندر تلعب بالسيف وتتمختر وقلب الخيَّالة بتمرمر وهي عمبتلوِّح بِشالا الفرس بدها خيَّالا
مشيتها مشية غزالة لفتتها لفتة خيَّالة وعجبينها القمر بيلالي سبحان الخالق جمالا الفرس بدها خيَّالا
والسحر مخبَّا بعينيها والقمر بِغار عليها والشمس بتبرم حواليها مخجولة توقف قبالا الفرس بدها خيَّالا
وكل ما تتلاقى بخيَّال تقوله يا خيَّال نزال الفرس بدها خيَّالا | |
|
| |
وجدي فريق الأحلام
عدد المشاركات : 1248 العمر : 38 تاريخ التسجيل : 22/11/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 16:12 | |
| حالمة انا عندي اغاني اعراس كتير رح دورلك على النت اذا مالقيت رح نزلك ياهم من السيدي شو قلتي اغاني مخصصة لزفة العروس انشالة نفرح فيكي باقرب وقت انت وباقي الصبايا | |
|
| |
حالمة بالحرية فريق الأحلام
عدد المشاركات : 349 تاريخ التسجيل : 11/09/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 19:18 | |
| كلك ذوق ولطف ياوجدي... أيمتى بدنا نفرح فيك ونعملك حفلة مطنطنة بالمنتدى...؟؟ وبالنسبة لأغاني الزفة والعرس: ياريت تكتبلي عنوان الأغاني وأسماء المغنيين وبكون إلك من الشاكرين... | |
|
| |
وجدي فريق الأحلام
عدد المشاركات : 1248 العمر : 38 تاريخ التسجيل : 22/11/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 23:12 | |
| | |
|
| |
وجدي فريق الأحلام
عدد المشاركات : 1248 العمر : 38 تاريخ التسجيل : 22/11/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 23:35 | |
| | |
|
| |
وجدي فريق الأحلام
عدد المشاركات : 1248 العمر : 38 تاريخ التسجيل : 22/11/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 22.06.09 23:46 | |
| | |
|
| |
رانيا فريق الأحلام
عدد المشاركات : 1264 العمر : 41 تاريخ التسجيل : 08/11/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 23.06.09 1:01 | |
| يا جماعة كل شي قلتوه حلو لكن لاول رقصة للعروس و العريس انا كتيييييييييييييييييير بحب غنية لماجدة الرومي اسمها حبيبي
ليلي عيشني حبك ليلي سمعني قلبك ليلي انساني ع ايديك و شمسي تشرق من عينيك عندي بتساوي هالكون يا كل الكون ... حبيبييييييييييييي شو معنى هالحياة .... حلم ومارق ساعااااااااات الباقي من عمري اهديييييييييييك و عمري لحظة بتناديك مبارح و باقي لليوم .. و لاخر يوم حبيبي انا الللي منك و انت مني .. لا لا ما تبعد عني انت انا .. روحي انا ... انت اللي ساكني .. انت اللي عارف اني .. الك وحدك بغني شو مشتاقة حبيبي قول كلمة يااااااااااااااا حبيبي و احكي للدنيي انا حبي انك الي و الك قلبي الك من قبل ما كان ... و من بعد الزمان .. هالقلب العشقان شو بيقللك كماااااااااااااااااااااااان http://www.4shared.com/file/110007415/fc9be166/___online.html?s=1
و الها تتمة حلوة كتيييييييييييييييييييييييييير و رقصة سلو و لا احلى
| |
|
| |
بسام البني فريق الأحلام
مكان الإقامة : : موسكو عدد المشاركات : 298 العمر : 57 تاريخ التسجيل : 10/05/2009
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 23.06.09 1:40 | |
| لك شو قصتكم انتو اليوم ..؟؟ عرس وفقش ورقص ونحنا مو عرفانين شي .. خيتو حالمة انا بقترح غنية ترقصي سلو مع العريس على غنية ملحم بركات حبيتك وبحبك تيبطل الموج يركض ورا الموج وتخلص الطرقات.. وانشالله الف مبروك.. وشكراً عبير عالموضوع اللذيذ.. | |
|
| |
بسام البني فريق الأحلام
مكان الإقامة : : موسكو عدد المشاركات : 298 العمر : 57 تاريخ التسجيل : 10/05/2009
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 23.06.09 1:45 | |
| أنا جاي على بالي غنية من فيلم نساء للشتاء .. رفيق سبيعي ابو صياح الغنية : مو شغلتنا هي سيدي نعشق ونحب.. وما صدقنا بقا سيدي لوقعنا طب.. وما صدقنا لطبينا وعالحديدة صفينا.. وعا بلدنا عم نرجع بالأوتو صطب .. فكرنا الشغلة سهلة مالا سئلة عم نتسلى عم نعشق شو هالشغلة... طلع الحب بها الأيام بدو عملة .. وماصدقنا لطبينا وعالحديدة صفينا وعا بلدنا عم نرجع بالأوتو صطب ... حدا يلاقيلنا ياها ياجماعة .. | |
|
| |
وليد ...
عدد المشاركات : 1452 تاريخ التسجيل : 08/09/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 23.06.09 9:10 | |
| و أنا سأضيف شيئاً.... من ذاتي.... من ذاكرتي الدمشقية القديمة.... مهداة للجميع.... خصوصاً حالمة..... حالمة مبروك سلفاً.... محبة... | |
|
| |
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 23.06.09 14:34 | |
| وجدي..
أنا سرقت غنيّة (تمايلي) لنديم محسن..
كنت مضيعتها من عندي..
كتيييييييير بحب موسيقاه..
بس على هالحالة لازم نجيب فرقة (كركلاّ ) حتى ترقص بعرس حالمة..
يسلمواااااااا إيديك على هالغنيّة.. جدّاً بحبّها. | |
|
| |
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 23.06.09 14:35 | |
| رنّوش..
برأيي الغنية كتير حلوة .. وإنشالله قريباً بتختاري الأغاني لفرحتك..
يسعد أوقاتك. | |
|
| |
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 23.06.09 14:40 | |
| بسام..
أهلين و الله..
يعني نحنا صرعنا الدنيا أغاني لحتى تسمعوا و تتفضلوا تشاركوا..
بس أنت بروسيا ما سمعت.. متلجين أدنيك من البرد..
لمّا قرّبت على بيت الأحلام والدفا.. وصفيّت السيارة عاليمين.. داااااب التلج و بان المرج.. وسمعت الأغاني..
عقبى لما بتفرح بوسيم ياااارب.. | |
|
| |
wardjouri فريق الأحلام
مكان الإقامة : : فرنسا / ليون عدد المشاركات : 1633 تاريخ التسجيل : 29/08/2008
| موضوع: رد: عندك شي.. أغنية.. فيلم.. .مشهد..تخبّرنا عنه؟؟ 23.06.09 14:45 | |
| وليد..
هالمقطع من فيلم الحدود بيذكرني بطفولتي..
فيلم الحدود تمّ تصويره بضيعتنا .. بعيد عن بيتنا شي 500 متر..
لمّا حضرنا الفيلم كان جهاز الفيديو الوحيد بالضيعة موجود عند بيت جدّي..
عنجدّ رجعت لي ذكريات حلوة..
يسعد أوقاتك.. | |
|
| |
| عندك شي.. أغنية.. فيلم.. .مشهد..تخبّرنا عنه؟؟ | |
|