طلّ الصبح وبعدك نايمة ...!! بقلم: ابن الضيعة

مع طلِّة الفجر زقزق العصفور
والحجل تكتك
ورَدَّدْ الوادي
صدى نغمات هالشحرور
***
ورفرف الديك بجناحو
وصاح
وطل الصبح ع صياحو
والندى غسل خدود هالوردات
وراح
***
وأنت بعدك نايمة بحلم
والحلم صارمتل النور
بساتين خضرا كلا زهور
ونسمات العطر حولك تدور
وعطرك يفوح بقلوبنا بخور
***
اشتقنا لبسمة
لضحكة
بترسما ع وجوهنا طلتك بالنور
اشتقنا لطلة
طلة بدر
وقلب بالحب ممهور
اشتقنا لنهكة هيل
بفجان قهوة صبح
اشتقنا لريحة حطب
وكلمات وزنا دهب
اشتقنا
لزند أسمر
لخد متل الورد أحمر
اشتقنا لرمشة هدب
لسحر عيون
مزينة بمرج أخضر
اشتقنا
لرغيف خبز تنور
من يد لمستا تسحر
***
وأنت بعدك نايمة
بحلم
والحلم يكبر
طل الصبح يلا يا حلوة
من خدودك
شهد العسل نفطر

طل الصبح يا ابن الضيعة
ومن عسل كلماتك نسكر
حلوتك أخدت القلب معاها وراحت بهالدني تكبر
خليها تنام يمكن تشوف بالحلم حب ومع الحب فارس وحصان و ووعدود أكبر

شكرا لك يا رايق
كلمات بتاخد العقل والقلب والروح

الله عليك يا ابو جورج كلامات من هل الارض للارض يسلمون معلم كلمات بتجنن

الرائعة مي ...

العزيز وجدي ...

شكرا لمروركما اللطيف

لكما كل التحية

طل الصبح وبعدك نايمة
يمكن بالاحلام الوردية لسا
نكهة الهيل اكيد موهيك

يسعد مساك باسل ....

شايف بعدن الجماعة كلن نايمين مو بس هي ...

شكرا لمرورك اللطيف

العصافير والطبيعة وقلبك الكبير ومحبتك الكبيرة بتخليها نايمة وعم تحلم تنغملا كل كلمة من موسيقا كلماتك الصادقة
ا
دخيل عينك شو بحب اقرالك وأقراك

دخيل حجلات ضياعنا الحلوين
يلي بينامو على شعاب السنديان
ويتغزلو بشجر الزيتون

» يا بنت لا تغادري الضيعة ... ارجعي ... بقلم : ابن الضيعة
» بردان ... بقلم: ابن الضيعة
» يا شمس طلي أجا تموز ... بقلم : ابن الضيعة
» ليش البكي ... بقلم: ابن الضيعة
» إن غاب وجهك ... بقلم ابن الضيعة