مشتاقلك يا امي ..موسى زغيب

موضوع: مشتاقلك يا امي ..موسى زغيب 16.03.09 12:26

باعت لك مكتوب يا امي حامل عذابي بغربتي وهمي

ومشتاق لجناحك لكان يضم قلبي و يزرع ضحك عا تمي

ريح الدني بتفرط وما بتلم و انت صغار البيت بتلمي

من هيك يامي البعد مانه مهم بركة رضاكي وحدها مهمة

وكل ما عجز وعد التلاقي يتم و اشتقت من غمرك على شي ضمة

بوعى بخبي صورتك بالكم و بيصير قلبي يرقص بكمي

ورح ضل ابعتلك بعيد الام دعوة بطول العمر و الهمة

وانت بعتيلي محرمي تاشم ريحة بلادي بمحرمة امي

موضوع: رد: مشتاقلك يا امي ..موسى زغيب 16.03.09 14:49

الله يحفظك يا أمي من كل شر

تسلم وجدي على الكلمات الحلوة

موضوع: رد: مشتاقلك يا امي ..موسى زغيب 16.03.09 15:32

الرب يخليلكون امهاتكن
بس ارحمونا شوي الله يخليكون
شكرا وجدي وانشالله الرب بيحفظلك مامتك
ابو احمد انشالله بتضل مامتك شمعت بيتكون وحياتكن

موضوع: رد: مشتاقلك يا امي ..موسى زغيب 16.03.09 19:17

وجدي شكرا على هالاختيار الرائع ... وتبقى الأم ... قطعة من القلب ....

كل عام وكل أم بخير ....
ملكتنا الغالية ... سنة الكون تقتضي أن نفرح ونحزن ... والمحبة تدوم في القلب لمن هم معنا ...

وتزداد وتكبر لمن غادرونا ... لأمك الرحمة وجنان الخلد ...

موضوع: رد: مشتاقلك يا امي ..موسى زغيب 17.03.09 0:26

اختيار جميل وموفق
زونين كلنا قلوبنا معك
والله يخلي امهات الكل ويطول اعمارن

» هُبَّ..هنري زغيب
» رَبِّ، رُحماكَ....هنري زغيب
» الحكمة في الشرق القديم .. موسى ديب الخوري