ما العلاقة بين السمات الشخصية للفرد وفصيلة دمه؟

انتشرت في الفترة الاخيرة "صيحة" جديدة بين اليابانيين تربط بين السمات الشخصية للفرد وفصيلة دمه. وأصبح السؤال عن فصيلة الدم أمرا يشغل بال الياباني في بحثه عن شريك الحياة والصديق وحتى في اختياره لطاقم العمل. والسبب في ذلك، بحسب تقرير نشرته وكالة الأنباء الألمانية (د ب أ)، يرجع إلى اعتقاد سائد بين غالبية اليابانيين بأن فصيلة الدماء تحدد ملامح الشخصية وصفاتها الدائمة. فمثلا يعتقد اليابانيون بأن أصحاب فصيلة الدم A يتمتعون بالحنان والرقة ويميلون إلى الكمال.

أما أصحاب فصيلة الدم B فيميلون إلى الخروج عن المألوف ويتمتعون بشخصية مرحة بطبعهم لكن تغلب عليهم الأنانية، في حين يتميز المنتمون إلى فصيلة AB بشخصية غامضة، فلا يمكن سبر أغوارهم بسهولة أو التنبؤ بتصرفاتهم. وإذا كان الدم الذي يجري بعروقك من فصيلة O فأنت شخص كريم، فضولي، محب للمعرفة لكنك عنيد للغاية. لكن الغريب في الأمر أن هذه الظاهرة أخذت في التغلغل داخل المجتمع الياباني بكل مستوياته وأصبحت تشكل أسلوب تفكير وحياة بعد أن كانت مجرد "موضة" يلجأ إليها الفرد كنوع من الترفيه والتسلية، لدرجة أنه صار من الطبيعي أن يطلب صاحب العمل من موظفيه إدراج فصيلة الدم التي ينتمون إليها.

يونيشي واداياما، من وزارة الصحة والعمل اليابانية، قالت إن: "هذا الأمر أصبح اعتياديا، والغالبية لا تعلم أن هذا السؤال يميل إلى العنصرية"

سلامات..
بالمناسبة أنا زمرة دمي +AB

يسلمون يا ورده جوريه
حلوه منك بتعرفي نمرة دمي قصدي زمرة دمي من الي بعطي للكل و مافيني اخد غير من حالي
شفتي شو اني حبابه شو رئيك؟ شو بتقولي زمرة دمي ؟
يسعدلي صباحك على هالمعلومه الخفيفه عند هالصبح

يا ملكتنا صرنا اتنين
منعطي الكل وماباخد الا مني ومنك
حزري شو زمرتي
يااحلى وردة اكيد اليابانيين مخربطين AB
لانك واضحة متل الشمس
ورقيقة

م.باسل كتب:: يا ملكتنا صرنا اتنين
منعطي الكل وماباخد الا مني ومنك
حزري شو زمرتي

ولي معناها ما لازم نزعل بعض ايه
ليك باسل ماالنا غير بعض ايه خف شوي
وانشالله ما بنحتاج بعض
و خاصتن توقيعك
يسعدلي ايامكن

هلق كلن صرتو بتعطوا وما بتاخدو ...
اي انا ما بدي شي من حدا ... لانو بالاساس ما بنتمي ولا لمزرة .....
شو مو مصدقين .... اي عنجد .... انا زمرة دمي ... بس بتاخد من بنت الضيعة وبتعطيا ....وبسسسسسسس ....ولهيك أنا ماني رايح على اليابان
يسعد أوقاتكن يا حلوين ....
ورد جوري شكرا على الموضوع ....

أحلى وردة جورية شكرا عالمعلومات الحلو ةأنا زمرة دمي باخد من الكل و ما رح قلكون شو هي ؟.ما رح قلك سننبلومن بس يمكن عكس زمرة دمك ...شكرا علمعلومات

حلوة هالمعلومة وجديدة وكتير مميز أنو نعرف هالأمور
أنا زمرتي o
وبالتالي يكون وإذا كان الدم الذي يجري بعروقك من فصيلة O فأنت شخص كريم، فضولي، محب للمعرفة لكنك عنيد للغاية.

ميوشة انا وانتي نفس الشي بس بيفرق انتي إيجابي ولا سلبي؟؟؟؟؟

وأمّا أنا فزمرة دمي هي فئة (معطي عام) لكل أخواتي ببيت الأحلام

يبدو أن ورد جوري .... لا تعطي ابداً .... لكنها تأخذ ... هيك باين ... لاتزعلواااااااااااا يا شباب
إلي زمرة دمه AB+ حسب الرواية الوردية
هو شخصية غامضة ولا يمكن لأحد أن يتنبأ بتصرفاته .... خايفين تكون ورد جوري بتعصب كتتتتتتير وبعدين الي بياخد من زمرة دمها بيعلق بمشكلة وبصير يعصب ويخربط بالليل ..
.وبيسهر كل الليل ... ما عاد ييجيه نوووووووووووووووووم .....
المهم ..... نصيحتي للجميع ... ما تاخدواااااااا من زمرة ورد جوري ، لأن شوك الورد بيجرح !!!!!!!!

راح أعمل بنصيحة أخي ابن الضيعة ... لا باخد ولا بعطي ...
. هيك بريح راسي ... وبنام مرتاح ....

يسعد مساكي و ردتنا الجوريه
كتير شيق الموضوع ..بس اللي ادهشني انه تقريبا زمره دم معظم اللي بالمنتدى ..(معطي عام )..و انا كمان بعطي الكل و ما باخد الا زمرتي

أوكي ناصر إذا قدرت تعمل هيك لا تقصّر

SHATHA العطاء العام سمة هامة من سمات سكان بيت الأحلام

أنا زمرتي AB
وهي معطي جديد وشكرا ورد جوري ع الموضوع
وكلكن عطاء بكل الزمر

شكرا ورد جوري ... اتوقع أن الجميع في المنتدي الحلو .... خايفين ياخدو من زمرة دمك
بس لا تخافي أنا رح أجرب هالمرة لأني حاسس انه زمرة دم الوردالجوري هية العسل والسكر

بس يا شباب إذا صار لي شي ... بتعرفوا وين تلاقوني ... بمشفى الأمراض العصبية .

... عدد المشاركات : 1452 تاريخ التسجيل : 08/09/2008

ذكرتيني لما كانو بدهن يعرفو زمرة دمنا..... لاحظي صيغة الجماعة.... دمنا.... و ليس دمي.... أي لأنو كان فحص جماعي......

أأأأأأأأأأأأأأأأأأأأأأيه على هذيك الأيام..... هذا يا ستي كانوا بدهن يعرفوا زمرة دمنا قبل ما يأخذونا( مرة أخرى لاحظي صيغة الجماعة) على الجيش.... بالنبك....

وصلت على المستوصف.... ولييييييييييييييييييييييييييييييييييييي..... وليييييييييييييييييييييييييييييييييي.... الممرض( عرفت أنو ممرض من المريولة اللي كانت فيما مضي..... بيضاء اللون)... حامل بأيدو شيء شبيه بالأبرة.... لهلق و بعد مرور سنوات.... ما قدرت حدد تماماً شو هو.... شكلها مثل الأبرة بس مو أبرة....مثل فيكي تقولي سكين مطبخ.... على شكل أبرة..... بس قد المخباط.... ( المخباط = شي كبير) اي و صرخ الممرض.... تقدموااااااااااااااااااااا.... بس وين.... كان غيرو أشطر..... قلت لو.... أنا معي مرض معدي.. و عم اتعالج..... و حتى اللي بيقرب مني.... بينعدا...... قام الشعب قال هيييييييييييييييييييييه.... و ركضو بكل الأتجاهات .... و نفدنا..... كنت بدي أحكي لك كمان عن اللقاح.... بالجيش..... بس شايفك بلشتي تزوريني.... خلص رح أتوقف هنا لضيق الوقت.....

و بالنسبة لزمرة دمي.... هي زمرة كثير حلوة و حبابة.... جد كثير ظريفة و آدمية.....تتميز بما يلي....

نعم ؟؟؟ مين عم ينادي لي؟؟؟؟ وليييييييييييييي.... ورد جوري أحمرت عينها مني تمام.... الشباب عم يحذروني....

لأنفذ بريشي....

ورد جوري..... تحية..... و تقدير و شكر....

محبة.....

وليد..
يخرب بيت اللي بيكرهك وبيت جيرانه للي بيكرهك ويخرب بيت اللي بيقول انه بيحبك وهوة من جواته بيكرهك ويخرب بيت اللي بيحبك وواقف جنبه حدا بيكرهك..

wardjouri كتب:: وليد..
يخرب بيت اللي بيكرهك وبيت جيرانه للي بيكرهك ويخرب بيت اللي بيقول انه بيحبك وهوة من جواته بيكرهك ويخرب بيت اللي بيحبك وواقف جنبه حدا بيكرهك..

على راسي عبورهه ه ه ه ه ه ه ه
والله قويه من عند الصبح رح كفيلك ياها
و يعدمك الي بيكرهك وهو بيقلك انه بيحبك و يخروب بيتو للي بيحبك وجواته بيكرهك
و يقرف عمرو الي جواته بيكرهم وحدو واحد بيحبك وهون من جواته بحقد عليك
و انشالله بيصيبو شي ما ينعرفلو دوا للي حدةو واحد بيحبك وجواته بيكرهك
وبيقول انه زمره دمو مامعروف قرعة بيا من شعر مامتا

» تأمُّلات موجزة في العلاقة بين الأديان
» الشخصية من نوع الأكل
» الشخصية الضعيفة
» بطاقتي الشخصية
» جديد البيانات الشخصية