اصول نق النسوان من الالف الى الياء

يا شباب وصبايا مسافرة بتسلم عليكم وامنتني انه نزل هذا المقال وانا فورا وافق لانه في صبايا هون عم تشعل الحرب ضد الشباب ههههههههههه لا تزوريني رانيا هههه

الألف: أنا بدي مصاري عندي عزيمة
الباء : بكرا لازم توصلني لبيت أهلي عندهم حفلة
التاء : ترى اليوم أنا مالي مساوية عشا جيب معك أكل جاهز
الثاء : ثلاث أسابيع ما طلعنا تمشينا يالله اليوم اعمل حسابك تطالعنا
الجيم: جيرانا ركبوا اليوم دش معقول نحنا ما يكون عنا
الحاء : حبيبى..بدى غير ساعتي ,مليت من ساعتى الأوميغا
الخاء : خبر الشله اليوم انك مالك جاي ..أنا عازمتك نتعشى بره, بس على حسابك
الدال : دور لنا على فيلا على 3
شوارع شو يعني بيت أخوك أحسن مننا
الذال : ذيك السنة (قبل 10 سنوات) قلت لك اشتر لنا سيارة فان أوسع وما شريت
الراء : روح قدم على إجازة و خلنا نسافر عا البحر ,, شوووب

الزيين : زيد مصروف البيت يعني يا دوب عم يكفي
السين :سجاد البيت صار قديم .....غيره يا أخي السجاد ما كمل سنتين
الشين : شيل الولد مالك شايف انو عم يبكي ,أنا تعبت من الأولاد
الصاد : صف كندرتك محلها وعلق ملابسك مكانهم,مليت وأنا القط وراك
الضاد :ضاع عمري وأنا بتعب معك ليش شفت منك يوم خير
الطاء : طالع ها الغسيل وانشرو مشان ما يروح علي المسلسل
الظاء:ظاهرتك انك ما تحبنى.. في مرة طلبت منك طلب ولبيتلي ياه (الله اعلم شو مخبية طلب)
العين:عيوني..اليوم حكت أختك معي عالتلفون يالطيف على هالنفسية ...
الغين: غير يا أخي ها المواضيع حسسني انو بتحبني شوي
الفاء : فهمت عليك ما تكمل (تقطعلو كلامه مشان تحكي شغلة برأسها )
القاف : قدر يا أخي شوي...كل شغل البيت على راسي...
الكاف: كم مرة قلت لك انو أمك ما بتحبني
اللام : ليش اهلك عزموا بيت أخوك وما عزمونا ؟؟
الميم : معقول البس نفس الفستان على الحفلتين
النون : نسيت انو بكرة عيد ميلاد بنت أختي
الهاء :هيك رح تضل؟ترى بروح لبيت أهلي!
الواو : ولدت أختي شو بدك تهديهم
الياء : يالله ايدك على 5000ليرة حلاوة الصلحة....لأنك زعلتني وكسرت خاطري

وجدي شكرا الك ...

الله على نق النسوان .... وبلاوي النسوان ....

شكر الك ولمسافرة

لك ابو الوجد
شبك
مرة معهم مرة عليهم
تبقى ما تحكي عالنسوان انن بينقوا
وإلا بجد بخلين ينقوا من هلق عاراسك

... عدد المشاركات : 1452 تاريخ التسجيل : 08/09/2008

وجدي... إذا تعرضت لحرب شعواء من بنات المنتدى... انا و أبو جورج معك.... ولو... أنت أجونا.. و حبيبنا... بس يشتغل ضرب الكف... هههههههه .. أنا اول واحد بيهرب....

وجدي الورد.... تقدير و شكر... للبسمة و الكلمة اللطيفة....

محبة.....

امممممممممم
ولك اممممممممممممممم
ولكككك امممممممممممممممممممممم شو هاااااااااااااد وجدي ؟؟؟؟
من .... وجدي ؟؟؟؟
لك كل هالشي منك يا وجدي
لاااااااااااااااااااااااااااااااااه يا صديق العمر صدمتني يا صديقي
لاه اني يائسة و محطمة لاه لاه لاه اني اندب حظي و ابكي ندما على عمر قضيته في تصديق صديق يتكلم بالسوء علينا
وجدي ... ولك يا وجدي ... بربك هادا حكي بينحكى
لهون و بس انت ما بتعرف النسوان و ربي ,,, النسوان مو بس شاطرين بالنق .. اي و الله و الله اذا رادوا شي غير ربك ما بيخليهن يغيروا رايهن جكر و نكاية و هالحكي كللو و لا شي ببحر النسوان بس بين وبينك .. الحق معك و كمان شوي
شكرا وجدي ما حدا بيزعل من الصراحة النسوان اي نقاقااااات بامتياز
وجدي بتعرف نكتة بكرة النق بكرة النق ؟؟؟
ل يللي ما بيعرفها قال مرة وحدة قد ما بتنق قللها جوزها خلث خيتو يوم نقي و يوم اسكتي يعني يوم الك ويوم الي ... قالتلو اي معليش
اول يوم نقت المخلوقة
تاني يوم و هيي فرحانة عم تقول .... بكرة النق بكرة النق

لك اتشو هاد من عند الصبح .... كل هل شي من أبو الجود ....يا عيب الشوم و الثوم .... انت يللي منعرفك شب مأدب و صادق و مافي مثلك تحكي كل هل حكي و يكون صحححححححححححححححححححححححححححححححححححححح ...يا أخي 100% بوافقك الرأي النسوان نقاقات بس البنوتات الأمورات يللي مثلي و مثل رنوشة و ميوشة مسافرة و حالمة و جورية و ميساء و صبصوبة و زهر البنفسج و أخيرا سننبلومن مالنا هيك بنوب بنوب و يللي بيسترجي يقول أنه نحن هيك لأفرجيه شمس الليل كيف شكله

يا اااااااااااااااااااوجدي شو هاد!!!!!!!!!!!!!!!!!! معقول ؟؟؟؟؟؟؟؟؟؟؟؟؟هيك املنا فيك !!!!!!!!!!!!!..وانتو يابنات المنتدى بتحكولواااااااااااااااااااااااااااااشكرا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ا
هزلت .......!!!!!!!!!!.تبا......................!!!!!!!!!سحقا ..................صدمتوني!!!!!!! يابنات بالستسلام وين الثورة والتمرد والتحرر............طيب ع الاقل اتشكروني انا بعت الايميل لوجدي
هههههههههههههههههههههههههههههههههههههههههههه

» الترجمة على اصول
» تعلم ما تمزح مع النسوان ... ايواااااا
» أكاذيب لا تخلو منها جلسات النسوان