إغلاق المنتدى عن الزوار ( استفتاء )

في خطوة تجريبية قمنا بإغلاق المنتدى عن الزوار
وذلك لنتجسد شعار المنتدى بأنه خاص بالأصدقاء وأصدقائهم والأسماء المعروفة دون غيرها
ماعدا الأسماء التي تثبت مصداقيتها وصداقتها
وخاصة أن لقانا هنا لا يساير ماتقوم به المنتديات فهو ملتقى وليس منتدى بالمعنى العام

منذ إنشاء المنتدى كان الهدف منه صناعة الخصوصية لصداقات تلتقي معاً
تتبادل الحديث والثقافة والطرفة والمقالب .. تشكي تأن تبكي وتضحك
كان لهذا البيت روحانية عالية لم يشعر بها إلا من عاشها قد تكون تحولت هذه
الروحانية إلى مذكّرات ! لم نتوقع أن يكون الواقع أقوى منا ويغيبنا عن
روحانيتنا ويعمل جاهداً على القضاء عليها

وحفاظاً على بعض ما تبقى من خصوصية المنتدى ودفئه سنكون أمام مرحلة
تجريبية أن يغلق ( باب الحارة ! ) ويبقى التسجيل في المنتدى مفتوح لمن
أراد أن يدخل عالمنا البسيط

وهذه الخيارات الموجودة في الأعلى قد ترسم خطة جديدة لهذا البيت
وللملاحظة فقط : بعد إغلاق المنتدى عن الزوار فلن تصل محركات البحث مثل غوغل إلى مواضيع المنتدى
وربما هذا الأمر لن يؤثر كثيراً طالما أننا لانريد عابرو طريق !


أتمنى رؤيتكم
وشكراً لكم

تذكير وتنويه : الرجاء إعادة تحميل صوركم الشخصية في بيانتكم فقد فقدت عن طريق الخطأ أثناء الصيانة

انا كمان ايدت عبير بالاختيار ... يا عيني عالديمقراطية ... بس ما عرفنا يامدير بعد انتهاء التصويت شو ح توزعوا علينا؟؟؟!!! كل شي ولا تقلي كاسيتات وفيق حبيب وما بعرف !!!!!!!

انا رأيي مثل رأي عبير يعني نحن عنا اقسامنا المخفية عن الزوار و هون منفش خلقنا دوما و منعيط و منزعبط و ما حدا بشوف هل شي غير اهل البيت
و انا اخترت الثاني

يا جماعة يا رفقاتي يا حلوين
معظمكن صوت ع الخيار التاني ويمكن ما قريتوه منيييح

اقتباس :

أجد أن تبقى صفحات المنتدى معروضة على الزوار على أن لا يتمكنوا من رؤية المحتوى والردود

رح اشرحو بالتفصيل شو بدي أعمل طلابي بالمدرسة وبالمنتدى كسااالى

هاد بيعني أنو الزائر قادر فقط يشوف العنواوين وآخر المواضيع دون القدرة على رؤية ما النص والردود
يعني مافيه يشوف أو الردود إلا إذا سجل بالمنتدى

مثال : زائرشاف قصيدة غزل ببنت الضيعة من ابن الضيعة وشاف العنوان بقسم الشعر .. قولو اي !
إذا فكر الأستا الزائر يشوف النص رح تطلعلو رسالة أنو لايمكلك صلاحياة الرؤية إلا في حال سجل بالمنتدى

طيب شو النفع من هالخيار ؟
هالخيار الفائدة منو مقدرة محرك البحث غوغل على الوصول إلى المنتدى لأنو بحالة الإخفاء الكلي للأقسام غوغل ماقادر يشوف المنتدى

مع إني شخصياً بحب هالخيار يعني بيعرض صورة المنتدى دون مقدرة الزائر على التصفح والتنقل ورؤية الردود

يعني بالنهاية شو بدو يشوف الزائر دخلكن .. المواضيع موجودة بكل المنتديات
حتى أقلام وكتابات الأعضاء عم تتكرر بأكتر من منتدى بقى وين الخصوصية !!
شفتو بغار أنا !!!

ومشان الجائزة يا ميسا جائزة كل عضو هو أني أظهرو لما بيدخل مخفي !! وقلو ياشمس يا منورة لا تغيبي

ومشان الخصوصية خيي أبو جورج ومشان وينن .. شكلو ختيرنا يا خيييييي ولو مافي نسوان كنت حكيت كلمة كبيييييييييييييرة

وبيوتي يا خيتي والله شكلك ما فهمتي شيييييييييييييييييييييييي
وعم تقلدي عبير وميسا ولووووووووو أنت الوحيدة يلي بعدك صغيرة ودلوعة بالمنتدى حقك تقولي متل ماقالووووو

ومشان أنو فرطت من النعس وهلق إجيت من الدوام وبعد ساعة عندي رحلة طويلة مع يوم شاق من الشغل حتى نص الليل متل كل يوم
بحب قلكن متل ماقال ابن الضيعة
ولك آآآآآآآخ شو نعساااان

تكرم عينكن رح نختار التاني وإذا غيرتو رأيكن خبروني
برجع بذكر الزائر قادر يشوف العناوين ولكن غير قادر يشوف المحتوى
إلا إذا سجل بالمنتدى

يسعد أوقاتكن ويا أهلين بالصديق الغالي وليد
معقول ما آخد برأي المشرف العام .. مشان الديمقراطية !!

بكرة بقولو عاملين عصابة أنا وأنت

اليوم السهرة رح يعرض المنتدى للزوار ورح يشوفو العناوين وآخر المواضيع

طبعاً ما عدا الأقسام الخاصة يلي نحنا متفقين أنها ما تظهر للكل

لك ليش التسميع يا حضرة المدير ليشششششششششششششششششششش؟؟؟؟؟؟؟؟؟؟؟؟؟؟؟

آي ياراسي ...

هلأ اذا هي هية الجائزة فأنا رح خليني على كاسيتات وفيق ولا شو اسمو حبيب ولا مدري شو

ايه المدير بدون مكدوس ماعم يجمع كاتب الشرح نص نايم

ع كل أنا اخترت الخيار التاني لاني فهمتو هيك تماما ... ولقيت هالشي يمكن يشجع الزوار عالتسجيل أكتر من انو ما يشوفو شي ... لا تقولو ايه ... مو مشان شي بس انا مالي مديرة هادا أولا وتانيا بحب الرفض أكتر معارضة يعني
الحمد لله ع السلامة وليد وبتمنى تكون رحلتك لسوريا هدت شوي من نار الحنين للحبيبة دمشق

يسعد اوقاتكن كلكن

ولييييييييييييييييييييييييييي مين قال عنك ما فهمتي يا ميسااااااا
بس أنا عم افهمن موووو أكتر
الله وكيلك طلابي بالمدرسة بقولو يا استاذ والله فهمنا الفقرة
بس أنا ما بعرف ليش ما بصدق حتى أتأكد مليون بالمية
ودائماً الشك وظن السوء براسي
وهااااد سر نجاحيييي بالعمل وفشلي بالحياااااااااة

اهه ... قلي عقلي يعني ... معقولة ارجع اقعد ع مقاعد الطلاب واسمع شرح مفصل يفوت من ادن يطلع من التانية

ولي ع حظي ... ليش التشاؤم؟؟؟؟!!!

مين عم يحكي عن الفشل بالحياة هاد .... ممنوووووووووووووع اليأس

مرحبا
وانا بختار الخيار التاني
يسعد مسكم جميعا

والله يا ميسا مو قضية يأس بس شوية هسترة آخر اليوم
يعني بعيش شي 15 ساعة باليوم أحاديث وأفعال بمنتهى الرسمية إن كان مع الزملاء أو الطلاب
بحس آخر اليوم شوية هسترة منيحة بتريح القلب والفكر

آآآخ شو عم توجعني أفكاري
يعني الله خلقني ذكي وعبقري وهااد سبب عذابيييي

==========

ويا صبا أنت مواطن من الدرجة العاشرة ما بحقلك تصوتي وصوتك غير مسموع عند فريق السلطة لأنو غضبااااااننييننن عليكي

يا سلااااااااااام عالتواضع ... يا هيك المدرا يا أما بلا

اقتباس :

مرحبا
وانا بختار الخيار التاني
يسعد مسكم جميعا

مافينا نكسر كلمة المشرف العام وخاصة الموضوع صار فيه مكدوسات بالزيت الأصلي
يلا صبا سماح
مين سماح ؟

هلق المهم أنا في شغلة ماعم افهمها ليش أنا اعتبرت صبا مغضوب عليها !!
صبا خبرينا شو عاملة وليش مبارح كان مغضوب عليكي ؟

خيي وليد وينها صبا وليش شايفة حالها علينا وماعم نشوفها إلا بموسم الحصاد !
؟

مية أوراق ثبوتية متل هالأوراق لعيونك وليد...
ولو...هلق بعد شوي بس نزلت ثلجة كبيرة عندك وغطت الشباك
بتوصلك شحنة الفستق واللوز والجوز)
ومعهم كم كيلو رمان لفّان..
بما انو هلق أيام الرمان وأيامي معو

أما الشعر ..كل ما إجا الخريف و نزلت مطرة هون بيهل قمر الشعر
نوّرت مدينة الثلج
وحزنت مدينة الشمس والدفا

في اجتماع سري للغاية مع المشرف العام
المكان : في غياهب التاريخ تحت مظلة المستقبل !
الزمان : مبارح من بعد منتتصف الطريق جانب بيت أبو جابر !

وبناءً على توصيات المشرف العام والإقتراحات والتداولات وتأجيل الجلسات وتمرير المؤامرات !
قررنا ما يلي

1 - عودة اظهار المنتدى للزوار ماعدا الأقسام التي كتب تحتها عبارة خاص للأعضاء ( صباح الخير - دفتر مذكرات )
2 - السبب الرئيسي هو هجمة غير معقولة من تسجيل الأعضاء وبيعضها بأسماء لاتتناسب مع منتدانا وجميع هذه الأسماء موجودة في لوحة الإدارة لاتظهر لكم
وبعضها لم يضع بريد إلكتروني صحيح فتعذر علينا استقباله

أصدقائي وبمحبتكم يستمر هذا البيت
ونحن الآن تحت قيادة الكابتن وليد
معاً سنبقى نرعى هذا البيت ونحميه ونضخ له من قلوبنا كل المحبة والصدق