عندك شي.. أغنية.. فيلم.. .مشهد..تخبّرنا عنه؟؟

مرحبا عليكم..

حاسة بجوّ من الفتور و الخمود و الخمول و الركود و الكسل و الملل و في ناس ما بعرف وين مختفية.. والبيت مو عاجبني هاليومين

وقد انضمّت الآنسة بقلاوة مؤخراً إلى لائحة المفقودين!!!

بالإضافة لجوّ النكد و الدموع اللي دخلنا فيه فجأة أنا و مليكة البحر و غيرنا من الأعضاء و العضوات..
و كأنه العالم ناقصها نكد..

يعني حاسة حالي شوية تانية رح أنبحت بالأرض و أبكيييييييي.

لذاااااااااا..

قلت خلّينا نصحصح بشي فقرة جماعية بلكي بيرجع المرح لبيتنا..

يالله كل واحد يتلحلح و ينعش ذاكرته و يقلنا أول غنيّة أو مشهد أو فيلم بيخطرله لمّا بيقرا هالفقرة.. أنه يعني يكون شي مؤثر وبيشرح لنا ليش مؤثر؟؟

عنجد.. يالله خلونا نغيّر جوّ شوية..

إيه والله عبورة ...الفكرة حلوة

وهيدي رح بلش....بغنية غوار:

وااااااااشراح لها....عن حالاتي....

روحي عليلة لأجلهاااااااااااااااا

هههههههههههههههههههههههههههه

ههههههههههههههههههههههههههه

منتهىىىىىىىىىىىىىىىىى

وهيدي الرابط ع اليوتيوب...

https://www.youtube.com/watch?v=7xwz3j7Phr4

حالمة العزيزة..

وهل حالتك كحالة غوااااااااار في الأغنية؟؟

يسعد أيامك يا رب..

فيك تقولي هيك شي عبير....

مشتاقة....كتييييييييييييييييييييييييييررررررر

https://www.youtube.com/watch?v=JICU5vv1vRw

حالمة..

الشوق يجعل اللقاء أجمل و أجمل...

الله يجمعك بالأحبّة على خير و بأقرب وقت..

ونفرح فيكي بالدكتوراه و العرس يااااااااا رب

يا_شمس_يا_منورة.flv - 5.5 Mb

هالغنية كتيييير بحبّها..

خبروني إذا ظابط تحميل الملف..

كتييييييييررررررررر

حلوة الغنية ...والأحلى الفرح بعيون

يحيى الفخراني.........

ماااااا بتعرفي شو بحبّ هالغنية..

بعد ما سمعتها.. نكشت النت على المسلسل حتى أحضره بسبب الغنية..

طلع المسلسل حلو كمان.. و الفخراني من الممثلين البارعين بآداء المشاعر..

وكلمات الغنية حلوين ....كماااااااان

عبير والأصدقاء ...إذا عندكون أغاني

زفة وفرح ....ساعدوووووووني بالاختيار

.............

عدل سابقا من قبل wardjouri في 21.06.09 23:59 عدل 1 مرات

حالمة..
قولي لي يا أحلى عروس..

قصدك أغنية الزفّة تحديداً والاّ مجموعة أغاني للفرح والاّ غنيّة يرقصوا عليها العرسان؟؟

بيخطرلي غنيّة كتير حلوة لرقصة العرسان.. بس لازم يكون فستانك يساعدك عليها.. و لازم تكوني منطلقة شويّة يوم العرس..

قومي تنرقص يا صبية: سامي كلارك.

بصراحة بدي اقتراحاتكون للزفة ...

وأغاني للرقص....كمااااااااااان

بس المشكلة إني مو كتير شاطرة بالرقص ولا هوي..

غنية سامي كلارك حلوة

يسلمو عبير رح حطها بالقائمة

غنيّة للزفة؟؟

في غنيّة حلوة لفيروز (طلعي يا عروسة) ولااااااااااا مرّة حضرت عرس و حدا حطها وقت الزفّة..

شو رأيك فيها؟؟

حالمة..

والله أنا تحمست..

كمان رح اقترح عليكي غنيّتين تانيين

بيتناسبوا مع انطباعي عنك و بيظبطوا للزفّة الرايقة..

أوّل وحدة: جيت بوقتك لملحم بركات

والتانية.. بتظبط للزفّة و لرقصة العرسان: طول البنيّة يوم لشادي جميل.

يسلمووووووووووو عبير

جيت بوقتك ...حلوة وفيها

شوية ايقاع....و

ملحم بركات دخيل عينو وعين أغانيه

رح ضيف اقتراحاتك ع الليسته....

وغنية الزفة ...اطلعي يا عروسة ...

حلوة بس هادية شوي...

بعدين.. كرمال الرقص..
هااااااد مو حكي.. لازم تتعلمي الرقص..

عرسك وما رح ترقصي؟؟

ليكي.. لازم ترقصي..

اختاري شي غنيّة.. سلو.. هاااادية وحااااالمة..و الأفضل تكون ألمانية.. حتى ما حدا يفهم شي.. وما تعملي شي أنتي.. لأنه:
الفستان بيكون مغطي لك رجليكي ما حدا بيشوفك إذا خربطتي بالرقصة و العريس بعيد شوية بسبب الفستان بحيث ما بتقدري تدوسي على رجله أثناء الرقص.. وأبعد ما هنالك أنك بتمشي معه على مهلك..

شووو رأيك بهالفكرة؟؟

ههههههههههههههههههه

رح نعمل بروفاااااااااااا

إذا ع غنية هادية بيمشي الحال

بس أكيد موووووو ألماااااااانية ..

الألمان آآآآآآآآآخر شي بيعرفوا يعملوووه

هوي إنن يغنوا.....

ما حبيت أغانيهون...لغتون ما بتساعد

إنها تتغني...

يمكن شي غنية انكليزية أو فرنسية

أنا بحب الأغاني الفرنسية

طييييييب رح أقترح عليكي غنيّة فرنسية

بحبها و مناااااااااسبة لهيك ليلة بالذات..

l'amour avec toi
Michel POLNAREFF

سمعت الغنية ...

فيه نسختين منها...هادية وسريعة

والتنين حلوين بس شو ترجمتها؟؟؟

حابة أعرف معناها.....

يسعد مساكن يا أحلى تنتين رايقين بالدني ...

حالمة ليكي عرس بنتي 27 آب أنا عازمك تحضري العرس ونقي الغنية يلي بتعجبك ...

وبعدين بتكوني حضرتي بروفا ....

وعبير انتي كمان معزومة ...

أما من ناحية الأغاني أنا ذاكرتي زفت والله ما بقدر اتذكر شي ابدا

حالمة العزيزة

العنوان معناه: الحب معك..

و بكلمات الأغنية بيقلّها..

أنه..

هناك أموراعتدنا أنه نفكّر فيها و نريدها و لا نصرّح بها

أمّا أنا.. فلا يهمني شيء.. و سأقول:

أريد؛ بكل بساطة؛ أن أكون معك و (أحبّك)

بالطبع بقدر قلّك أنه ما بيعني لي غير ابتسامتك و أنه عندك أحلى (جوز عيون)

بسسسسس أنا هلأ بدي (حبّك)...

إنّ الآخرين يحبون الفتيات و لكن لا يخبروهن بمدى رغبتهن فيهن..

يفعلون و لااااا يقولون

أمّا أنا فهذا حلمي (أني كون معك) ولهيك بقللللك:

أريد؛ بكل بساطة؛ أن أكون معك و (أحبّك)

طبعاً الترجمة؛ كما هي الحال دوماً.. تفقد النص الأصلي شيئاً من كلّ صفاته..

وهي مني هدية هالغنية الرائعة ويلي صعب تلتقا...

صحيح ما علاقة بالأعراس بس حلوة ...

طبعا الغنية للياس كرم ....

C_U_.mp3 - 2.2 Mb

عدل سابقا من قبل wardjouri في 21.06.09 19:43 عدل 1 مرات

راااااااائعة أبو جورج..

يسلمو إيديك..

يسعد مساك..

وانشالله بالتمام على خير لبنتك.. وبدوام الأفراح.. يا ربّ.

يسلمووووووو ع الغنية الهدية

أبو جورج العزيز....كتير ظريفة

وحفظتها عندي بملفات الموسيقا...

وألف مبرووووووووك لبنتك ...

وإذا كنت بسوريا رح اجي اعمل

بروفا ....الرب يهنيكون ويديم الأفراح...

عبير....يسلمووو هالايدينننن

ع الترجمة....

عدل سابقا من قبل صبا في 21.06.09 20:29 عدل 1 مرات

يسعد مسا عبير وحالمة وابن الضيعة
عبير هلق خطرلي غنية وديع الصافي (لعيوني غريبة لصوتي غريب) الله ما احلاها

وحالمة كنت حابة اقترح عليكي غنية ماجدة الرومي (طلي بالأبيض طلي يا زهرة نيسان) بس طلعت عم تنحط كتير بالاعراس

شو رأيك بغنية نجوى كرم (الحلم الأبيض) وهي رابطها

https://www.youtube.com/watch?v=JjdVD-qJHok

مع الشكر ل عبير ع الرابط

هلا وغلا صبا..

بتعرفي أنه اليوم بالمناسبة هو عيد الموسيقا..

وكمااااااان..

عيد الأب..

كل سنة و آباءنا بكل خير.. والله يرحم الأموات منهم و الأحياء..

وان شالله اللي بعد ما صار أب نفرح فيه و يصير أب..

» أغنية الشتاء... صلاح عبد الصبور
» لو عندك بقرتين