( حزورة ) من يشرح المعنى وله جائزة ؟؟!

اشرح التالي شرحاً وافياً

عينان عينان في كل عين من العينين نونان
نونان نونان في كل نون من النونين عينان

يستثنى من المسابقة الأستاذ أسامة حمود ( لأنو شاعر ومخضرم باللغة بقى الله يرضى عليك أستاذي انت ما دخلك ) وكذلك تستثنى ورد جوري ( بعرفك بتعشقي اللغة )
طبعاً جائزة الرابح بياخدها من عند المدير الاستاذ مهند
أنا ما دخلني
ملاحظة : تقدير الجائزة أيضاً يعود للأستاذ مهند
كماااااااااان ما دخلني

ع+ن+ع+ن=عنعن
ن+ع+ن+ع=نعنع
خلص مافي داعي تقللي صح انا بعرف النتبجة خيو ............... بكرا بكون فايقة و رايقة و يمكن اقدر فكر أحسن ..عأساس إذا فكرت رح يطلع معي شي ..

خيي ثبت طالما الجائزة عندي فالجائزة هي جلي كل الجليات لموجودة بمطبخ المنتدى
ورح نقسم الجائزة بين بيوتي ومي
وألف مبرووووك
طبعاً بيوتي حاولت تجاوب لهيك رح تكون حصتها من الجائزة أكبر
تتهني بيوتيييي

يسعد أوقاتك ثبت أنا عن نفسي مافيي جاوب بتعرف مشاغلي كتيرة بالمنصب وتواقيع وأتصالات وأجتماعات
رح خلي السكرتيرة تجاوب !
بس أنا ماعندي سكرتيرة ! إذن مااارح جاوب

ههههههههههههههههههه لعمي في عيون عيون هل جائزة ..أصلا انا عرفانة أنه لا حاولت ولا بطيخ و لا قربت عالجواب ..لذلك السكرتيرة يللي رح تتعين عند مهند هي يللي بتتكفل بالموضوع طالما الأخ عأساس عرفان الجواب ..و انت كمان يا خينا ثبت الجنان حطلنا الجواب لنشوف بس حطه بزاوية بعدية عن أعين مهند حتى أشوف شطارته للأخ

يا حيف عليكن
لك شبكن ما حدا عرف الجواب
بعدين وين الشعب ؟؟ وين الربع ما حدا خارط مشطو الحزورة ؟؟!!
يعني معليشي استعينو بصديق من ورا ضهري مو مشكلة
حتى لو استعنتو بورد جوري أو أسامة حمود
حالمة بالحرية بعرفها قوية بالعربية خلصونا دبروها ولاقو الجواب شه
يعني مو حلوة علي الجيرة تخنتوها
على فكرة اللي بيجلي الجليات في ألو نجاصة أو تفاحة أو خوخة أو كمشة كرز هدول برانيات يعني

طبعاً أكيد مارح ننسى جائزة يلي بيطرح أسئلة
وبحض الجمممهور على التفكير
وجائزتو محرزة وهي شطف درج المنتدى لمدة اسبوع كااامل
واهلا وسهلا بالشباب الأوادم

الله حيو مهند ..جائزة يللي بعيفنا نفكر جد محرزة..يعني انت اتقصدت هيك تحط الجائزة حتى ما حدا يقرب لهل شغلة ........... على كل حال انا عرفانة الجواب بس ما بقوله عيب لانه ..طالما مديري و هاد كبيرنا عرف و سكتيرته يللي رح تجاوب بدلا عنه ..فنحن الشعب منسكت ..هههههههههههههه يالله يا مدير ابعتلنا السكرتيرة و خلصنا

أمري لله

الظاهر ما حدا خرطت مشطو هالحزورة

عمي خدو هي الجواب ودبروا راسكن بجلي الجليات جميعا

أول شي

كلمة النون في اللغة العربية تعني الحوت

شرح الأبيات هو التالي

عينان عينان أي عينا ماء ( يعني نهر مي )

في كل عين من العينين نونان أي في كل عين ماء منهما حوتان ( الحوت اسم للسمكة الصغيرة أو الكبيرة )


نونان نونان أي حوتان حوتان ( طبعاً تكرار الكلمة للتوكيد )
في كل نون من النونين عينان أي لكل حوت ( او سمكة ) من الحوتين عينان مبصرتان


سلام عليكن
اج كان شي شوفو مهند بركدن بيعطيكن شي شغلة عقوبة الكن لأنكن ما عرفتو الجواب

بيوتي سول درملي عالمطبخ ساوي الجليات وعملي تبولة

مي مسكي هالمساحة واشطفي الدرج

عمي مهند هات سحارة الخوخ لهون بدي آكلن كلن لأني أنا اللي جاوبت

ايوااااااااااااااااا.قلتلي حوتان و نهران و عينان ...هلق خرطت مشطي .........ه8و صحي أنه أنا كنت بعرف الجواب بس يعني قلت بتركه لمهند هو يجاوب احتراما يعني ..هيك عأساس .....انه هو مو أخي الكبير فعيب عيب عيب ما اتركله كجال ليبرز حاله و يجاوب ... يالله معليش خيرها بغريها ...[س خيي ثبت عنجد حلوة ......... كثر من هدول