هل إعتذار الرجل من المرأة ينقص من قدره

سؤال طالما سألته ..

وأختلفت الإجابات

وتباينت .. الأراء ..

هل إعتذار الرجل للمرأة ... ينقص من قدره ؟؟

هل يمنعه غروره من الإعتذار ؟؟

وهل يختلف الرجل الشرقي عن غيره في درجة الحساسيه لهذه الكلمه !!

وأعني هنا إعتذارالحبيب لمحبوبته ..

نحن نعلم أن المرأة بطبعها رقيقة المشاعر .. سهلةالانكسار

وأي كلمه قد تؤثر عليها .. بل قد تقتلها

تجرحها .. وتؤلمها

وقد لا تسامح من أساء إليها

ولكن عندما يقول لها الرجل ... أنا أسف .. أعذريني ياملاكي

فانها قد تنسى كل شئ .. وقد تغفر أي شئ

ولكن يبقى السؤال

مالذي يحس به الرجل عندما يعتذر !!

وهل يعتبر أن اعتذاره هو بمثابة الإهانه له !!!!

وهل يجب أن يعتذر بالكلام .. أم أن هناك أشياء اخرى تحل محل الكلمات ؟؟

زونين الملكة .... ليكي هوي بدو يعتذر ... ما في مجال ... برضاه أو موبرضاه ... يعني وين بدو يروح
بس حبيت امزح .... بس هلق حكي الجد .....

ان أعتذار الرجل من المرأة هو لدليل قاطع على قوة الشخصية ... فالقوي هو من يبادر اللى الاعتذار
الا لمن كان لديه احساس بأنه هو الرجل ورجولته تمنعه من الاتذار والتنازل وهنا يدخل مركب النقص
أو لنقل عقدة الذكورة .... وخاصة في مجتمعنا الشرقي ....
أنا بتقديري الأعتذار هو الرجولة ... ويمكن ان يكون الاعتذار بكلمة واضحة ... أي أنا آسف
أو بتصرف ينم عن الآسف ... كتقديم هدية بسيطة أو كلمة أطراء ... أو أي اسلوب ... يراه مقنعا وتقتنع به المرأة ....
شكرا يا ملكة على موضوعك الرائع

... عدد المشاركات : 1452 تاريخ التسجيل : 08/09/2008

سننبلومن.... و ابن الضيعة.... ولا يهمكون حبيباتي....

إعتذاركن مقبول.... بس لا بقا تعيدوها....

ها ها ها ....

سننبلومن .. زهرة البراري الفواحة....

شكر و تقدير...

محبة....

طيب بما أنو مساهمة أسئلة رح نجاوب
بالنسبة لعبارة رجل شرقي وغربي ما كتير بتهمني هالمفاهيم .. الرجال بتختلف حسب الطباع مالا علاقة بالمكان ..
طيب بالنسبة للمهانة
نعم إعتذار الرجل للمرأة لما الرجل بشوف أنو غلط والأدلة موجودة على غلطو أكيد مو اهانة بالعكس فخر
ولازم يعتذر بكل السبل
بس يا صديقتي ( بعرفك بدك تدافعي عن النساء )
يا سونن لما المرأة بتغلط نفس الغلط .. يمكن الرجل يسئ إلها ويغض نظر بالمرة الأولى ويعتذر بسبب أنو بتضل أنثى ومابدو يكسر بخاطرها ومابدو يخسرها..
لما بتغلط نفس الغلط وبتكرر مرة ومرتين ويمكن أكتر .. اعتذار الرجل أهانة كبيرة وذل
ما بعتقد في رجل عاقل بيقبل يكون ذليل أمام أي شخص ولو كانت حبيبتو .. الكرامة فوق الحب
المشكلة بتصير بالحب .. لما المرأة ما بتفهم شو يعني شراكة بالحياة ..
شراكة بالرأي .. حوار .. اتفاق على شيء لازم ما ينقضو هنو التنين .. كلمة وحدة .. حياة وحدة مشروع واحد ..
بكل بساطة الرجل لازم يكون مفهوم للمرأة وتتفهم شخصيتو أو تقلو ( باي باي أنت مو مناسبني حبيبي )
أما الإعتذار المتكرر على نفس الخطأ .. وخاصة الرجل بتكون ألو اسبابو يلي بوضحها مشان عدم تكرار الخطأ
بصير الأمر تحدي .. ذل .. اهانة .. مقصود .. ماحدا يقلي أنو المرأة غبية وبتغلط .. أنا بقلكن المرأة ذكية لدرجة بتحب تلعب دور الغبية لما بدها هي بس ..
أنا شخصياً بعتبر تكرار الخطأ ومنها .. وخناقي معها .. مع تكرار الإعتذار مني هو أكبر اهانة للكرامة ويلي هي أغلى ما أملك
وماحدا يقول بالحب لازم ما نحكي بالكرامة ... الكرامة إذا شلناها من ذواتنا أمام أي شيء صرنا ناس مفرغين من شخصياتنا .. وبكون هدفنا من الحب مصلحة .. أو مخطط بالذهن
بأختصار ... أفضل كرامتي على نساء الكون .. وأي مرأة في الدنيا ولو كانت ملائكة مو أغلى من كرامتي .. لما بحسها انداست .. بشكل مقصود .. لما بحس أنو كلمتي ورأيي عند يلي بحبها .. ما بتمثلا أي شيء ..
هاد رأيي .. يمكن سوننبولمن ما بتوفقيني عليه .. لأني بعرفك همك الدفاع عن المرأة
بس صدقيني كوني حيادية للحظة .. وأي مرأة بتعرف أنو الرجل ألو صفات لايمكن تتغير فيه وأهمها الرجولة والوضوح في الهدف المشترك في الحياة ومحاولة أنو يكون ممللوك الأنثى وما لكها بنفس الوقت ..
لما بتعرفو هالشي ماحدا قادر يدافع عن المرأة .. لما بتغلط .. مرة وتنتين وعشرة .. بنفس الغلط
وسامحونا ع البحتة

شكرا مهند على البحته بس رح قلك انا ما بدافع لحتي دافع
و ما بدافع عن الغلط بالنسبه الي الفلط مبين و الصح مبين
انت حكيت وجهت نظرك الي بتعرف اديش بحترما و اديش بحب اسمعا
ما فيني احكي شي انا ما قصدت الي حكيته فكرتي كانت بسيطه
لانه في رجال بيحسو اهانه بس ما اكتر

يسعد مساكم ياجماعة
أنا مارح علق على الموضوع ..لانه السؤال لازم م يجاوبوا عليه شباب المنتدى ..بس رح قول لمهند ..اياك يا مهند تصدق انه في انثى على وجه الارض ..بتتمنى تشوف الشخص اللي بتحبه ذليل ..حتى لو كان عم ينذل الها ..او كرمالها ..بس بشرط تكون بتحبه بصدق و اخلاص ..و ركزلي كتير على هالشرط ..الانثى يا صيقي بتتمنى بكل لحظه و بكل ثانيه انه المحبوب يكون مرفوع الراس ..عالي الجبين ..لانه كرامتها من كرامته ..و كرامته من كرامتها ..لانه الحب الحقيقي يا مهند بيخلي حالهم واحد ..و بالتالي كرامتهم وحده .

زونين شكرا لموضوعك
وبالنسبة للرجل فعلا الأعتذار كرامة وقت لازم الأعتذار
وبوافق مهند بكل ماقال
وفعلا
لكرامة فوق الحب

mai كتب:: زونين شكرا لموضوعك
وبالنسبة للرجل فعلا الأعتذار كرامة وقت لازم الأعتذار
وبوافق مهند بكل ماقال
وفعلا
لكرامة فوق الحب

يا مي انا سؤالي واضح انا ما عم احكي عن كل يوم اعتذار انا عم احكي لمن بيغلط
الرجل بحق المراه
ايا كرامه يا مي بين 2 بيحيو بعض و بدون يمضو عمرون مع بعض
ليش لانه رجال
برئيك ميوش ليش المراه مستعده تدعس على كل شي كرمال الي بتحبو و بتعتبر الموضوع كرامه
بصراحه ما بعرف مهند ليش كبر الموضوع و دخل كل الي حكاه انا بحترم رئيه كتير و بيهمني اكتر
بس انا ما قصدت شي يقلل من احترامن لبعض

عدل سابقا من قبل مهند في 19.02.09 1:46 عدل 2 مرات

عفواً سوننبلومن أنا ما كبرت الموضوع وبستغرب طريقة ردك عليي
يا صديقتي أنا جاوبت بنفس الموضوع من وجهة نظري الخاصة صدقيني ما طلعت برا الموضوع نهائياً سوننبولمن ما تقولي المرأة مو مستعدة .. والله المرأة ما بستلذ إلا أنها تشوف الرجل عم يمشي على كيفها
ليك سوننبلومن وشذى .. شوفو عيلتكن .. إذا كانت أسرة ناجحة راقبو منيح بتلاقي الأم خاضعة للأب والأب خاضع للأم .. الحبيب خاضع لحبيبتو والعكس
الحرية يا جماعة هي حرية التعليم العمل الثقافة النضال الإجتماعي والسياسي وغيرو .. أما الحرية بمفهوم الإنفصال عن الرجل ورأيو وعدم الخضوع لبعض الجزئيات يلي بيطليها من حبيبتو .. اسمحولي هي مو حرية هي انفصال !
سوننبلومن يا صديقتي وخيتي يلي الك فضل كبير بتعليمي وارشادي عن ضرورة احترام الرأي وكتير استفدت من تجربتك بهالموضوع .. اسمحيلي قلك أنت طرحتي الموضوع مو من حقك تحددي طيف بتكون الإجابات ... ( تقبلي رأيي بديمقراطية )
وبالنسبة لكل مرأة بتاضل في سبيل الحرية مع الحبيب أو الزوج ( عدم الخضوع للرأي )
هون اسمحولي وجه نداء لكل نساء العالم
المثقفات المناضلات العاملات الأميات ... المتخلفات الفلاحات المزارعات .. وقلن :
أمانة يا عمري أنتو إذا وصلتو لهيك حرية سلمولي عليها وصافحوها بعزم وقوة وتصميم
قولالا بسلم عليكي مهند كتييييييييير السلامة يا بعد عمرو

بعتذر منك مهند ما قصدي انا ما قصدت شي وقت قلت كبرت الموضوع
قصدت انه ما توصل لحد الكرامه انا سالت سؤال وانا مو هون لحدد طريقه ردك
او رد غيرك بعتذر منك و من ميوش احكو كيغ ما بدكون و تسلمولي انتو والديمفراطيه
انت بتعرف اني ديمقراطيه كتير
برجع بعتذر لاني شرحت وجهت نظري ايام ما كان عندي نظر

اقتباس :

برجع بعتذر لاني شرحت وجهت نظري ايام ما كان عندي نظر

ولايهمك يا صديقتي أنت بتعرفي غلاوتك عندي بس ما بدي تحكي ه الجملة
حلوة الديمقواطية وبتعرفيني منيح لما بحكي رأيي بحكي يلي براسي وهي كل القصة ..
ولا يهمك حصل خير

مهند يا صديقي
هي اول مره بحسك عم تقرا كلماتي بشكل خاطئ ..انا ببساطه كنت عم قلك انه اذا الانثى بتحب من قلب و رب بتسامح حتى بدون اعتذار ,,و ما بتتمنى تشوف حبيبها مذلول حتى لو الها .. بس كمان يا مهند زونين ما قاصده الخطأ اللي بيتكرر ..هي قصدت ببساطه لما الرجل بيغلط (يعني غلطان ..و مرتكب ذنب ) ..ممكن يعتذر ولا لاء ..والاعتراف بالخطأ يا صديقي عمره ما كان الا فضيله .

عندما يخطئ الرجل امام المراة فعليه الاعتذار منها والاعتذار ليس اهانة نهائيا وعند اي خطى يرتكبه الرجل و يكون بالفعل هو على غلط عليه الاعتذار واما بالنسبة للحبيبة لا اظن انها تنتظر اي اعتذار من الحبيب

مهند و انت بتعرفني عمري ما حددت طريقه تفكير لحدا
ما بالك شخص متك و بتمنا ترجع تقرا الي انا متبته بتعرف انه منو تحديد
لا لرئيك و لا عم افرض شي انا بدي ياه
ما يهمك اكيد حصل خير
و يسلملي راسك

عدل سابقا من قبل مهند في 19.02.09 1:48 عدل 1 مرات

شذى سوننبلومن أنا دقيق بقرائتي بس مع هيك
يمكن ضعف قراءة مني أو سوء تقدير للجملة .. ولكل واحد فينا بالدنيا رأيو وأكيد نحنا اتقاطعنا بالفكرة
ولايهمكن أنتو أخواتي وهاد بالنهاية نقاش يمكن أنا انفعلت شوي .. بس انفعالي بعتقد خدم فكرتي يلي بدي احكيها

يسعد مساكن ... عم قول شو هالصوات تاريها علقانة؟؟؟

مابقدر جاوب نيابة عن الرجل لكني بجاوب من خلال رؤيتي

الرجل لمن هو بيغلط وبيعترف بغلطو وبيعتذر هادا شي بيخليه يكبر بعيني كتير وبيحسسني انو أهم جدار زال بيناتنا اللي هو السيطرة والتحكم من طرف بالتاني

لكن مهند اسمحلي شوي ... عبارات قلتهن ماكان عندك فيهن الحق مية بالمية ... المرأة اللي بتتغابى مابتكون عم تتعامل مع الرجل كحبيب .. لا.. بتكون عم تحب حالها وتحب فكرة انو تملكو وتسيطر بأسلوب معين ... مافي كرامة بالحب هالشي مرفوض ولمن بيكون موجود معناها الحب مانو قوي ولا حقيقي ... الحب بتذوب فيه الانا لتصير انت وانا تساوي نحنا روح وحدة وبالتالي لما أحرص على رضا اللي بحبو أحرص صالحو لما بيزعل وأحرص ازيل كل أوجه الخلاف مابكون عم اتنازل عن كرامتي ... بالعكس بكون عم حافظ ع وجودنا وحبنا .. الحقيقي الصادق... وخلوا لو سمحتوا تحت هالوصفين مية خط ... ماممكن اتمسك برأيي لما بيكون حبيبي شايفو غلط وجارح الو ... ممكن تكون الي وجهة نظر وتفسير تاني للموقف لكن بالنهاية الموقف هاد متعلق فيه وموجه اله ولما بيلاقيه جارح ماممكن اتردد للحظة إني اعتذر واعتذر كتير كمان لاتأكد انو كل شي رجع متل أول وأحسن .... بس ساعتها مابكون عم اتغابى ولا بكون كمان عم اتنازل عن كرامتي

مابنكر انو في كتير عينات من النساء بينطبق عليها كتير من اللي قالو مهند .. بس كمان في كتير عينات مماثلة من الرجال بتحب التحكم وفرض السيطرة وماممكن يعتذر لو شوماغلط

نحنا حكينا حسب ماطرحت زونن بلومن عن اعتذار الرجل لحبيبتو ...هون مافي شي اسمو كرامة ... مع الحب الحقيقي كرامتي من كرامة حبيبي ... وهلأ بما إنو عم نحكي عنو فح قلو آآآآآآآآآسفة إذا اليوم زعلتك لو لثانية وحدة flower

... يسعد مساكن والقهوة عليي لتروقوا

يا ميسا أنا قلت شي واضح
لما الرجل بيغلط وبيعترف بغلطو هاد الأمر كرامة ألو .. ما بس لازم يعترف لازم ما يخلي اسلوب إلا يصالحها فيه .. اعتذار بكاء دموع أي شي وهي رح تحس فيه وبصدقو
موضوع الكرامة هو المرحلة التانية
يلي قلتو مافي شخص بالعالم بيقبل أنو يشوف غلط مكرر ويضل يعتذر
ولما بتكرر نفس الخطأ صدقيني الإعتذار صار موضوع كرامة ..
الإندماج بالعلاقة بيعني أنو التنين يفهمو بعض وخلصنا شو هالقصة الكبيرة
شي بزعلها ما بشتغلو وخاصة الجزئيات البسيطة
شي بزعلني ما تشتغلو .. شو هالقصة الكبيرة
منضل نقول انماج وما بعرف شو لتصير العلاقة شوربة .. بدل ما يكون اندماج حقيقي وقوي وصلب
يا جماعة كل شي حكيتو مجرد رأي وبآمن فيه .. ورأيكن اتقاطع مع رأيي بأهم نقطة
الغلطان هو يلي لازم يعتذر .. بس ماااااااا يكرر الغلط
وفي شي مهم لازم كل واحد يحط الأسباب يلي أدت لغلطو .. يمكن شخص يغلط ومعو بعض الحق
وعندو وجهة نظر

مهند يسعد مساك كل واحد فينا عرض وجهة نظرو
و تعودنا نحترم بعض و نحترم وجهات نظر بعض
انت شخص رئيه بيهمنا كلنا
بس هيدا ما بيمنع نتخانق و نشد شعر بعض
ما بيمنع كل واحد يعلي صوته ليثبت وجهة نظره
بس اخر شي بنلتم على فنجان قهوه متل العيله الوحدة على حساب
حبيبه قلبنا كلنا ميسا و نضحك على بعض كيف بنتخانق و بنرجع نتصالح

شبنا سوننبلومن وشذى وميسا !! ليش خفتو ؟
عم شوف بواب غرفكن بالمنتدى قافليها بالجنازير شو قصتكن كلها خناقة صغيرة
شكراً ميسا على فنجان القهوة .. كل واحد فينا طرح وجهة نظرو وبالنهاية وجهة نظري هي الوحيدة صح ( المدير يتكلم )
يسعد أوقاتكن

الاعتذار عن الخطأ سلوك متحضّر ودليل على الصحة النفسية والفكرية سواء من الرجل للمرأة أو العكس
من الرجل للرجل؛ من المرأة للمرأة.. لا أظن أن هناك أي فرق.

الصراحة انا لما قريت الموضوع لقيته عادي
بس لما شفت الردورد بين مهند وسوننبلومن
تفاجات او حتى انصدمت؟
الموضوع ياشباب عادي
الاعتذار براي له عدة انواع
لما بيكون بين تنين بيحبو بعض
الاعتذار بيصير بمية شكل وشكل مو ضروري بالكلمة
بيجوز بحركة او .....
بعدين يلي بيحبو بعض مو ناطرين اعتذار من بعض
لانو الاحترام هو اساس هي العلاقة والمعرفة
والموضوع مو موضوع رجل شرقي ولا غربي
بعدين نحن الشرقيين بنعتذر اكتر من الغربيين
وافضل مثال للعلاقة بين الرجل والمراة
الضيعة واسالو ابن الضيعة
كيف الرجال بيعتذر لزوجته
او المراة كيف بتعتذر
المشكلة بمفهومنا للاعتذار اذا اصر الواحد على انا اسف
المشكلة بالشخص رجل او انثى
استاذ مهند خدها بالرواق نص الف مية وخمسن
ماحدا لما بيعتذر بيقلل من كرامته
بالعكس انا براي انو عم يرفع من قيمته امام الشخص الاخر
طبعا كلامي في حال الاحترام المتبادل للطرفين

بعدين انا بعتذر منك ومن الامورة سوننبلومن
ولاتزعلو على شرط العزيمة عليكن

صباح الخير ياجماعة ليش هالشغب والفوضى .....شو ما في محاكم بالدني ...
أنا اليوم شغلي لفوق راسي بس بعدين رح ارجع للموضوع ... واقراه بدقة وتمحيص ...
وشو على مين الحق ... ومين يلي عمل هالفوضى كلا ....
الشغلة ما كتير بدا عصبية شباب ... وصبايا .... خلص عمي رح نعتذر ... وزرعوا بدقني هالمرة ...
يسعد أوقاتكن يا غوالي ... بس حلوين لما بتعصبوا على بعض .....

... عدد المشاركات : 1452 تاريخ التسجيل : 08/09/2008

له له له له..... هيك بغيب كم ساعة بتخربوا الدنيا.... يالله حبيباتي لشوف.... قوموا أعتذروا( بما أنه الموضوع عن الإعتذار).... من بعضكن.... و اللي بيعتذر أكثر شي بيكون بطل.........

أنا عني.... مسامحكن كلكن....

محبة.....

لا تعيطوااااااااااااااااااااااا ...لك انطرشت ..وطي صوتك مهند و انتي ميساء طولي بالك و يا سننبلومن روقينا شوي ....... لك بسسسسسسسسسسسسسسسسسسسسس
بسسسسسسس يعني بسسسسسسسسسسسسسسسس
و أنا بعيط شفتوا صوتي شو عالي ؟؟؟ أظدي اسمعتوا مو شفتوا ......
مهند بسرعة اعتذر و لا ؟؟؟؟ بتعرف أنا محامية و بيطلع بيدي كل شي ........ هاد مو تهديد ها ..... بس أنا بفرجيك إذا ما اعتذرت ههههههههههههههه
يا جماعة خليني بالجد شوي أنا برأيي الاعتذار من أي شخص كان رجل أو مرأة لا ينقص من قيمته و لا من كرامته و بالعكس تماما بزيد الاحتارم يللي بيناتهون .... و مافي داعي للتصفيق شكرااااااااااااااا

شو هااااااااااااااااااااد علقانة وشد شعر وضرب وعياط

وناس فايتي وناس طالعة
لا هيك ما بيمشي الحال
صار لازمنا حل
شباب اتركوا الموضوع واطلعوا بدي لغم الموضوع وفجروا بالبنات
ونحل الموضوع من جذورو
قال اعتذار قال
ما بكفي هم نموت ناقصين عمر من جنس حوا لسا بدنا نعتذر..ههههه

» حقائق علمية عن الرجل و المرأة
» عقل الرجل 5000$وعقل المرأة 200$
» الرجل !!!!!!!!
» كل ما يخص المرأة
» هل تعرف من هو هذا الرجل؟؟؟؟؟