معلومات عامة : ما هو المكرو: هو وسيلة نقل تستخدم في الشوارع السورية بكثرة حيث تتكون هذه الوسيلة من علبة اسطوانية او شبه اسطوانية و من ثلاث أبواب اثنان طبيعيان وباب ثالث فضائي و هو باب الزبائن أي (المفعول بهم) و أربعة دواليب تقاد من قبل أشخاص غالبا ما تكون نسبة الـ IQ لديهم دون الصفر!! سنتحدث عن المكرو:
1-الباب الفضائي (باب الزبائن) حيث إن تقنية إغلاق الباب هي الكرج عن طريق الدفش من قبل الزبون أو استخدام نظرية القوه النابذة من قبل الشوفير ((عن طريق ضرب فرام)) ولكن هذه التقنية قد تودي إلى بعض الإصابات, كما انه من الممكن أن يقوم الزبون بخبط الباب بقوة إذا انزعج من الشوفير إما من غباء الأغنية التي يضعها الشوفير أو لأنه وقف للزبون في غير المكان الذي أراده الراكب
2-المحاسبة وهي دفع الأجرة للشوفير إيصال المال للشوفير عن طريق إعطاء المال للراكب الجالس أمامك فالذي أمامه إلى أن تصل للشوفير (العلاقة المتعدية في الرياضيات) وتعود الكمالة اليك بنفس التقنية ,غالبا تتم عملية صرف النقود بين المكرو وسيلة نقل اخرى يحتاج لمزامنة حيث يسير الاثنان بنفس السرعة وتتم عملية صرف القطع النقدية بالاستعانة بركاب المقعد الأول إن وجدوا,, كما أن الرجل الجالس خلف الشفير ممكن أن يستخدم كمحاسب يقوم بحساب المال وبكشف المتهربين من الدفع ..!
3-كيف اركب المكرو !!؟ في الأوضاع العادية: عن طريق التأشير بالإصبع أو باليد، إذا لم يكن يوجد أماكن في المكرو سيرد عليك الشوفير بأصابعه الخمسة وتعني (لا يوجد أماكن.! هل تريد الصعود على الواقف؟) ويتقرر بفترة لا تزيد عن ثانية و يا بتحلقلو او بتوافق ((ولكن انتبه من أن تكسر مخك أنت وصاعد على المكرو بسبب انخفاض فتحة الباب)) قي أوقات الازدحام: عندما يصل المكرو قم بتدفيش كل من حولك حتى من لايوحون بأنهم يريدون الصعود ((حيث أنها قد تكون خطة استراتيجية هاها بس مو عليك)) و قم بفتح الباب و اصعد قبل أن ينزل الزبائن من داخل المكرو ((هذه هي الطريقة الوحيدة للصعود إلى المكرو أوقات الزحام)) و طبعا تعتمد هذه الطريقة على لياقتك البدنية بشكل كبير.
4-كيف انزل من المكرو !!؟ حيث تبدأ بالعياط للشفير ((وقف يا معلم..ياحبيب..يادب..)) حسب درجة انطراب الشوفير بأغاني الكراجات وكل ما ارتفعت الوتيرة كل ما كانت نسبة استماع الشفير إليك اكبر ..! :] اما اذا كنت من الجنس اللطيف و كان كتير صوتك ناعم فلاتخافي لأن جميع ركاب المكرو من الرجال سيصرخون معك نزلاااااا !!!!
بن الضيعة فريق الأحلام
عدد المشاركات : 2627 تاريخ التسجيل : 24/09/2008
موضوع: رد: الميكرو باص 02.08.09 19:15
يسعد مساكي صبا والله معلومات رائعة وكتير مهمة
وخاصة يلي متلي ما عندو تجربة سابقة ...
بس مرة وحدة قلت بدي جرب ... هي من شي سنة
ولعنت هديك الساعة يلي فكرت جرب فيا .... اي كرهت عمري ...
وابني صار يضحك علي ...
يسلمو يا بحر على قولة وليد بلكي بيطل ... من مبدأ أبن الحلال عند ذكوا بيبان
مساكي ياسمين
م.باسل فريق الأحلام
مكان الإقامة : : سوريا عدد المشاركات : 453 العمر : 49 تاريخ التسجيل : 01/02/2009
موضوع: رد: الميكرو باص 02.08.09 19:30
سلامات معلومات قيمة حابب قول انه في احدى محافظاتنا الغالية لايتم الدفع بالطريقة المذكورة اعلاه واذا حاولت ذلك ياتيك الرد عم اشتغل عند يلي خلفوك ؟؟؟؟؟ او؟؟؟؟؟؟؟؟ يمكن عرفتيها صبا؟ على فكرة الراكب مجرد خمس اوعشر ليرات بنظر السائق تختلف القميمة حسب الاجرة شكرا صبا
حالمة بالحرية فريق الأحلام
عدد المشاركات : 349 تاريخ التسجيل : 11/09/2008
موضوع: رد: الميكرو باص 02.08.09 20:56
والله يا صبا موتيني من الضحك...
الوصف بيجنن ....والمعلومات قيمة؟؟!
يسلموووووووووووووووووووو
صبا فريق الأحلام
عدد المشاركات : 817 تاريخ التسجيل : 31/08/2008
موضوع: رد: الميكرو باص 02.08.09 23:46
يسعد مساك ابو جورج اكيد ما بقى بنصحك تعيدها ما بتستحق المغامرة وع سيرة وليد بيضل مخطوف مابعرف ليش بيضلو بيخطفوه هالجنيات
يسعد مساك باسل..اي والله بعرفها انا اللي بعرفها هون ما حدا بيسترجي بيعطي للراكب اللي قبله الاجرة كان بيصير فيها قطع رقاب ومسائل تمس بشرف النفس
يسعد مساكي حالمة ان شا الله بتضلي دائما ضحكانة اي انا قصدا حطيتها منشان ضحكك
على كل حال اجازة وليد قربت ... ونحنا بكرا بس يجي على سوريا رح نخطفوا ....
ونخلي عنا ... بس ما تقولي لحدا حتى ما تنكشف خطتنا
منخطفوا بالمكرو باص ....
BEAUTY SOUL فريق الأحلام
عدد المشاركات : 1310 تاريخ التسجيل : 08/10/2008
موضوع: رد: الميكرو باص 03.08.09 9:09
يسعدلي صباحك خيتي صبا ..فرطتيني من الضحك و ذكرتيني ايام هديك السة لما كنت انزل أحيانا من المعهد بالميكرو ...اش كانت ايام و قديش كنا نضحك ..و هي ما عدا يللي احيانا بتفطسي من الريحة و خاصة بالشوب الريحة بتكون روعة ...و ما تنسي ي منهون بكونوا من الضيع بيطلعوا هنن و اولادهون ال 15 و بيقعدوا فوق بعض و اذا بتشوفي فرخ من هل افراخ صار تحت اجريكي ......يسعدلي صباحك الحلو خيت
mai فريق الأحلام
مكان الإقامة : : سوريا عدد المشاركات : 1861 العمر : 45 تاريخ التسجيل : 28/11/2008
موضوع: رد: الميكرو باص 03.08.09 12:00
صبا طققتيني من الضحك بجد انتي رائعة يعني منين بتخطر ببالك هالأفكار تسلميلي يا غالية على هالمعلومات النادرة
بسام البني فريق الأحلام
مكان الإقامة : : موسكو عدد المشاركات : 298 العمر : 57 تاريخ التسجيل : 10/05/2009
موضوع: رد: الميكرو باص 03.08.09 21:08
يعني رغم أنو من زمان ماركبت مكرو ورغم انو هون بروسيا كمان في مكرو وفي نفس المشاكل ونفس القصص، بس كمان نادر ما اركب، بس والله يا صبى ضحكتيني من كل قلبي وأستطيع أن أضيف أن الرجل البدين قد يأخذ محل إثنين في وقت واحد أو أنه قد يقع على حضن حدا إذا الشوفير ضرب فرام في الوقت الذي لهم فيه الزبون بالجلوس..ههههههه. شكراً صبا لقد ضحكت من اعماق قلبي ..
صبا فريق الأحلام
عدد المشاركات : 817 تاريخ التسجيل : 31/08/2008
موضوع: رد: الميكرو باص 04.08.09 13:08
يسعدلي صباحك بيوتي الاميرة...انتي ماشي ماثر فيكي الا الروائح الذكية ..بعرف بعرف لا تحلفي
مي العزيزة وصلني الايميل وضحكني كتير لهيك حبيت شارككم فيه
بسام سعيدة لانه المساهمة رسمت الضحكة على وجوهكم... انا بزمان كان يصير معي فصول بتموت من الضحك كتير بايام الباصات.. على فكرة انا بعد ما اجو الباصات الجديدة صرت بحب اطلع بالباص مريح ودور بالمدينة ..لاني احيانا بحب الزحمة وبحب امشي باماكن مزدحمة ..لانه شي بيعطيني شعور حلو حول الحياة
ثبت الجنان فريق الأحلام
عدد المشاركات : 60 تاريخ التسجيل : 01/10/2008
موضوع: رد: الميكرو باص 05.08.09 13:47
بتذكر أول ما نزلت الميكرويات بأول التسعينات سمهوها الناس جرادين بقى اذا واحد ركب ميكرو كان يقول لرفيقو والله ركبنا بالجردون أسرع من الباص وهذا كان تمييزاً عن باصات النقل الداخلي القديمة اللي كانت تشحط حالها شحط بالشوارع وبتلاقي الباص مايل بما يزيد عن 30 درجة نحو إحدى الجهتين بسبب اختلال الدوزان ( المقصات مكسورة ) وأحياناً بعلق غيار السرعة مع الشوفير بتقوم علية السرعة بتطالع صوت على كيفك
أما الميكرويات هلأ فأكتر شي بثير الضحك والسخرية بعد كل شي ذكرتيه يا صبا هو انو الشوفير بكون عم يمثل عالشرطة وضعه لحزام الامان بكون حاطه بحضنو حط ومو رابطه
أما أكتر شي بغيظني هو أنو لما بدي وقف ميكرو بيشتغلو معي بالضد لما بوقف قبل الموقف بكم متر بروح بيشحط لبعد الموقف بعشر متار ولما بوقف بعد الموقف بوقف قبل بعشر متار واذا وقفت عالموقف تمام يا بيشحط عشرة لقدام او عشرة لورا ولما بكون مضطر انو اركب معو بكون صاحبنا بطران وما بوقف مع انو معو محل ولما ما بكون بدي اركب بلاقيه بوشي وعم يزمرلي