فرحتنا كبيرة .. وصلت صوفي الأرض عمرانة بنورها

عالم جديد رح يكون عليها .. اليوم رح تبدا تجربة جديدة
الدنيا مليانة نور بطلتها ... الفرحة كبيرة بقلوبنا ..
أكيد رح تكون أحلى طفلة بالكون .. أكيد رح تعمل شي مهم بالدنيا ..
بتعرف ليش ؟
لأنو بيها أنت .. بأخلاقك وحكمتك وقلبك الكبير
ألف مبروك خيي جواز سفر .. مبروك لإلك ولمدامتك .. ومبروك إلنا بنت خيينا صوفي
تربى بعزك ودلالك ومحبتك .. بفرح لما بيجي طفل ع الدنيا رح يكون عندو أب متلك
تهانيي القلبية صديقي العزيز

وهي صوفي شوفو شو حلوة وبتجنن والله يحميها

فرحتنا كبيرة .. وصلت صوفي الأرض عمرانة بنورها Aa7300b242

فرحتنا كبيرة .. وصلت صوفي الأرض عمرانة بنورها 094fab304e

تسلم يا صديقي العزيز .
فعلا لما بيجي طفل على هالدنيا بتكون فرحة كبيرة لانه الطفل هو ثمرة محبة واستمرار للحياة والانسانية ..
بتمنى كون اب حقيقي بدون ما افرض عليها شي من احلامي او امالي يلي ما قدرت حققها بحياتي وبتمنى تكون صوفي أنثى حقيقية بكل معنى الكلمة.
عقبالك يا صديقي وعقبال كل الأصدقاء والاحباء.

أخي جواز سفر
ألف ألف مبروك صوفي بنوتة بتجنن الله يحميها قمر .......و الله يديمك فوق رأسها و تربى بعزك و دلالك و شكرا الك اخونا غوست لانك حطيتلنا صورة الأمورة و كمان مرة رح قول مبروك النا جميعا صار عنا بنت أخ ..... ما تنسى تسلملنا عالمدام و تباركلها من طرفنا ؟ flower

خلص والعريس من عندي ، طار عقلو همام عليها

جواز سفر
بتعرف اديش غالي علينا يمكن ما فينا نوصلك فرحتنا
بس صدق نطرنا هالحظة من زمان
فرحتنا كبيرة يمكن ما بنقدر الا على الكلمة الي بتوصل وين ما كنا الف مبروك من كل قلبي
يا احلا اخ و احلا بيي
و انشالله تكون الاب الي بتحلم فيه كل بنت
و بتمنالك و مدامتك العمر الطويل و تشوف sophe احلا عروس

فرحتنا كبيرة .. وصلت صوفي الأرض عمرانة بنورها 6c4ba65a2c

فرحنا فيكي كتير و انشالله ام النور ديما حدك

شكرا BEAUTY SOUL وأيامك كلها فرح ,اما بالنسبة لهمام ياصديقي ياسر فما بنصحه بهيك جوازة لأنه صوفي باينتها بدها تطلع مفلسفة متل أبوها ورح تعقدله حياته,أما أنت يا sonnenblumen فالكلمات فعلا ما بتقدر تعبر عن محبتي ومعزتي ألك وأيامك كلها سعادة ومحبة متل ما قلبك مليان محبة .

أن تلدا من نفسيكما كائناً آخر كاملاً سليماً.. معافى وله هاتان العينان وتلك النّظرة..
إنّها معجزة الخلق من جديد...
مع كلّ ولادة طفلٍ أشعر برهبةٍ ورغبةٍ قصوى في البكاء أمام عظمة هذه المعجزة.. ولا يزيدني جمال طفلتكما سوى انبهاراً بعظمة الخالق وسرّ التّكوين..
الحمد لله على سلامة الأمّ والطّفلة..
ان شالله يخليكم لبعض وتضلّ صوفي منوّرة حياتكم ويبعت لها أيّام حلوة متل وجهها..

الف مبروك خيي جواز سفر أنك قدرت تعطي حياة وأمل لبكرا..يارب تتهنى وتربى بعزك وتحت جناحك

أخي جواز سفر من القلب أقول لك الف مبروك ويارب تكبر وتكبر وتشوف حالك فيها وتربى بعزك

الله يحميها ويخليها وان شا الله بتفرح فيها....
وتكون دائما البسمة على صفحات ايامك...

مبروك جواز سفر هالصغيرة اللي بتجنن ويارب تربى بعزك ودلالك وتشوفها متل مابدك؟!
وبهديك هالأبيات لبدوي الجبل اللي بيحس فيها كل مين عندو طفل صغير؟!

وسيم من الأطفال لولاه لم أخـف

على الشيب أن أنأى و أن أتغربـا

يزف لنا الأعيـاد عيـداً إذا خطـا
وعيداً إذا ناغـى وعيـداً إذا حبـا

كزغب القطا لو أنـه راح صاديـاً
سكبت له عينـي وقلبـي ليشربـا

ويارب من أجل الطفولـة وحدهـا
أفض بركات السلم شرقـاً ومغربـا

وصن ضحكة الأطفال يـارب إنهـا
إذا غردت في موحش الرمل أعشبا
ويارب حبب كل طفـل فـلا يـرى
وإن لج في الإعنات وجهاً مقطبـا

وهيىء له في كـل قلـب صبابـةً
وفي كل لقيا مرحبـاً ثـم مرحبـا

عبير, اسامة, ابن الضيعة, صبا ,حالمة ,كلماتكن الحلوة أكبر من اني أقدر رد عليها بس رح اتمنى أنه انتوا كمان تعيشوا هي اللحظات الحلوة اذا كنتوا لسى ما عشتوها وتتمتعوا بجمال الحياة وسحرها .
تحياتي ومحبتي لقلوبكم وأرواحكم الجميلة...

... عدد المشاركات : 1452 تاريخ التسجيل : 08/09/2008

الله ما أحلى الحياة.... تتلون في عيون الأطفال.... تمنح الحياة....معانٍ... و الروح معانٍ آُخر.... الرب يخليها.... و يكبّرها..... و تربى بظلك.... مبروك.... محبة.........

الف مبروك
يمكن لاني عشت التجربة من فترة رح قول عيش الحظة ياخيي
لانه صدقني مافي شعور على وجه الارض بيعادل هالشعور بجماليته وصدقه
الف مبروك صوفي وانشالله بتكون الوالد الي بتحلم فيه كل صبية

شكرا وليد وstrauss على مشاعركم وكلماتكم الحلوة وبتمنالكم كل االمحبة والخير على طول الايام.

» أخلاق الأرض
» تراب الأرض فيه عِزِّتنا000 بقلم: ابن الضيعة
» غريب هو مقامنا هنا على الأرض .. ألبرت أنشتاين
» زلزال تشيلي قصر أيامنا وأزاح الأرض عن محورها 8 سم!!