شامــــيـــــــة عتيــــــــــــقة

مرة واحد كان عايش بضيعة ....

بيوم من الايام نزل عالشام و بلش يتفتل فيها

بين الاسواق والمحلات و هون و هون

وهو بالطريق فات بوحده من حارات الشام القديمة

هذا من كتر ما مشي حس بالعطش

فكر انو يد ق باب شي بيت ويطلب منهم يسقوه

بس بينو وبين حالو كان عما يفكر و يقول

والله بيحكو عن أهل الشام انو بخلا ء وأكيد ما حدا رح يسقيني

المهم بعد حوار طويل مع نفسو قرر انو يدق على واحد من البواب...

فتحتلو وحده شامية عتيقة

قلتلو خير يا أخي شو بدك جايينا بطئة الشوب

قلها الله يوفئك أنا غريب عن الشام وعطشت

ودقيت عليكم الباب وقلت بركي بتسقوني

قالتلو إي ولو مو تكرم عينك والله فاتت على البيت

وجابتلو زبدية لبن باردة

هذا أخونا ما صدق على حالو حط الزبدية على تمو

وبدي يغب بهاللبن يغب لحتى خلص اللبنات

قلها يسلمو إيديكي بس بصراحة يا إختي ما كنت متوقع انو تسقيني

قلتلو أوف ليش بقا ؟؟؟
قلها لأنو بيحكو إنو إنتو بُخلا

قلتلو ولا يهمك يا أخي. بعدين هدول اللبنات جابون جوزي من شي جمعه وسلتت فيهم فارة قلت لحالي حرام--- منسقيك ياهن أحسن ما نكبهن

هدا لما سمع هيك انفلج ورمى الزبدية عالارض

قلتلو ولييييييييي عليك شو ما فيك خير

فوق ما سئيناك لبن

بتكسر النونية تبع الولد ؟!؟!؟!؟!؟!؟

ههههههههههههههههههههههههههههههههههههه

اي شو كرم .... ولا حاتم الطائي .... هدول شوام ويلي ما بيعرف الشوام مصيبة

عتيقة ......

شكرا زونين

بجد حبابة وكريمة ليس عم تتمسخرو؟؟؟؟؟؟
مو حاج كسر نونية الصبي
هههههههههههههههههههههه

كل تعميم خاطئ بما فيه هذا التعميم
وكل تعميم في التعميم الخاطئ فهو خاطئ أيضاً
وكل تعميم في تعميم التعميم الخاطئ هو خاطئ أيضاً
وكل تعميم ن في التعميم ن + 1 الخاطئ هو تعميم خاطئ بلا شك
بتعرفوا أنا ضعت بس مو شي بجنن ؟؟؟
عم تعطوا عالشوام مو هيك !!الله يرضى عليكن لا حدا يعكي عالشوام ايوااااااااااه

هو صح انا ما فهمت ولا كلمة من الي حكيتون بس يلا ثبت الك الله
بدك تتجملنا بما انك الشامي الوحيد بدك تتحمل و تحط جرح على الملح
اشتقنالك بعد زماننننننننننننننن