sonnenblumen
فريق الأحلام
مكان الإقامة : : طريق الاحلام
عدد المشاركات : 3526
تاريخ التسجيل : 28/08/2008
 |  موضوع: التلفون يرن.......  21.06.10 22:36 | |
|
الطفلة : الوووو
الامراة : الووو مرحبا
الطفلة : اهلين..
الامراة : وين الوالدة ؟
الطفلة : فش عنا وحدة والدة..
الامراة : له له عيب عليك... لا سمح الله الله يخليلكم اياها..
الطفلة : شو لا سمح الله ما لا سمح الله.... بقوليك فش عنا والدة....
الامراة : اه ... قديش عمرك يا شاطرة؟؟
الطفلة : وشو عرفك اني شاطرة...
الامراة : تضحك وتقول .. مبين عليك خفيفة دم..
الطفلة : انت الي خفيفة دم... اوعي تقولي عني هيك...
الامراة : مبين عليك زغيرة؟
الطفلة : انا اطول منك......
الامراة : طيب يلا اعطيني ماما...
الطفلة : ليش هي امك عنا؟؟
الامراة : خلص نادي امك...
الطفلة : فش عند امي نادي..
الامراة : الله يصبرني...
الطفلة : يصبرك مع شوك ولا بدون شوك؟
الامراة : تصرخ "
اعطيني حدا كبيرررر"
الطفلة : كبير , بالحجم ولا بالطول ولا بالعمر..
الامراة : اعطيني واحد برميل احكي معووو..
الطفلة : استغفر الله العظيم بدك تحكي مع برميل.. بس البرميل جماد..
الامراة : هسا باجي عندك.. اعطيني حدا كبير...
الطفلة : تجيش عندي لانو عندي صاحباتي بلكي لما روحو جيتي بكون
احسن...
الامراة : طيب بس لو اشوفيك لاعمل منك بطاطا..
الطفلة : بطاطا مسلوقة ولا شوي بالفرن؟
الامراة : احسنلك اسكتي لانك زعلتيني..
الطفل : مين الي زعل تيني وليش التين اصلا بزعل؟
الامراة : بكفي زودتيها عاد ..
الطفل : وين عاد الى بيته ؟
الامراة : اه الى بيته .. مبسوطة..
الطفلة : الصراحة مش مبسوطة .. في اشي مزعلني..
الامراة : خليه يزعلك بلكي فقعتي زي البالون..
الطفلة : شو لون البالون الي بلكي فقعت زيو؟؟
الامراة : تصرخ باعلى صوتها.. " وين الوالــــــدة ؟؟؟ "..
فتاخذ الام
التلفون من الطفلة ..
وتقول الووووو.. مين معي..
الامراة : ول علينا .. شو هالبنت هاي اطلعت لي قرن براسي..
الام : قرن ايش , قرن الغزال ولا قرن موز..
الامراة : زي دايما رايقة وبتحبي تمزحي .. لع اطلعتلي قرن ثور ...
الام : شو حجمه الثور؟
الامراة تغلق السماعة.. وتذهب الى بيت صديقتها.. ترن الجرس...
فتقول الام للطفلة : ارمحي شوفي مين على الباب...
تركض الطفلة نحو الباب , تجلب كرسي وتصعد عليه ثم تنظر الى اعلى الباب
وتقول فش حدا على الباب في وحدة وراه..
فتقول الام : خلص خليها ترن على الجرس قد ما بدها..
الطفلة : اي جرس؟ جرس المدرسة؟؟؟
الام : لع جرس الدار..
الطفلة : جرس دارنا هاي ولا الدار الجديدة الي بدنا نبنيها..
الام : لع جرس دار الجيران..
الطفلة : ليش في عند الجيران جرس وحول واركب على الفرس..
وعلى هالموال ..... ليل نهار
| |
|
وجدي
فريق الأحلام
عدد المشاركات : 1248
العمر : 39
تاريخ التسجيل : 22/11/2008
| | موضوع: رد: التلفون يرن....... 24.06.10 8:48 | |
| | |
|
BEAUTY SOUL
فريق الأحلام
عدد المشاركات : 1310
تاريخ التسجيل : 08/10/2008
| | موضوع: رد: التلفون يرن....... 24.06.10 10:32 | |
| الامراة : ول علينا .. شو هالبنت هاي اطلعت لي قرن براسي..
الام : قرن ايش , قرن الغزال ولا قرن موز..
هههههههههههههههههههههههههههههههههههههههههههههههههههههههههههههههههههههههههههه
حلوة كثير كثير | |
|
mai
فريق الأحلام
مكان الإقامة : : سوريا
عدد المشاركات : 1861
العمر : 46
تاريخ التسجيل : 28/11/2008
| | موضوع: رد: التلفون يرن....... 24.06.10 14:28 | |
| اي كل الولاد بهالأيام يطعلو قرون
من مختلف الأنواع والأشكال
بس اما هالبنت شوووووو
نهفة
| |
|
صمت الحياة
فريق الأحلام
مكان الإقامة : : في هالدنيا
عدد المشاركات : 106
العمر : 29
تاريخ التسجيل : 19/12/2009
| | موضوع: رد: التلفون يرن....... 01.07.10 15:59 | |
| ههههههههههههههههههههههه
حلوة والله رايئة.... | |
|
