رح اتركن مع طلاب غوست قصدي طلاب ما بعرف مين

ياعين ياهيك الطلاب المجتهدين يابلا
بعدين من الصورة مبين قديش غوست شيدد ايدو علين
يسعدلي مساكن يارب

سننبلومن والله هل طلاب روعةةةةةةةةة
برافو عليهون ...أنا بهيك وقت بقول حلال عالشاطر.....أنا بالمدرسة كنت هبلوشة كثير و كنت خاف من النقل كثير و كنت شوف رفقاتي كيف بينقلوا بطرق النقل الغريبة العجيبة بس أنا كنت بقول ابعد عن الشر و غنيله.....و مرة قلت ما حدا أحسن من حدا قمت و كتبت كلمات الانكليزي عالمسطرة بس لأنه ما كان في خبرة قاموا لقطوني و اتشرشحنا هديك الشرشحة.....بس بالجامعة شوي اتطورنا بس كمان مو كثير ... يالله خيتو معه معه منتطور ......هههههههههههههه شكرا سننبلومن

ايه يا ملكة زمان مافي احلى من النقل بقلك اني كنت انقل وكنت نقل وكنت شاغب كنت حب الحركة كتير والطلاب لشاغبوا حتى البنات لكانوا معنا كنت حييهم اما يا وليها ويا وليه لكان يفسد للاستاذ بشي شغلة وكنت انزعج كتير من الطالب لبينقل وما بنقل يا الله شو كنت ادايق منه وخبر الكل انه ما ينقلوه وكانت الانسة لبحبها كون شاطر عندها سبحان الله انه الواحد بينجح بالمادة لبحب استاذها واحكيلك يلا هي بس لا تضحكي انا علمي بفحص البكلوريا بمادة العربي كنت كاتب اربع اسطر بموضوع التعبير طلع عليي المراقب وقلي عليي وما عليي ان ولا كلمة كاتبها جايبها منك انت ههههههه شفتي شو كنت شاطر اما المراقبة الثانية كانت صغيورة امورة وحلوة مثلك قلتلها الطالب لبزاوية جواب هذا السؤال بيعرفه جيبلي الجواب منه قام رفضت اخ بس لو جابتي الجواب كنت طلعت دكتور من دون عيادة وشنتة يلا طولت عليكي خليني قوم اشرب كاسة مي كثر ما حكيت وبرجعلك سلام يا غالية ويا غاليين جميعا

هالطلاب لازم يشكرو الله انو مو أنا اللي عم راقبهن ..لأني كتيرشديدة بمراقبتي ..و بيوتي حبيبي جد ديري بالك النقل بالجامعة مو لعبة لانو لاسمح الله فيو خربان بيت إذا الواحد انلقط (طبعا هي نصيحة أخت كبيرة إلك ) وبالتوفيق يارب للكل

لك تسلملي يللي عمب تعطي نصائح لأختها الصغيرة ... و لا أروع من هيك أخت .... رح قلك شغلة أنه مهما اتطورت رح يضل الخوف مزروع فيي لأنه النقل بده جرأة و شخص لا مبالي بعلامته . بينما أنا كانت العلامة تفرق معي لاني من المناح يعني فينا نقول كنت جيد جدا أنا كانت مشكلتي بالتنقيل ....على كل حال اتخرجنا و مشي الحال .... بس أنا بضل عند رأيي أنه حلال عالشاطر و هل شي كنت بشوفه من يللي بينقلوا و بجيبوا علامات مثل يللي بيدرسوا .....و هل شي طبعا ظلم ... على كل حال شكرا لنصيحتك يا أحلى أخت ..الله لا يحرمنا من هل محبة اللي موجودة هون