رح إبدا بالحكاية من أوَّلا
أوصف جمالك ليكون معلوم
ياوردة مفتحة وكلا حلا
وأول كلامي بقلك اليوم
مرحبا بهالطلة ويا ميت هلا
صبية سوسنة والقد مهضوم
هموم الدني بسمتك بتغسلا
الشعرع كتافك شلال ويمكن غيوم
ضحكتك نغمة عصافير بتغزلا
من يوم ربي خلق هالكون
رسم هالصورة وبالحلا كمَّلا
قبل ماكمَّلْ القمر... ووزَّع نجوم
كمَّل القامة وبالأناقة جمَّلا
الكحل بعيونك بحر مرسوم
وقلوب حولو تحوم بهالفلا
السحر بعيونك دستور صوم
والقبل ع خدودك فرض الصلا
والصدر بيزيل عن عاشق هموم
كل الدني تجتمع ما بتحملا
والخمر بشفافك سكران دوم
والعاشق بخمرهالشفة ابتلا
والعطر مهما سعرو غلي
جمالك بيزيد غلاتو... غلا
حسن ورشاقة ودلال معصوم
بخفّة غزالة ع الارض هالخطوة بتنقلا
والجاهل بكتاب الحب ... مظلوم
حقيقة جمالك يا بنت ضيعتي بيجهلا
وابن هالضيعة ع العز مفطوم
بنت ضيعتو بالدهب ... بيتقلا
موضوع: يا بنت ضيعتي كلك حلا 00000بقلم ابن الضيعة 
11.10.08 22:49
