خلي الزمان يركض ... بقلم: ابن الضيعة

من بعد ما قلت لهالصبية المولدنة
حاجي شقا وبيكفي ع قلوبنا شيطنة
احتجوا عليِّ كل هالعشاق
وصواتهن عليت وملّوا الدني
خلي الصبية بحالها
ع كتافها ترشرش عطر
بخصلات شعرها تعتني
وبطرف شالها يتعمشقوا العشاق
ومن خمر شفافها تشتي
ع قلوبنا الدني
***
يا حلوة الكبرت وبعدك بعمر الولدنة
ضلي لعبي بهالكون ضلي تشيطني
متل نسمة نشري الضحكات
غناني تصدح ع طراف الدني
وبقلوب هالعشاق ضلي تعمشقي
خلي الزمان يركض سنة ورا سنة
ون كانت قلوب هالعشاق
مسكرة بوابها
قلبي أنا ناطرك بقلبي تعي سكني
وع بيادر الحب وزعي غمزات
وع دروب هالزمان ضلي تهضمني
***
يا حلوة الكبرت وبعدك بالحلا بتدللي
وغمار عطرك تفوح بقلوبنا كلمات
من حروف هالكلمات مواويل غزلي
وآهاتنا من سحر عيونك صارت نغمات
وبسحر هالنغمات بالغِوى تمايلي
وبهالغنجات ... بتزيدي حلا
متل عنقود بالصيف ع أمُّو حلي

دايما و بكل الأوقات لأشعارك نكهتها الحلوة ........و أنغام و لا أروع ..عمي ابن الضيعة كالعادة عفتني ما اقرأ كلماتك كنت حاسة اني عمب غنيها .......يسلمهون كثييييييييييييييير حلوة

سلامات
راح تبقى كلماتك لها وقع خاص
بيذكرنا بالضيعة وايام الصبا
لازم نسميك سيد العشاق مع ابن الضيعة

لما بتصير الكلمات مواويل ع كتاف الدني
والحروف بتصدح كانها عصافير مشيطني
بيصير العطر بيقول للغنجات اتدللي تدللي
ابوجورج ما نسى حبيبته المولدني

يا سلام يا ابو جورج ما احلا كلماتك
تسلم ايدك

ابو جورج كل ما يخطه قلمك يندرج ضمن إطار الأبداع والجمال والفن العذب
لأن كلامتك احلى وانعم من زقزقة الطيور
وخاصة انها موجهة للحبيبة
فدمت محبا صادقا ودام قلمك رائعا شفافا

صباحكن خير ...

بيوتي .... باسل ... صبا .... مي ...

كل الشكر لمروركم العذب .... شكرا لروعتكم

لكم كل المحبة والتقدير ....

اقتباس :: يا حلوة الكبرت وبعدك بالحلا بتدللي
وغمار عطرك تفوح بقلوبنا كلمات

ما أحلى حروفك يا غالي
أكتر شي بينقصنا بالوقت الحالي وبغياب الكل
أنو نحس بحنان وجمال حروفك
اللي بيملى المنتدى سعادة وأصداء الحياة والحب

سلامي لروحك

مليكة مساء الخير ....

شكرا لمرورك الطيب ولرقة كلماتك وروعتك

تقبلي مني أجمل تحية وكل المودة

الله يا ابو جورج يسلم دياتك على هي لكلامات الكلها ماخوذة من الطبيعة والبساطة وموجهة للصبية

وجدي شكرا لمرورك اللطيف ....

تقبل تحيتي

اقتباس :: يا حلوة الكبرت وبعدك بعمر الولدنة
ضلي لعبي بهالكون ضلي تشيطني
متل نسمة نشري الضحكات
غناني تصدح ع طراف الدني
وبقلوب هالعشاق ضلي تعمشقي
خلي الزمان يركض سنة ورا سنة
ون كانت قلوب هالعشاق
مسكرة بوابها

والله أنا بمحلك بغار !!
شو قوة هالحب يلي جواتك يا صديقي الغالي
إنشا الله كل أيامك حب ويسلمن يارب

<P>كلمات رائعة متل صاحبها الرائع</P>
<P>محبتي واحترامي لك يا غالي</P>

دائما كلامك رائع وجميل ومميز
لك محبتي

» يا بنت لا تغادري الضيعة ... ارجعي ... بقلم : ابن الضيعة
» طير يا عصفور ... بقلم : ابن الضيعة
» ليش البكي ... بقلم: ابن الضيعة
» إن غاب وجهك ... بقلم ابن الضيعة
» يا شمس طلي أجا تموز ... بقلم : ابن الضيعة