همسة صافية من القلب .. لكل القلوب

يمكن كنت لازم اكتب بقسم الموسيقا بما انو رح حط لينك غنية لكن شفت انو هون انسب
بكتير اماكن و زوايا من حياتنا منلاقي ناس ضعقاء او بالاحرى الحياة شذبت ارواحهن لدرجة الهشاش و النزف مع العلم انهن اقوياء بالاساس .. لهيك و لحتى نقدر نضفي عليهن لمسة الحب يلي بقلوبنا و نضوي شمعة قوة لتنور دربهن حتى يقدروا يكملو .. لازم نقدم الدعم النفسي و المعنوي بكل الطرق و الوسائل .. ليه عم قول لازم ؟؟
لانو لما الحب بيغمر قلب الانسان بيتعداه للخارج بشكل انو ما بيقدر هالانسان المحب بلا ما يقدم المساعدة لاي شخص بحاجة .. حكما رح يحس بالشخص يللي بحاجة لمساعدة لانو رح تقوى عندو حاسة الشعور بالاخر و رح تكون رغبتو بالمساعدة مو رهن اشارتو بالعكس .. رح يكون الموضوع لا ارادي تماما و هاد الحلو .. انك تهب للمساعدة ولو بالكلمة او بالعمل او حتى بالصلاة بدون علم الطرف الاخر
لما الحب يللي بقلبك بيتعدد و بيكبر ليشمل الانسانية كلها هون الواحد بيحس بقيمة الانسانية يللي الرب منحنا ياها .. مو بالسهل ابدا انو نحس فيا لكن و من عندي بقول انو هالشعور تحديدا بيخلي الانسان بحالة سكر راااااااااااائعة ... ما في اجمل من فرح العطاء ولو كان العطاء كلمة
في نقطة مهمة عم نغفلها احيانا .. انو خلال رحلتنا بمساعدة شخص ما لازم نحسس هالانسان هاد بايماننا بقدرتو ع التغير للافضل و بانو هوي انسان قوي لكن هيي فترة و بتعدي و كلنا مننكسر لكن منرجع منقوم .. و قد ما انكسرنا هلا هاد بيعني قوة رح ناخدها من هالتجربة .. يعني كمان الكسر الو فائدة
حبيت قول هالحكي لانو اللينك يلي رح يظهر هوي لغنية جديد سمعتها بيجوز تكون قديمة لكن اول مرة بسمعها كان من 3 ايام و هديتها لشخص قوي لكن الايام احيانا بتكون اقوى .. قدرت عليه شوي لكن انا هديتو ياها لحتى قللو اني بآمن فيه و بقدرة الحياة جواتو و بأنو رح يوصل بيوم لقمة المجد يللي بيريدو
بتمنى تعجبكون الغنية .. انا كتير بحب هالنمط و بحب سيلين ديون
عفوا لاني عم بكتب بالعامية

http://www.4shared.com/file/94521132/ecaa4023/IL_DIVO_-_I_believe_in_you__il.html?s=1