آخر أخبار النجوم .... كمان فقط و حصريا في منتدى الاحلام

ازمة في العلاقات السورية الكورية نتيجة نزاع على ملكية النابغة نعيم حمدي ( محطم قلوب العذاري ع قولة صبا )

الفنان فراس ابراهيم قرر حجز غرفة ثابته في مستشفى المجانين نظرا لتعلقه بالادوار الجنونية التي يقوم بها و رفضه الخروج من الشخصيه

الفنان حسام عيد سيصبح الوجه الاعلامي لجينزات حنا صليبا بسبب تشجيعه للصناعه الوطنيه من خلال الجينز الازرق الكاحت الذي عرف فيه

الزميل علاء الدين الايوبي قرر ترك برنامج الشرطه في خدمة الشعب و فضل السير في طريق الشيطان و البحث عن الملذات الشخصية

الزميل مهران يوسف اصيب بحاله هستيريه من الجنون بعد ان امضى خمس سنوات من العناء لمعرفة من اين جاء اسم كفرسوسه

الزميله المتألقة فالنتينا اسماعيل كبت كل استعمال علب البياض السليماني و صبغت شعرها بالاسود

الزميلة فاتنه محمد اعتزلت برامج الاطفال الهواة لانها ادركت انها سبب رئيسي في تدمير مستقبل هؤلاء الاطفال

الزميلة رداح كلول مقدمة النشرة الجوية اعتزلت مهمتها و رمت عصايتها لانه عم تضربها يمين بتجي شمال و بتضربها شما بتجي يمين و قبل مغادرتها الاستديو تركت ورقة مكتوب عليها خللو سوزي تنفعكم

اما بالنسبة للفنان غسان مكانسي فقد قام بتغيير قصة شواربه الى السبايكي بناء على طلبات الفانس تبعولو

الفنانه سمر سامي رفضت دورا في فلم عالمي هام جدا بحجة ان الفلم لا يحوي على اي مشهد بكاء و نوح و هو الستايل الذي احبها الجمهور فيه

هههههه
..
أي بعدي هيييييييييييييك رنوش..
شو هالأخبار الخلبية تبعك؟

تعالي شوفي التحقيقات الصحفية والأخبار اللي عنجد وعلى أصولها عند حضرتنا..

عندي جارة سورية بالسكن الجامعي (اسمها زينة) حلوة وظريفة وعلاقتي فيها رسمية وفيها مودّة واحترام.
كل ما بشوفها بقول لحالي.. يااااااااااااالله شووووو قريبة ع القلب وكأني بعرفها من زمان..

وبعد أربع سنوات من الجيرة والإحساس العمييييييييق (على أساس تخاطر أروووااااح يعني) بتخبرني وحدة من رفقاتنا أن هالوجه المألوف (لحضرتي) هو لمقدمة برنامج عن المعلوماتية كان يذاع صباح الجمعة ع إحدى قنوات التلفزيون السوري.

وهية هلاء عم تعمل دكتوراه بالآنفورماتيك هون.

... عدد المشاركات : 1452 تاريخ التسجيل : 08/09/2008

والله يا رانيا... ذكرتيني بأسماء نسيتها... و هون بتذكر موفق الخاني... و برنامجه من الألف إلى الياء...

و الله زمان يا بلدي.... على قعداتك و سهراتك... صباح الخير دمشق.....

رانيا تقدير و شكر...

محبة....

اي شو هالاخبار الظريفة ...

عنجد حسيت انو كل خبر بمحلو ....

شكرا رنوش يا رائعة

لأ لسا نسيتو أرضنا الخضراء
أكتر شي ضحكني شغلة مهران يوسف بسؤال ع الماشي
صح سؤال ..مهران يوسف بعدو عايش ؟

لأ نسيتو يوسف الصيداوي وهو عم يعرب " أكلت التفاحة "

بتعرفو رغم كل شي مافني استغني عن التلفزيون السوري
صدقوني بحسو الأقرب ع القلب
وخاصة لما بذكر برامج الأطفال كانت منتقاة جدا

جزيرة الكنز .. أوسكار .. سالي .. ريمي
يرحم أيام الأبيض والأسود

شكراً رانيا

مهننننننننننند..
كله إلاّ الصيداوي..
ماتقرب عليه..
عنجد و بدون مزح.. كنت كتيييير صغيرة وكنت انتظر حلقاته بفارغ الصبر..
وكمان من البرامج اللي عودنا بابا نحضرها وتعلقنا فيها كان (من الألف إلى الياء)..
ومن الأحاسيس الرائعة اللي انتابتني مؤخراً كانت لما وصلني ملف مرفق على إيميلي وفيه أغنية مقدمة برنامج افتح يا سمسم..

» وظائف بعض الفنانين قبل الشهرة ... حصريا بس بمنتدى طريق الاحلام
» لا تصدقو ان الاحلام بلا ثمن ...... فبعض الاحلام ثمنها العمر
» وسط سكون الليل وهمس النجوم
» خذوا جزركم
» كمان مرّة.. شوية تلج.. من حارتنا